:sa7l. (163):انا متزوجه لي خمس سنوات زوجي من انوع اللي ما يحب يتكلم الزبده ما ابغى اطيل عليكم انتقلت انا وزوجي وبنات الاثنتين انتقالنامن نجد الى الدمام ياتي بي زوجي الى نجد ويخالين عند اهلي بحجت انه مشغول وانه مو متفرغ لي ولبنات واجلس عند اهلي بالشهر والشهرين وما اجلس عند الا شهر واحيانآ ماكمل الشهر عنده يرجعني عند اهلي مع العلم اني اذا كانت عنده ما عمري قلت له اني ابغى اشوف اهلي حتى يخالين اجلس عند ولا يرسلني لاهلي لكن مع ذالك ما يخاليني اجلس عنده حتى اني اجلس ما يصدر مني الا هلا حبيبي الله يقويك وش اخبارك حتى اذا طلع من عندي اودعه بقبله والله يوفقك ويسر امرك واستقبله بترحيب والابتسامه على وجهي حتى ما اضيقه واحول ابسطه واوفرله اساليب الراحه وكل شي اسوي حتى اكون بقرب حبيبي زوجي لكن مع ذالك يرسلني انه حتى هو طبعه ما يبغى اني اسوي له أكل سوان غداء او عشاء الا اذا طلب هو وانا ماعند اي مانع حتى احيانآ يجي الساعه 2 او 3 ويطلب أكل واقوله امر حبيبي وش انت مشتهي اسوي لك ولا عمري قلت له اني ماراح اسوي على العكس اقول امر تدلل وانا كم فلان عندي وانا عندي اغلا من احد انت اغلا ما عندي يعني هو عندي بس يتدلل ويامر وان علي التنفيذ وانا ما اقول هذا الكلام كذب بالعكس هذي حياتي مع زوجي تاج راسي اريح له وانه مايبغى انه يخليني بين اربع جدران تدرون المشكله عندي انه ليش يبعدني عنه وحتى لما اكون عنده يخلين بالبيت يطلع من الصباح من الساعه 5 او6الفجر ولا يرجع الاالساعه 12 او1 المساء واحيانآ يصير له طلعه ويجلس لحد الفجر واحيانآ يسافر وانا جالسه بالدمام مع الرغم ان الدوام الرسمي عنده من الساعه السابعه صباحآ حتى 12 الظهر ومن4 العصر الى 10 او12 مساء ومع ذالك يجلس بالدوام اكثر ما يجلس معي ومع بناته وحتى اذا جاء للبيت مبكر يجي اذا كان فيه كوره واذا خلصة الكوره يرجع للشغل اذا ما كان فيه شغل قال انه تعبان وراح ينام حتى انه ما يطلع بنا الى البحر او يتمشى بنا واذا طلبن بناته انه يطلع بهن يقول يكفيكم اطلعات اللي طلعته عند اهل امكن ومع ذالك اقول يابنت تجي الدنيا وتجي بخير هذي الدنيا بس اللي استغربه انه مجرد مانطلع من نجدمتجهين للدمام يبدا يدق على اصدقاوه ويقول متى تجون للدمام متى اشوفكم متى نطلع ولا كاني معه حتى انه يشغل نفسه باللي يجون اطلعو للاماكن الفلانيه تراها زينه يصير لهم مرشد سياحي ومع ذالك يقول لهم لا تجلسون تمشو واستانسو وانبسطو برحلتكم وهو اللي يرتب لهم الرحله يحجز لهم السكن والشاليهات وانا سكته ما اقول شي حتى لا تصيرحياتي مشاكل ومع ذالك ما يقدر وعنده تقديره لي هو ارسالي لاهلي حتى السفر معه ما سافرة أيام بديات ازوج 10 ايام لاكثر ولا اقل وبعد ذالك سفراتي الباقيه كله مع اهلي وتبريره لعدم السفر ان اناس يسافرون علشان يكنون مع اعيالهم لوحدهم واحنا بجلستن بدمام مكان شغله يعد سفر لاني في نجد سكنه مع اهل زوجي واصبر نفسي بان الدنيا راح تعلمه وانه الحين طايشه ومصيره يعقل ويعرف ان اعياله لهم حقوق عليه ولما كلامته هل هو مبسوط بعيشته معي يقول ايه وستفسرت عن تصرفه معي قال انه مبسوط واذا كنت مني مبسوطه احنا بها كلن يروح في طريق بعدخمس سنوات وبعدما جبت منه بنتين رديت عليه اني انا احبه واني ما اعيش من دونه وعلى فكره جربت معه كل السبل سوان كلام حب اوتطنيش وحتى اني اذا كنت عند اهلي شغلي هو البحث بالانترنت وغيرهاعن الحركات الرومنسيه وحركات للفراش علشان ا قربه مني ومع ذالك هو ما تغير يعني تتي تتي مثل ماراحتي جيتي ارجوكم ابغى رايكم وحلولكم وآسفه على الاطاله
العرض العادي
