السلام عليكم ورحمه الله وبركاته
كيفكم ان شاء الله بخييير
انا متزوجه لي سبع سنوات والحمدلله متفاهمين وحياه نحمدالله وانا حامل
السالفه ان زوجي بحكم عمله العسكري في البدايه كنت معه والحين هو في مهمه لمده سنه وجالسه عند اهلي ويجي بين فتره وفتره المهم انا اليوم اخذت كرت العائله منه لاني احتاجه بحكم اني حامل اراجع ف المستشفى مدني فلما طلبته عصب علي وش تبغين به قلت احتاجه وانت ماتحتاجه قال انا احتاجه في حاجات كثيرة رديت مثل ايش رد علي شغلي متوقف عليه ابسالكم بالله اذا فيه احد يعرف ان العسكري بالجيش يحتاج الكرت مثل البطاقه العسكريه
طبعا سافر وكلمته بعد ماوصل تناقشنا وحوار مع صراحه قال هذا من خصوصياتي ومالك دخل فيه انا الرجال مو انتي لما تحتاجينه تاخذينه وترجعيه لي وماتساليني وش اسوي فيه قلتله اذا تحتاجه خلاص اعطيك رد علي باخذه من غير ماتقولين سالته ضروري في العمل قال خلي العمل على جنب احتاجه اذا كنت برا المعسكر وانا سكتت كنت بقول عشان تطلع بنات بس كان معصب ويبي يفهمني بالقوة والعصبيه بعدين سالته وش فيها لما يكون معي عصب لا مو من خصوصياتك انا اللي احمل الكرت سوا تكونين معي والا لا
المهم دار بيننا حوار واشياء من زمان بس انتهت على خير ماكأن صار الحمد لله
بس لما قالي احتاجه خارج العمل انقهرت وماقدرت اتكلم وقفل الحين احس بقهر ودي ارجع ادق عليه واقوله وش تحتاج به برا العمل بس هو نايم شكلي باصحيه الفجر واقوله
ساعدووووني وشكرا