هلا فيك غلاي


بصراحه انا ماعمري جربت هالشغلات ولا صدقتها أصلاً


لأن معظم اللي تتكلم هالكلام بالشات سواء بقناة بدايه أو غيرها تكون هي صاحبة الخلطات .. يعني

تسوي دعايه لخلطاتها والمفروض انا نكون نبيهات وحذرات من بعض الدعايات والخلطات اللي أكثر الهدف

من وراها مادي وكله كذب في كذب ,,, وإذا كان ولابد بتدفعين وتخسرين روحي لأحد المستشفيات أو

المراكز المتخصصه بهالشيء أضمن وافضل


وبالتوفيق يالغلا

بس ودي اعرف من جربت هألاشياء


او شافت احد جربها ونفعت معه

شوفي ياقلبي انا عن نفسي ماجربت ومستحيل اجربها ..
بس بنقلك تجربتين وحده بنت عمي والثانية صديقة اختي ..


بنت عمي سمرا وزوجها يحب البياض عاد جتها حالة نفسية وقامت تدور اي شي يبيضها ويفتح ع الاقل لونها لوشوي .. شرت كورس التبييض لوحده من قناة بداية وكمان كريم زبدة البحر من وحده ثانية ..والله ثـــــــم والله مافرق فيها ولا شي غير الترطيب وهذا شي طبيعي لانك تحطي كريمات ع بشرتك وبتصير رطبه ..
المهم ياقلبي هي شرتها بشهر 5 واستمرت زي ماقالوا 3 شهور ..وهي من شهر 8 الى يومك هذا زوجها يراجع فيها المشفى جتها حساسية بجلدها وغير كذا المناطق الحساسه عندها أكلت هوا فيها والى الان المسكينه متضرره في كل شي بجسمها ..وزوجها كره البياض وساعته من اللي شافه في زوجته ومن الخساير اللي خسرها ..



اما صديقة اختي ..عمرها 23سنه وانخطبت باجازة الحج اللي فات بس شرط عليها خطيبها اللي هو ولد خالتها انها تسمن شوي .. وقالت قدآآآم .. واتصلت وخذت كود وحده عنجها كورس تسمين للصدر والارداف والوجه وقعدت تستخدمه بعد اسبوعين ونص لاحظوا اهلها واختي انها امتلت وصارت رويانه واستانست عليها وقالت لها صاحبة الكود اذا خلصة العلبة اللي عندك اطلبي الثانية وبعدها ان شاءالله يصير جسكم زي ما انتي حابه وماصدقت خبر سمعت كلامها واستمرت ,, وقبل لاتطلب العلبه الثانية ..كان هالكلام في الاختبارات النهائية حقة الترم اللي راح قامت رايحة للجامعة حست بشي مو طبيعي في بطنها وكل ظهرها ألم تقول غريب ماقد حست فيه ..ووداها ابوها المشفى وطلع عندها بداية فشل كلوي ..وش استفادت من شروط خطيب الغفله ومن الحرمه؟؟؟<<طبعآ التركيبه ع قولتها طبيعيه100% بس الله اعلم وش حاطه فيها وع قولة الدكتور خلط بعض الاعشاب مع بعضها مضر ..وفيه اعشاب الاستمرار عليها فتره طويله مضر<<اقتنعت بكلامه من ناحيتي ..

شوفي انا ماقلت كلامي اللي فوق عشان اقطع رزق وحده فيهم لاوالله ..بس لو كان اصلا فيهم ذمه ماتجيك الوحده تحلف بالله وتخلي اسم الله اهون شي عليها عشان تمشي بضاعتها.. هم عرفوا وش حنا نسعى وندور عليه وقاموا يستغلون بالحريم خلطات تنحيف وكورس تبييض وكورس يرجعك احسن من يوم كنتي بنت !! يعني صراحة حــــــــــــــــــــســــــــــــبي الله عليهم ونعم الوكيل ..

وبقولك ع شغله .. لاتظنين كل اللي يكتب بالشات تكون وحده مجربته!! لا حبيبتي .. هذي هي نفسها صاحبة الكود ترسل وتكتب تجربه من نسج خيالها عشان تمشي بضاعتها..

خذيها نصيحة من اخت .. ابعدي عن كذا شغلات الحمدلله حنا في غنا عنها ..
اذا ودك بالبياض او الرشاقه او كثافة الشعر فيه خلطات وعن تجربه مني اقولك ماكلفتني شي والحمدلله فرقت معي وكلها موجوده بالعطاره او بالصيدليات اهم شي ..شغله انا اعرفها واعرف وش فيها ولا تجيني وحده تنصب علي بكريمات او اعشاب ما ادري وش مكوناتها وتشريها برخص التراب وتبيعها ع الحريم ب 2000او3000..
اتمنى بجد تقتنعين وتبعدين وقبل كل شي استخيري الله..

كلام الاخوات مقنع جزاهم الله الف خير