~ صينيـة برجـر الفلفل الرومـي ...

برضه تسطلت عليها وحبيتها كتغيير عن انواع صواني الخضار العاديه
اخذت فكرتها من برنامج بالتيلفزيون وغيرت فيها شوي ،، مره لذيذه مع رز ابيض او خبز مفرود ...

~ المقاديـر ...
لحم مفروم
بصل مفروم
بقدونس مفروم
بقسماط
بيضه
كاتشاب
صوص الورشستر - اختياري -
ملح - فلفل اسود - بابريكا
بهارات مشكله
فلفل رومي يكون حجمه كبير
صلصة بيتزا
قشطة خفق
جبنة موزاريلا او قشقوان

~ الطريقهـ ...
صلحي البرجر بطريقتك المعتاده ، طريقتي نفس اللي نزلتها بموضوع الباربكيو نايت
وهي لحم مفروم - ويكون معاه شوي شحم علشان يطريه - اعجنيه مع البصل - شوي بقدونس - بيضه -
بقسماط - شوي كاتشاب وصوص الورشستر - الملح والبهارات
- طبعا المقادير تعتمد عالكميه اللي تبغينها -



بعد ماتعجنينها زين وقبل ماتبدين تشتغلين وحتى تتأكدين من طعمها وكمية الملح قبل لا تتورطين
جهزي مقلاتك وحطي فيها زيت وخوذي قطعه صغيره من اللحم شكليها واقليها ماتاخذ دقيقتين
وذوقيها وشوفي اذا كانت محتاجه زيادة شي ...

قطعي الفلفل البارد حلقات عريضه واحشيه باللحم مثل ماتشوفون بالصوره ::






اقليهم بالمقلاة حتى تتحمر من الجهتين - ماراح يستوي اللي جوا بس مو مشكله لانها بتدخل الفرن اهم شي ابغاها تتحمر وتاخذ نكهة القلي -



صفيهم بصينية الفرن وحطي بين الفراغات صلصة البيتزا
- افضل اللي تكون مصلحه بالبيت لانها اخف قوام من الجاهزه -



ودخليها الفرن بدون قصدير على درجة حراره 350 واتركيها لغاية ماتشوفين الصلصة بدت تغلي
اتركيهم كذا شوي بعدين صبي عالصلصه شوي قشطة خفق ورجعيها الفرن حتى يتكون صوص ثقيل وخليها 10 دقايق
اخر شي قبل لا تطلعينها رشيها بالجبنه وخليها تذوب وقدميها وبالعااااافيهـ ,,,,,,












تحيــآآآآآآآىتي /
ورد الحربي
م/ن