مشكلتي مع زوجي ... ساعدوني . - زوجــي و زوجتــي عالم الحياة الزوجية

دمعة وحيدة ..:: جديد ::..

سلام ..
أنا عضوة جديدة معاكم وحبيت أعرض لكم مشكلتي لأني أبي حل للموضوع
بقول لكم المشكلة كلها وبصراحة ..
أنا متزوجة صار لي ست سنين وعندي بنتين الله يخليهم لي يارب
المشكلة أني أكتشفت أن زوجي يعرف بنات ويكلمهم في تلفون البيت وفي الجوال وحتى على النت
( الماسنجر ) وضبطه أكثر من مرة ودائماً يقول لي أنا ما أكلم وأنتِ غلطانة وأنتِ وأنتِ ..
رغم أني متأكدة من هذا الشيء لأني مرة كنت نايمة وجلست من النوم حتى أروح الحمام وأنتو بكرامة
وكانت الساعة تقريباً وحدة ونص وسمعته جالس يكلم وحدة ويغازلها هو طبعاً أنكر هذا الشيء
وفي مرة بعد لقيت في جواله مسجات حب وغزل وقال لي من عند صاحبه وأن طبعه كذا بس أنا ماصدقت
فأخذت الرقم بدون ما يدري وأتصلت وردت علي بنت وكلمتني بكل وقاحة وكمان في مرة شفت أيميله ولقيته كله بنات يعني البنات اكثر من الشباب .. وقتها انقهرت عن جد وما عرفت شسوي والمشكلة
بعد أنه دايماً يقول لي أنت ما تعرفي تلبسي وأنت ما تعرفي اللي أبيه منك وبناتك ما يخلوني أنبسط معاكِ اللي يسمعه يقول أني أنا جبتهم لحالي .. وأحياناً بس يجي من برى يهزئني حتى لو ما سويت شي يزعل
لكن هو من طبعه الزعل لأنه دايماً يزعل على أقل الأشياء ومن كثر المشاكل صار الوضع ما يتحمل ولا ني قادرة عليه ومع كل اللي يصير أحس أني خلاص ما أحبه وما أحس بأي شيء تجاهه .. حتى هو أحسه مايحبني بعد رغم أنه صار عادي بالنسبة لي يحبني او لا ما تفرق عندي بعد اليوم ..
أحياناً أحس أني مذنبه لأن شعوري تغير بس أي أسوي هو السبب .. هو اللي خلاني كذا لأني خلاص ما أثق فيه بعد ..
فـ أيش تنصحوني أسوي ..
أرجوا أنكم تردوا علي بسرعة ..

دمعة وحيدة ..:: جديد ::..

تذكرت شي بعد ..
لما صارت المشاكل بيني وبين زوجي رحت بيت أهلي كذا مرة وأهلي دائماً ينصحوني أني أرجع له البيت
ودائماً يقولون لي هو زوجك ومالك غنى عنه وأرجعي عشان بناتك بعد .. بس ما أشوف أي تغيير من ناحيته .. وعلى فكرة أنا دايماً أجدد في شكلي عشان خاطره بس .. لكن مافي نتيجة

اتمنى أنكم تعطوني أرآئكم وحلولكم لعلي أستفيد من نصائحكم ..
ولكم كل الشكر ..

أبو درية ..:: جديد ::..

تحياتي أحب أعرف هل زوجك يصلي وإن كان غير ذلك حاولي معه لأنه في النهايه الأمر بيد الله وماذا عنك أنت هل تصلين لأن هذه الأمور التي يعملها زوجك لا يمكن تزول عنه إلا بالوازع الديني والرجوع إلى الله والتوبه أنصحيه بما قال الله وقال رسوله صلى الله عليه وسلم .... أصبري عليه ودائما أسألي الله أن يهديه ...... أسأل الله أن يصرف عنه كل سؤ وتعود المحبه والإلفه بينكم . مع خالص تحياتي .

قلبي عن غيره تسكر ..:: ذهبي ::..

اختي الدمعه

اجلسي معه جلسة صراحة واعرفي ليه هو كذاا

وش الشي اللي حصله عندهم وماحصله عندك وش اللي قصرتي فيه واعرفي منه

واعرفي انه لك مهما طال العمر او قصر

والصبر ثم الصبر

والله يعينك

دمعة وحيدة ..:: جديد ::..

الحمد لله أنا أصلي وهو بعد يصلي المشكلة أنه متدين وشديد بعد ومع هذا يسوي كذا ..!!

ياما جلست معاه وتناقشنا مع بعض لكن بدون فايدة يقول أنا ما أسوي كذا ولا عندي هالخرابيط
وووو ..
واللي يقهرني أني أسمعه إذا كلم البنات يقول لهم كلام حب وغزل عمره ماقاله لي ..
وأنا بصراحة ما قصرت معه دايماً أشوف طلباته وأدلعه وأعمل له كل اللي يبيه بس الحين خلاص النفوس تغيرت عن قبل .. والحين صار لنا أسبوعين ما نكلم بعض وصار ينام لوحده بغرفة ثانية والاحظ أنه حتى يتجاهلني ولا يطالعني أبداً ..

مشكلتي, زوجي, ساعدوني

الموضوع التالي

قد يُعجبك ايضاً

هل مشكلتي شبقه جنسيا ام مشكلتي زوجي ؟! ساعدوني بـ مشكلتي ساعدوني في حل مشكلتي

Adsense Management by Losha

( جميع مايكتب يعبر عن وجهة نظر كاتبه ولا يحمل وجهة نظر الموقع يعبر عن كاتبها فقط )