أوصيك في ربك عقيده وسجده
ورجل بدون الدين لاعاش ..لاعاش
واوصيك في امك كل وقت ومده
أللي تحط كفوفها عندك فراش
والرجل في عمه ،، وخاله،، وجده
يافا ،، ويصبر،، وإن لحق بالتجراش
بعض القرايب كل مازاد عده
تزيد شرهاته وتاتي على أدناش!!!
ورفيق جنبك بدة الناس بده
فالحر يرقى في جناحين برياش
رجل بلا ربع زمانه يهده
حتى ولو ماله كثير ولدباش
وحذراك بابك للمسير ترده
فلة احجاج ..وضحكة الوجه ببلاش
الوقت في حاتم عصف به وهده
ويمناها ضراها بقعدان وكباش
ذاخرك في بيت فعوله تسده
ما انته بحاتم!! لكن الطيب ينتاش
واحذر على جارك لسده تحده
لاخير في رجل خدوع وغشاش
واحفظ عنوة كل عاني نوده
يقطعه رجل عاش عمره تخشخاش
واحفظ لسانك واعرف الهرج زبده
إياك من سمجة فضولين وخباش
خلك مثل بحر على أطراف جده
سره عميق ،، وهيبته ترعش ارعاش
وإن جيت في فزعه ، وجوده ، ونده
حاول تجمل في الرجاجيل بالكاش
ترى الذخيره كلها نقول عده
وماطلقة البلجيك تاتي لرشاش
وترى المهار بسرجها والاشده
وإن اصهلت فشاجع الراس ينداش
واحذر من الجاهل بمزحه وجده
ترى الثعل مع الأسد صار يعتاش
وإياك من الشمته وقولة مسده
يمكن يدور الوقت ويجيك وشواش !
ولا كل من صافيت يبديك سده
حتى ولو قلبك له ابيض من الشاش
ولاكل رجال صديق تعده
يمكن إلا منه بدا الشان ينحاش
ولاكل سيف ليا شهر بان حده
يمكن يعود في جفيره على لاش
وحبل الوفاء ترى السنافي يمده
حتى ولو جات الليالي على ماش
وسلامتكم
منقوووول
العرض العادي
