في المدينه جيت اجول وفي يدي اليمنى ورود
في ظلام الليل لاذبلت ولا بان النهار
وفي يساري لي بشت وشنطه ولي حيل مهدود
وابتسامه للرصيف وللزوايه وللغبار
داخل الشنطه دفاتر شاعر ماله حــــــــــــــدود
وكم شماغ وكم ثياب وخاتم امي والسوار
جيت اغني للعصافير ويغنيلي الوجـــــــــــــود
جيت ازف بيوت شعر شاحبه والف انكسار
في المدينه جيت افتش عن هوا اطهر عنـــــود
عن ثمان سنين ضاعت بين غفله وانتظار
اييييييه ياذيك الليالي قبل لانعرف حســـــــود
قبل لايقسى علينا الوقت ويطول الحوار
خبريها ياشوارع عن قديمات الوعـــــــــــــود
ذكريها في سوالفنا وفي طيف الصغار
رجعيها للبيوت الطين واطراف الحـــــــــــــدود
وطفلت كانت تقول الله لو حنا كبار
طفلت من طيشها كان الوقت لي مايجـــــــود
كانت تغني ومسرع يمر بنا النهار
كل شي كانت تقوله فاكره وارجي يعـــــود
بس خوفي هالمدينه بددت طيش الصغار
ياترى هل تفتكرني او محتني من الوجــــود
توهتني المدينه وويش اسوي بختصار
اذكر ان امي تقلي لاخلفت الضن عـــــــــــود
هي كذا الدنيا وانا امك مالحد فيها خيار
المدينه خابرتها زين لو كانت تجـــــــــــــود
ماتغير كل من يقطنبها بعز النهار
واذكر اني قلت يمه والاماني؟ والوعـــــود؟
وكم رساله سطرتها لي بأناملها الصغار
هذا انا اكبر ويكبر حبها وفيني يــــــــزود
هذا انا في كل ليله لي بها امية قرار
ياسقا الله خبري اول قبل ماتعرف قيــــود
وقبل لاتعرف نقاب وذاك عيب وذاك عاب