اولا
محشي ورق العنب
المقادير
رز مصري منقوع ومغسول من قبل
بقدونس مفروم ناعم
نعناع ناشف مطحون ناعم
ملح فلفل اسود
زيت
بصل مكعبات وطماطم مكعبات
حلقات بصل
حلقات طماطم
ورق عنب طبعااا لو اخضر نسلقة بماء وملح وليمون حتى يتغير لونة فقط مش كتير
نص كوب عصير ليمون

الطريقة
اولا نحط البصل المفروم علي النار مع الزيت ونتركة حتى يذبل وبعدها نضيف الطماطم المكعبات ونقلب حتى يتجانس ونحس ان الطماطم ذبلت

تانيا نضيف البقدونس المفروم ونقلب كويس ونحط الرز المنقوع ومصفي ونقلب كويس ونحط نصف مقدار عصير الليمون والملح والفلفل الاسود ونرفعة عن النار
تالتا نحشيهم بالورق العنب حتى تنتهى الكمية وبحيث يكون ورقة العنب العروق البارزة للداخل (لو عندك مكنة لف ورق العنب مش هتاخد وقت واريح شيء)
رابعا نجيب القدر ونحط شوية زيت ونوزعهم ونرص حلقات البصل وفوقها حلقات الطماطم ونرص المحشي اللي حشيناه
ونسقية عصير ليمون الباقي ونغلي شوربة والافضل شوربة دجاج بحيت تغطى المحشي بمقدار عقلة الاصبع ونعلقة علي نار عالية حتى يبدا يغلي مدة 7 دقايق وبعدها نهدى علية ونتركة حتى ينضج علي ناااار هاااادية علي اقل من مهلة ....
والف هنا

ودى صورة محشي ورق العنب بعد ما ينتهى
ملطوشة طبعاااا



محشي الملفوف

المقادير

رز مصري مغسول ومنقوع حسب الكمية والعدد
باقة كزبرة خضراء وباقة شبث
كمون ملح فلفل اسود كزبرة ناشفة
زيت
شوربة
ورق ملفوف مغسول ومسلوق في ماء وملح وقليل من الكمون

الطريقة

نسلق الورق بتاع الملفوف ونقطعة شرايط متوسطة العرض
مش كبيرة زى الصاروخ لالا يعنى بعرص صابع ايدك عشان شكلة يكون مقبول


نقلي البصل في الزيت حتى يذبل وبعدها نضيف طماطم مكعبات ثم نقلب حتى تذبل وهكذا وبعدها نضيف الخضرة المفرومة ناعم (الكزبرة والشبث) ونقلب كويس ثم نضيف الرز المنقوع ونقلب كويس حتى تختلط كل المكونات وبعدها نضيف الكمون والفلفل الاسود والكمون والملح
نحشي ورق الملفوف ونرصة في القدر بعد مانكون حطينا ورق الملفوف في قاع القدر عشان ماتنحرق المحشي
ونرصهم ونصب عليهم الشوربة ونعلي النار حتى تغلي لعدة دقائق وبعدها نهدى عليهاااا ونتركة يستوى علي اقل من مهلة عشان يبقي مظبوط..
والف هنا ....
ودى صورتة وطبعا كالعادة ملطوشة مش بتاع لالالا







محشي الكوسة



نفس محشي الملفوف بكل مافية ماعدا الملفوف طبعا هههههه
هتجيبي الكوسة وتقوريها انشالله فهمتوا الكلمة دى
وتخربشيها مش بضوافرك لالا بالسكينة من برااا وتشوحيها في سمن بلدى او زبدة انتى وطريقتك او زيت يعنى
وتملحيها طبعا تشويح خفيف تأخد لون بس
وتحشيها بالخليط السابق وترصيها في صينية وتسقيها شوربة دجاج وتوضع علي النار حتى تغلي ثم تهدى عليها وتدخليها الفرن علي نار متوسطة وكل شوية شوفيها حتى تنضج وبالهنااا
ومش عارفة اجيب صور زى اللي بعملهااا
في ناس بتسقيها صوص طماطم ودة بيخليها رهييييييييبة انا بموت فيها كدة اوى...



ملاحظة

الناس اللي عندهم سكر زى حلاتى يقللوا كمية الرزويكتروا من الخضرة والبصل والطماطم
ولازم رز مصري الرز البسمتى دة مش حلو ابداااا في المحشي مشقلب حالة شفت عند جارتى ماعرفتوش (المحشي)
واتمنى عجبكم
الطريقة طريقتى بالتفصيل وزى مابعمله يعنى اللي نفسهم مشتهية المحشي بتاعنا احنا المصرين تعمل الطريقة دى

وممكن تحطى مع حشوة المحشي لحم مفروم بس كل واحد زى مايحب احنا في بيتنا بنحطة في محشي الكوسة بس
وبألف هنااااااااااااااااااااااااااااا
ادعولي................