تدرى وش اللى يجرح القلب جرحين - زوجــي و زوجتــي عالم الحياة الزوجية

مؤلم وحزين عندما نشاهد طفل يذرف الدموع

ولــــــــكن ,,, الاقسى والأمر

أن لا يجد من يمسحــها

تدري وش اللي يجرح القلب جرحين
ويمد حبـل الحـزن فيـك ويشـده

انك تناظر طفل مـن غيـر ابويـن
يمشي ودمعـة سايـل فـوق خـده

منظر صعيب ويقسم القلـب قسميـن
لا قـام يمسـح دمعـة بكـف يـده

يمشي ولا يدري طريقة علـى ويـن
لين التعب من كثـر مـا تـاه هـده

اثقل حـروف يشيلهـا فيـة حرفيـن
لا أب يـدريـبـه ولا أم تـــرده

في خطوته رحلـة ودمعـة وسكيـن
وحـظ توسـد بالمراسـي مـخـده

جيت اسألـة بالله قللـي ولـد ميـن
وبغي يجاوب واختنـق صـوت رده

أنـا يتيـم ومـا لدربـي عنـاويـن
وجزر الحزن فينـي يسـاوي لمـده

وطعم الطفولة ما عرفته لهـا لحيـن
وثوب السعادة صـرت مانيـب قـده

ابكي إلى من شفت غيـري سعيديـن
ليـن البكـا فينـي يوصـل لحـده

واقفي ورحت امسح دموعي من العين
وعيني تناظـر دمعتـه فـوق خـده

وهذا اللي يجـرح القلـب جرحيـن
ويمد حبل الحـزن غصـب ويشـده
__________________

توقيع

خجل... ..:: عضو مميز ::..

اثقل حـروف يشيلهـا فيـة حرفيـن
لا أب يـدريـبـه ولا أم تـــرده

شاكرة لك أختي ..

the king ..:: عضو مميز ::..

وطعم الطفولة ما عرفته لهـا لحيـن
وثوب السعادة صـرت مانيـب قـده

القصيدة جميلة فيها كثير من المبدعات الجميلــة ، بس القصيدة مغرورة لأنها من مغرورة بس اقول معذورة لأنها تحكي قصه حال الأطفال اليتامى

انا اختم كلامي واقوووووووووووووووووول فالك البريق وانا المليون وخجل 250 الف ، لأن خجل ثاني رد عليك تستاهل المبلغ ، وانتِ الكاتبه تستاهلين البيرق ، وانا الفائز والمليووووووووووووووووووووون وليد وعلى السعودية .

باااااااااااااي