ابفتح كل صفحاتـي وابحكيلـك مـن الوجـدان
وودي بس تسمعنـي وتعـرف كـل مافينـي
انا ليلٍ طـواه الهـم وفجـره للأسـف مابـان
ظلامه زايد عتمـه .. ولابـه نـور يضوينـي
انا بحر عميق القاع وموجـه يشبـه الطوفـان
ولابه زورق يرسـي علـى سطحـه يسلينـي
انا عمري ولحظاته .. الم مع هم مـع احـزان
كتمت الجرح في صدري وناره حيـل تكوينـي
عطيتك كـل ماأملـك ومايغلـى لعينـك هـان
ابيك تكون .. لي وحدي .. حبيب وما تخلينـي
بنيت بداخلي < قصـر > وابي نكمـل البنيـان
لقيتك هادم < قصري > وساسـه بـدل بطينِ
يهل الدمع من عيني إذا شفتـك أبد زعـلان
وادور كل مايرضـي ... ضميـرك يامعنينـي
تحملت الطعون وقلت باكـر راح تصيـر انسـان
وبدل ماتشفـي طعونـي .. بسكينـك تعادينـي
نهاية حبنـا بانـت .. بـروح لعالـم النسيـان
حلفت انساك ياخاين .. ولا عاد أنت تطرينـي
اناعندي كرامه وانت صعب انـك تهيـن انسـان
يصون العهد في بعدكـ .. خساره طحت من عيني
انا ما اخون ياخاين وحبـي ماعـرف نقصـان
بتمم كلمتـي وانهـي غرامـك مـن شراينـي..
رآقت لي ولامست شعوري ..
عاااقلة ,,