[align=center]السلام عليكم ورمة الله وبركاته

صباح \ مساء الخير عليكم جميعاً

رجاءاً أريد حلاً لمشكلتي




انا متزوج من 6 شهور

وزوجتي حامل ولله الحمد بالشهر الثالث

مشكلتي مع زوجتي من ايام الملكه

كنت الاحظ عليها البرود بالتعامل

قلت يمكن لأنها لسى ماحبتني

وصبرت وحاولت أحسسها بحبي لها علشان يمكن تحس فيه وتحاول حتى لو مجامله تتواصل معايه بغير بروود

تزوجنا ولله الحمد

لكن مشكلتي معها لاتزال

رغم أني متأكد 100 % بأنها تحبني

ماتقول لي كلام حلو الا نادرا جداً جداً

وتخطي كثيير .

وحاولت افهمها واقلها حاولي ماتسوين كذا

حاولي تسوين كذا وكذا

رغم إني صراحةً من النوع اللي يثور بسرعه

لكن صبرت وقلت إن شاء الله الفرج جاي

حاولت معها لكنها كانت تخطيء وبني آدم ليس معصوما من الخطأ

لكن المشكله إنها ماتعتذر أبدا ماتقول أنا آسفه

نسيت ان أذكر لكم العمر

عمري 24 وزوجتي عمرها 21 سنه وتدرس بالكليه السنة الثالثه

المهم

لا تعتذر أبدا ولا تقول انا اسفه معليش اخطيت أو شيء من الإعتذار

كنت دائماً ارى بأنها زادت بالمده بعدم الإعتذار

واروح لها واقلها ليش ماجيتي تعتذرين

واحاول افهمها بضروره الإعتذار قلت يمكن ماتعرف تعتذر او او او

المهم صار انها دائما تغلط وأنا ازعل وتزيد المده وأروح لها وأفهمها واقلها لازم تعتذرين

ولكن للأسف أحس بأنها أعتادت ان تخطأ وأزعل وماتراضيني واذهب لأعاتبها وافهمها بضروره الأعتذار

أيضا أحياناً تكون بارده بكلامها معاي جداً

فمثلاً : أنا حالياً مسافر عنها في بريطانيا ليه شهر قبل السنة الجديده

ورجعت 3 اسابيع

وسافرت برطانيا ولي الآن فيها 3 اسابيع تقريبا

المهم يحص اني أقول لها

هلا حبيبتي هلا عمري هلا قلبي وحشتيني تصدقي من غيرك أحس نفسي ضايع ومن هالكلام

يكون ردها

هلا

ويطول كلامي برغبه وإشتياق

ويكون ردها مثل كذا

لدرجه أنها ماقد قالت لي

حبيبي مشتاقالك مووت والله


وكلام الناس المشتاقين

ولو سألتوني عن حبها لي راح أقلكم 100% تحبني وماعندي شك بكذا


ورغم اني اني ازعل منها واقول لها ليش كذا واعاتبها

تقول انا ماأشوف في ردي شيء

ردي عادي

أحس انها ماتحب تعترف بالغلط

اقول لها كل هالبرود واللامبالاه وبرضه ولا شيء

واعاتبها

وبالقوه احيانا تقتنع

وماتقول اسفه

ودائما اخذمنها وعود بأنها تتغير

وماشفت شيء منها يعطيني أمل على الأقل

واحيانا أحس بأنها تتعمد تغيضني بكلامها لم أزعل

والله تعبت من المشاكل

والله حاولت معاها بكل الطرق


ولو تقولوا الحمل راح اقلكم من قبل الحمل وتعاملها معاي بنفس الإسلوب


لدرجه اني اكون زعلان واعاتبها واحسسها بأنها غلطانه بعض المرات بالإيميل

واقلها ليش ماتحسي في وليش وعتاب طويل

تسكت أقول إن شاء الله كلامي يجيب نتيجه

يكون ردها


أنا رايحه أنام

تخيلوا

والله ثم والله

وقتها تجيني رغبه حتى اني أضربها لو كانت عندي

ماأقدر والله ماأقدر


أخاف تطول هذي المشاكل

اسبابها ممكن تكون تافهه

ولو بادرت بسرعه بعمل أي شيء كاإعتذار ككك حتنتهي

المشكله انها دائما تكرر نفس الأخطاء

آسف طولت عليكم

لكن حبيت اعطيكم التفصيل

عسى الله القى عندكم حلل

بالنسبه ليه أنا أحبها والله

بس

عطوني حل

وأي سؤال في شيء مش واضح أسألوني

وراح ارد عليكم

بالنسبة للرجال

أتمنى يقولون ماهو الحل الأنسب لهذي المشاكل

وكيف ممكن أتفداها بعدين


وبالنسبه للنساء

تتوقعين إيش سبب هذا كله

وإيش أنسب الحلول برأيك





تحياتي للجميع ...



[/align]