لوخسرتك ماخسرت العمر.. والدنيــا متــاع
وادري اني لو خسـرتك.. ماخسرت الا القليـل
بس فكر زين.. تعرف زين.. من خسر فينا وضاع
وتعرف... انك لـو تلف الارض وتدور بديــل
والله ان تبطي.. ولو لفيت في كل البقـــاع
ولو تسوي وش تسوي ..ما انت لاقي لي مثيل!
وين تلقى مثل شخصي شخص وطباعي طباع
ووين تلقى مثل قلبي قلب... او مثلي مثيـل
البشـر واجد نعم.. لكـن فــرق الانطبـاع
يجعلك يمـي تميل ..ويـم غيـري مـاتميـــل
يارفيقي انتبـــه.. واحسن الي الاستماع
للمواقف دور في كشف المزيف والاصيـل
وانت ماقصـرت فيني ..موقفك جدا شجــاع
طعنتـك في الظهر.. فعلا كانت اثبات ودليــل
بيـض الله وجهــك اللي سـاتره تحت القنـاع
ورايتك بيضا معاي...وياعسا عمـرك طويــل
يعني اعطيتـك ثقـه... وتردهـا بلوي الــذراع!
ياخـي ماشـاء الله عليـك..ابدعـت في رد الجميـل
مدري كيف اشكـرك.. مدري كيف ارد الصاع صاع
كنت احسب انك عزيز النفـس... تطلع لي ذليــل
كم وانـا عييت اصدق فيـك قـدر المستطــاع
من غبـائي كنت اسكـت..واعذرك واثر الحصيـل
(جــرح قلـب) ميزته كـل يوم الاتســـااع
ودمـــع عيني ينهمر من ضيقتـي في كـل ليــل
والله انـي كنت احبك حـب ..واتبعـك اتبــاااع
كنت لجل ارضي غرورك.. بس اسووي المستحيــل
كنت اعمـى فيـك.. لا..لا..كنت ميت للنخــاااع
كنت مدري كيف؟؟لكن.. كنت صادق معك حيــل
كنت اماارس في غراامي لك.. سيااسة الانصيـااع
وكنت لاغـي معك فكرت.. اعتزل او استقيـل
اندفعت بكـل مافينـي.. وسـوء الاندفــااااع
يجبر الانسـاان احيانا يفكـــر بالرحيــــل
صدمتــي فيـك انت.. خلتني افكـر باقتنـاع
ان قتل النفس راحه..لو انـا كنـت القتيـــل
انفجر رااسي من التفكير..... وازداد الصــدااع
كيف انا بفتك من جرحك!؟ ومن دووشه(( قااال قيل))
رحمتك ياارب...لامن ضاااقت امنحني وســــااع
انت حسبــي في الزماان الجااير ونعــم الوكيــل
لاغدى مستقبلي والمااضي اطرااف النــزاااع!!
وصفحة الماااضي سوااد وشئ من هذاا القبيــل
فلازم انســى.. لجل انهي بداخلي هذا الصراااع
ولازم اتقـوى.. لجـل احقق النصـر الجليــل
وطالما ان الهجووم افضـل وسيلـه للدفــااع
مستحيل ارضخ ..لو ان الحمل ياربعي ثقيـــل
والبخيـل اللي نساني واشترى فيني وبــاع
يـروح..الله لايـرده..والله بجرحي كفيــل
وان سأل عني وجاكم بعد فترة انقطاااع
علموووه اني نسيته.. بس انا ماني بخيل
طالما كان السبب في قوتي قبـل الــوداع
بلغووه اقل شئ بخالص الشكر الجـزيــل
مما راااق ..
منقووووووول..
تحياتي..:cupidarrow: