السلام عليكم ورحمة الله وبركاته
لدى سؤال يجيش فى صدرى واتحرج ان اسال فيه من بقربى ويعرفنى وعنده من العلم كما افعل فى مسائل كثيرة فى الفقة او الشريعه فىالمسائل العاديه وبصراحه جاتلى الجرئة عندما وجدت من مثلى يسالون فى هذا المنتدى سؤال سابق اجبتم فيه
اود التنويه انى مقبله على الزواج انشاء الله قريبا خلال شهور وانى رغم انى ناضجة فى امورى جميعها احسبنى كذلك لكنى فى الامور المتعلقة بالزواج لم اكن استمع لها من قبل الا ما اضطررت لسماعه بتجاهل منىوبمنتهى الخجل يمكن لانى تربيت على ذلك او لم اكن ممن يهتمون او لان فى داخلى أعلم انه عيب ولا يصح وخاصة لاكنت مخطوبة ولا متزوجه يعنى مش محتاجة اعرف عن الثقافة الجنسية اى شئ حتى فى سن المراهقة اللىمعظم البنات بيحبو يسالو ويتلصصو علشان يسمعو كلمة عن الجنس مكنتش زيهم واول ما سمع او يقال جانبى تلميحات معينة بقصد او تهريج اخد بعضى واقوم من المكان لان ده عيب وميصحش , انا حتى تعمدت انى لا احضر حصة العلوم اللى فيها شرح الجهاز التناسلى انا مش عارفة ده كان صح ولا غلط
اسفة للاطالة لكنها مقدمه لابد منها لانها بتمثل بنات كتير زى
وبما انى انشاء الله مقدمة على الزواج و صفر ثقافة عن ماهية العلاقة الزوجية لقيت انى لازم اعرف لانى خايفه واشتركت فى هذا الموقع بالصدفه وانا ببحث عن ايه اللى هيحصلى فى ليلة الزفاف من باب الفضول او الخوف اوالشوق لزوجى لقادم انشاء الله خاصة انى بحبه قوى ونفسى اسعده
بس انا مش عارفة يا ترى ربنا هيغضب عليه وانا بحاول اقرأ العلاقات الزوجية الحميمة وخاصة كل اللى بقأه او بعرفه بتخيله او بتمنى انه يحصلى لما اتجوز صحيح مش بيحصلى اثارة جنسية لكن مجرد ما بقرأ بسعد بان ده هيحصلى مع حبيبى لما نتزوج وبقيت بدعى ربى يارب عجل بزواجنا بس بتكسف جدا من ربنا قوى لما ادعى واطلب الطلب ده نفسى اعرف حكم الشرع ايه فى الموضوع ده خاصة انى بالفعل قررت انى مدخلش على المنتدى اللى بيخص العلاقات الزوجية واكتفيت بالمنتدى الاسلامي ومنتديات اخرى ليس لها علاقة مباشرة بالجنس مثل ما يخص العناية بالجمال والبشرة الشعر الخ .برجاء الرد هل انتظر حتى اتزوج ويعلمنى زوجى كل شىء ام ماذا؟:cupidarrow:
العرض العادي
