السلام عليكم ورحمه الله وبركاااااااااته

اختي الغااااااليه حياااك الله

تبين الراااااااحه اهتمي في نفسك وزوجك وخلي الشك والوساااس عنك
ليه اتفتشين وتسئلين عن الرقم السري معنااااته انك شكااكه وموسوسه فيه اسااااااااليب كثيره بتفااهم والنقاااش والهدوء تنحل الامور كلهاااااا
وكبري راااسك لاتفتشين لاجوااااااال ولا غيره ازرعي الثقه فيه وترتاااااااااحين

واسئل الله الكريم ان يريحك في الدنيا والاخره

اختي الغاليه

بقولك على سر اكتشفته في طريقة التعامل مع الرجال

وجربي وادعي لي

يالغاليه

الرجال يموت بالثقه حتى لو هو ما يستاهلها انتي حسسيه اني وثقت فيك وانك مرتاحه معاه

وابدا ابدا ابدا لا تفتشين بأي غرض له

عاهدي نفسك ما تسوينها مو عشانه عشان راحة بالك

قولي لنفسك من حقي اريح راسي

اقولك شغله ثانيه

اقسم لك بالله ما فيه حرمه بتدور باغراض زوجها الا وتلاقي شي يغثها

يا انها رسالة من بنت حرام يا مقطع سخيف وبايخ يا رقم برمز معين ويمكن بعد انه لورشة سيارات بس بيلعب الشيطان براسك

واهونها ويغثك بعد مسج تافه من احد من اصدقائه تلاقين فيه حب وتغزل وكأنه بنت يعني بتنغثين بتنغثين

فليش يا قلبي متعبه حالك

وفيه رب العباد هو المتوكل بكل شي وبيحاسب كل على افعاله

ريحي راسك وطنشي اقسم لك قسم ان يرجع لك رجعه ما تتخيلينها بيشوف وش سبب تغيرك وانك ما عدت مهتمه فيه وتحبينه

هو حاس انك لازقه فيه وغاثته خلاص طنشيه من ناحية الشك واعطيه الثقه واهتمي في نفسك وفي تعاملك معاه ضحك ووناسه ونهائيا لا تحسسينه انك تتصنعين هالثقه
قلتلك هذي راحتك انتي اولا

ما راح اقولك ليالي رومانسيه وهالشغلات

انا شخصيا ما اقتنع انها ممكن تغير شي اذا كان الخلاف الحقيقي ما زال مستمر هذي ليله وتنتهي

بس التعامل الصحيح يبقى اثره على طول

بتعاملك بثقل وثقه راح يحاول يجذب اهتمامك من جديد

ولا تسألين بتاتا هذا رقم مين وهذا المسج من مين واذا عنده ايميل نهائيا لا تحاولين تفتحينه

خليه يحسك ثقيله وانه فيك شي غير عن اول

جربي وشوفي

ونصيحه للجميييييييييييييع

تكفون شيلوا من بالكم التفتيش وربي ما وراه غير الغثا

والضيق

الله يفرج همك وييسر امرك

حياك الله أختي الغاليه


انا مع أخوي عبدالمحسن الشك يالغاليه هو أساس خراب البيوت

انتي مادمتي تشكين في زوجك وتفتشين وراه ماراح ترتاحين معاه ولاراح تريحينه بالعكس راح تخلينه


يرجع يخونك حتى لو هو ترك هالشيء فعلا ... انتي تعوذي من الشيطان والهي نفسك في اشياء تفيدك وتقطع طريق الشيطان من انه يخرب عليك حياتك بالذات انك تطلقتي من زوجك مرتين

ومو جمال الحرمه وتزينها ياغناتي كل شيء لا .. لازم يكون مع الجمال والتزين الصبر والحلم والتغاضي عن الكثير من الغلط اللي تشوفه وأهم منها الثقه حتى لو كانت معدومه لازم تنزرع بين الزوجين

لانها اذا انعدمت انهد كيان الاسره كامل ..


حكمي عقلك يالغاليه واصبري ودائما خلي هالآيه قدام عينك


{يا أيها الذين آمنوا لا تَسألوا عَـن أشياءَ إِن تُبْدَ لكم تَسُؤْكُم }


والله يوفقك ويهدي بالك ويسخركم لبعض يااارب

الله يعطيكم العافيه على الردود الحلوه