وخير اش صار أذا رحتي ودرب الكلب ع القصاب
مصيرك راجعه مع درب ودّى غيرك وجابه
شنو يعني أذا رحتي من كذاب إلى كذاب
شنو يعني وغير الكاذبه ألفين كذابه
على فكره ترى النصاب ماينصب على نصاب
وكل بنت ٍ بهالدنيا تقول أحب نصابه
أنا ماني غشيم أحط أيدي في جحر هالداب
وصعبه مرتين ألدغ بهذا الجحر ومن دابه
صحيح أني هواوي وأعترف أني قتيل أهداب
ولكن من ذبحني بالهدب نتفت أهدابه
وصلنا وين .. ؟ هواوي ..صح !؟ أنا هاوي ولي أحباب
صبر آسف مو أحباب .. كذا وحده ولعابه
وأنا برضي على الحبلين متميز بها الألعاب
وأخذت المركز الأول على هالجيل بالعابه
أمشيهم على كيفي وأخليها ذهاب أياب
ومن يذهب على كيفي أحدد موعد .. أيابه
أنا كنت المعلم وأشرح أدروسي لهالطلاب
وصرت الرمز للتدريس وللتعليم وطلابه
مدام أن البشر من طين أو خلنا نقول أتراب
أنا من جيت للدنيا أدوس الطين وترابه
أنا عايش على هالأرض ولافيها حسبت أحساب
وربي من أنخلق لليوم شخص ٍ أحسب أحسابه
ولكن .. آه .. يا .. لكن وكل شي ٍ وله أسباب
وأنا حظي عطاني " كف " وكان العشق أسبابه
غلط مني .. عشقت وجيت أشيل من الضلوع أحطاب
مدام اللي كسرت صدري معاها فاس وحطابه
خذت قلبي .. من ضلوعي وصاح الذنب للتواب
ياربي أغفر ذنوبي .. ونفس السوء توابه
سرجت من الوفا .. مهره وطاحت وأنكسر ركاب
وهم قالو وعلى ماقيل يعرف الخيل ركابه
وأنا خيال أبن خيال وراس الخيل مني شاب
على ظهر الأصايل .. ماتركت السيف بجرابه
ولكن الزمن خاين وانا ويا الزمان أصحاب
غدربي .. وليه يغدربي !!؟ .. وكنت أعز أصحابه
يبيني لقمة ٍ سهله على المخلاب والأنياب
وقيل " أن لم تكن ذئبًا بتاكل لحمك .. ذيابه
وانا ماني عشى للذيب .. أنا اللي قد أكلت أذياب
عليه تشهد أنجوم السما والضلع ومرقابه
وأذا كان الزمن مبسوط !! .. قبله مافرحت أشناب
ومن يطرق لباب الناس .. تطرق العرب بابه
أنا ماجيت هي جتني .. وقالت أعشقك بأعجاب
وأنا كلي فخر بالشعر والجمهور وأعجابه
وقامت تحكي وتحكي وانا واقف بلا أستيعاب
وأراقب عينها وشفاتها اللي حيل جذابه
وتسألني " وأتمتم " بالحكي مدري لساني ذاب
وحلقي ضاع وحنجرتي تخنق الصوت مرتابه
هنا كانت بدايات الغلا للمظهر الجذاب
خدعني شكلها رغم أن هالأشكال تتشابه
غلطت وجيت من أقصاي .. وخانتني بعذر .. أغياب
تقول اللي يغيب أحاول أتسلا عن أغيابه
وقالت الوفا .. " للكلب " وحنا لانصير " أكلاب"
وهي كلبه وبنت الكلب خانتني مع كلابه
وذكرت الكلمه اللي قالها مره لي " البواب"
ترى كل النساء أتخون " وأحذر " منهم يابه
وخير اش صار لوطارت وباقي في سماي أسراب
وراحت قبل لتعشى بها لغيري تغدابه
شعار الحب " هات وخذ " وأنا من ياخذ ولاجاب
بعكس العكس " أخذ وهات " أخاف أعطيه وأبلابه
حسافه هالقصيده في " غبيه " مالها أعراب
وأنا للشعر في عيني مكان ٍ يصعب أعرابه
قلبت الطاوله فوق الكراسي وروس هالكتاب
وخليت الشعر يعرف مدى قدرات كتابه
أمانه لارحلت .. وصارت أحروفي هنا أغراب
أبي واحد .. يردد قصة " العصفور والغابه
للشاعر / جابر بن هيف
توقيع
لا تخافي ,,الفرح بيجيكـ وافي ..
لا تخافي,, واتركي كل الظنون ..
فرّحي قلوب الحبايب
وامسحي دمع العيون
لا تخافي يالأميرة
لجل عينكـ كل شي وربي يهون
جآك مخلص جاك طيّب جاك وافي
وقلب عاشق والمهم قلبه حنون" ..
العرض العادي
