صباح الخيرااااااااااااات
حبايبي اليوم جايبه لكم قصيده عورت لي قلبي فنقلتها لكم وأتمنى تعجبكم
على ذاك الرصيف أسهروأنادي بكل الجنون القار
أكلم شارع خااااالي سواده منسواد الليل
ترا ماهو فلسفه ولابقلبي قلت الاشعااااار
ولكن واقعي يفرض أكتب بلا تعديل
أنا راح العقل مني وعندي للجنون أعذار
معاناتي اذابوصف يفوق الوصف والتعديل
من الي قد وقف مثلي يواجه لعنة الأقدار؟؟
رضى يبقى ويتحمل ....عشر أضعاف همه يشيل
من اللي ثبت أقدامه يقاوم شدة التيار
ويعرف ان النخل وهو النخل راح وجرفه السيل
من الي حب له طفله وحلم من يوم كانوا صغار
يتوج حبه بفرحه وأمه تحضنه بتهليل
يمر الوقت واسنينه تمر ويستوون كبار
ويتغرب لجل حلمه يسابق كل شباب الجيل
ويرجع رافع راسه بعد ماصار هو طيار
وبقى من حلمه الوردي زفاف يرفض التأجيل
يجيها يقول حان الوقت تعالي نكشف الأسرار
طفح كيل الصبر ماعاد في صبري وصبرك كيل
ويذكرها بوقت صار مع مر الزمن تذكار
بأيام الطفوله يوم يغرقها غلا وتدليل
يمازحها وتردد له" ترى الكذاب يروح النار<<<
يجافيها وتهمس له "أعرف ان الجفى تمثيل<<<
وتدمع عينهم لثنين يهلون الدمع مدرار
ترى الذكراى ولو حلوه طواريها تهد الحيل
وتسرح في وسط عينه ..تفكر..ترتجف..تحتار
يسألها عسى ماشر؟.ويطيح من ايدها المنديل
وتنزل للركب وتقول سامحني على اللي صار
حشى والله ماخنتك ولكن حصل تبديل
تراها غيبتك طالت وتدري وقتنا غدار
كبرت وخفت تتأخر وخير البر بالتعجيل
ويشهق يلمح الخاتم ...يحس ان القاع تحته داااار
ولا يستوعب الموقف بليا شرح أوتحليل
يسود الصمت ....ولاكلمه ونظره كلها استنكاااار
شلل صاب اللسان وصاب كفين العتب تكبيل
دقيقة تمر..طعمها مر..نهاااية عمر ..مووت أزهاار
خسارة حب ..ضياع فدرب..نار تشب ..عذااااب وويل
ويسرح لو بعيده تهوووون ولكن كيف بنت الجاااااار
ويكسر صمته بصرخه تعدت في مداها سهيل
ويفقد وعيه وينزل على قاااع الثرى منهااار
مصيبه كيف يتحمل ؟؟ترى ما بالأمر تسهيل
مابينه وبين غرفتها...ممر ونخله وجداااار
وهذا اللي يعذبه ويزود طينه بتبليل
يشوف الي سرق عمره سكن وياها نفس الدااار
غدى جاار وله حق نزل في محكم التنزيل
ويتخيله يغازلها ويقول انه عليها يغاااار
ويتردد صدى همسه ..ولمسه.. وتقبيل
يناضر داارها وفكره ورى ذيك الستاير حاااار
وشباك الهوى عتمه بعد مازادو التضليل
يقرر زوجها يبني ويرفع الأسوار
ويتصرف بكيفه عنده منهم توكيل
ومكسور الجناح اللي بلا ذنب يذوق أمرار
يصارع حسرته ويجر بعد ذيك الهزيمه ذيل
يفكر كيف طاوعها الضمير تكون شي ضار
بعد ماكانت لعمره عمر..يحسب مداه طويييل
خذت كل ما بقى منه ومن عقله خذت أفكار
وبرواااز الوعد مايل خذته تخاف قال وقيل
عطت بروازه لغيره وخلت في الحشى مسمار
وآآآآآخر كلمه قالتها رجئآ ماأبيك تعيل...
ورد ..بكل غضب يسأل تحسبيني من هل الثار؟؟؟
أناوقتي غدى ملكي ولا يتحمل التعطيل
ودااااع الله واذا بعدك مرض ايماني العطااار
وأنا لي رب مايهمل بقرا كتابه بترتيل
واذا كانت مسافات المنازل بيننا أشبار..
لخليها سفر أيام وأساوي كل شبر بميل
واذاقالو على مجنون..أوملبوس..أوصابه زااااار
لناجي شارع خاااالي لوحده في توالي الليل
بقول ان الجنون ارحم كتبت من الجنون أشعاااار
وصدق شعري يتحدى اللذي قال الشعر تمثيل
وأعيش العمر أرددها{ترى الكذاااااااااب يروح النااار}
براءه كانت الكلمه ولكنه حصل تبدييييل
حكااااية عمري من يوم الطفوله لين صرنا كبار
في هذي الصفحه شفتوها وعشتوها بالتفصيل
أبي شخص ينورني ومن أبياتي بس يختار
حرف ماشكى من هم ويبشر مني بتعديييل
بعدها بعلن افلاسي وبترك عالم الأشعاااار
لأني ماقدرت أعطي لحزني فالشعر تعليل
وبرجع للسرير اللي من غيابي شكى محتاااار
واريح عين شوهها سواد يشبه التكحيل
وفي آخر بيت بسألكم عرفتو ليش أناجي القار ؟؟؟؟؟؟
قولو للثريا من تناجي لو خذلها سهيل؟؟؟؟؟
العرض العادي
