كثرت على مجتمعنا بعض الظواهر الغريبه والتي لم تكن من ترسبات اجدادنا ولا حتى ابائنا ،،،
ولو اردنا فقط تعداد هذه الظواهر لأخذنا من الوقت الكثير ،،، رغم ان ولادتها لم تأخذ وقتها ولكن ماعسانا أن نفعل بالتقليد الاعمى
مايهم ،،، هو رأيكم أحبتي لأنني سأستفيد منه كنظرة المجتمع لما ارى في شخصي انها عاده غريبه واعتقد بأنها لاتخلو من السؤ ،،،،
( بعد مرور شهرين من الزواج ،،،،
أحمد : حبيبتي أنا بطلع الاربعاء الجاي للبر مع الشباب
مها : طيب حياتي ممكن تنزلني عند أهلي
أحمد : ليش !! وبعدين ياقلبي امي وابوي ماعندهم احد
مها : حبيبــي أنا لساتني عروس واستحي منهم وبعدين لساتني مأخذت ع الجو
أحمد : اوك ياعيوني وانا كم مها عندي
بعد مرور عام من الزواج ،،،،،
أحمد : هاه مهاوي جهزتي شنطتي
مها : ايه وحطيت لك الجواز فالدرج اللي برى
أحمد : الله يعطيك العافيه هاه توصين بشي
مها : يعافيك ،،، ايه ودي توديني لاهلي
أحمد : كيــــف !! وهالشيبان من عندهم
مها : حياتي لاتنسى اني حامل والوحام متعبني بعدين امك وابوك ماشاء الله عليهم متعافين وعندهم الخدامه
أحمد : طيب آمري لله خلاص جهزي نفسك
بعد مرور ثلاث سنوات من الزواج ،،،،
أحمد : خلاص عبود أنت بلغ الشباب والملتقى الليله ان شاء الله / يالله فمان الله
مها : هاه ابو عمر راح تطلع
أحمد : ايه الشباب متواعدين بالمخيم الليله
مها : طيب بروح لاهلي دامك بتطلع
أحمد : طيب بس قفلي البيبان زين على الشيبان اخاف يطلعون مثل المره اللي فاتت
مها : اكيد حياتي ،، الله يرحم حالهم الخرف لاعب فيهم لعب
أحبتي ماسردته أناملي واقع مر نعيشه ،،، لاننا دايم نسمع انو البنت نربيها وتروح للغير وبنتنا الحقيقيه هي زوجة ولدنا
بأختصــــار ،،،،،،،
هل هذه الظاهره صحيحه !!! واذا كانت خاطئه من يتحمل خطائها ( احمد & مها ) ؟؟؟؟؟؟؟؟؟؟؟؟؟؟؟؟؟