صباح الورد والجوري وزهر الفل وصالك...
صباح الشوق للضمه...
صباح يعلن لك اشواقي..
طرالي هاجس الذكرى بظلمة ليلي الحالك...
وجيتك ناسي همي مشيت ولا اتعبت ساقي...
خذتني نشوة اشواقي على شاطي البحر جالك.

وفليت العلوم اللي خفت لك داخل اعماقي...
فتحت الك الطريق اللي ورى شاطيه مرسى لك
وقلت ابحر ولك خيرة اذا جوي لك راقي...
تأملتك من الدنيا اكون القصر واقفالك...
قوانين الغلا عندي ونبع الحب رقراقي...

ابي اسكنك في عيني وابي اطري على بالك...
وافجر بالغلا صمت القصيد ولا اجمع اوراقي...
سكوتك اليوم محيرني وماقلت لي تهيالك...
تعال مابقى في صبر كثر اللي تعنى لك
يبيك القلب واشهد لك بأنه فيك عشاقي...