[align=center]السلام عليكم ورحمة الله وبركاته

موضوعي اليوم عن المعصوب :heart44:ويقال ان الطريقه اللي سويتها طريقه المعصوب الطائفي...

بدايه عمري وبحياتي ما كنت اتخيل اني ممكن اكل معصوب !!ببساطه لاني ماكنت استسيغ مكوناته موز سمن قشطه تمر كانت هالامور تجيب لي قشعريره ولا حتى جربت اذوقه >>> ظلمته الصراحه خخخ

قبل اسبوعين بالضبط طلبت مطبق وزوجي ماقصر جابلي وجاب معاه معصوب قرموشي
قلت لنفسي يابنت جربي مانتي خسرانه وذقت براس الملعقه وملعقه ورا ملعقه اكتشفت انه لذيذ لذاذه مو طبيعيه :mf_dribble::v9v9net_012:خخخخخخخخ

دورت بالنت عن طريقته ولقيت كثير طرق ومختلفه ..جربت هذه الطريقه وكانت ناجحه الحمدلله :148:

بالبدايه سويت العجينه :

2كاس دقيق بر
ملعقه خميرة صغيرة رشة ملح وملعقه ك سكر
وماء حسب العجن نعجن العجينه حتى تصبح الين من عجينةالفطائر
ونتركها حتى تخمر ويتضاعف حجمها

*(انا بما انها اول تجربه سويت نص المقدار)*

بالنسبه لكميه الموز والتمر اختياريه


العجينه بعد العجن




وبعد ماتخمرت نفردها بالطريقة هذي في صينيه تيفال وندخلها الفرن من تحت اول شي وبعد ذلك نحمرها (ماحمرتها كثير عشان ماتقسى ويصعب فرمها )



شكل الخبز بعد ماخلص واستوى وطري




هنا قسمت الخبزة قسمين علشان تشوفين من جوه كيف صارت ولفيتها بفوطه مانبيها تنشف




بعد مابردت قطعتها بهالطريقه لسهولة فرمها







هنا بعد مافرمتها ناعم اخليها على جنب





هنا بالقدر ذوبت زبده وشوي سمن




بعد ماذابت الزبده حطيت الخبز المطحون عليها وقعدت اقلبها على نار هادئه لمدة 10دقائق





اضفت التمر والموز والعسل (كان المفروض اخلي التمر اول لحد مايذوب وبعذين الموز بعد مايهرس ) لكن استعجلت بس الحمدلله ماأثر على النتيجه



هنا بعد ماانهرس الكل




هنا حطيت القشطة وحركت الخليط مع بعض




واخيرا :111::157:

اكتفيت بوضع العسل على الوجه واستغنيت عن السمن والقشطه








اتمنى يكون المعصوب عجبكم ...واطلب من اهل الخبره والاختصاص بالمعصوب تقييم تجربتي :msn-c8f54a4780:

تحياتي للجميع ...[/align]