:sa7l. (33):بسم الله الرحمن الرحيم
وبعد: هذه قصتي انا بنت مرت علي اوقات قهر وحقد من جدي الظالم بالأول ظلم ابوبي وبعدين بيضلمني هو واعمامي على حساب زواجي في البدايه ابوي صابه مرض جداً قوي في القلب عانا منه مده طويله جداً لدرجه انه تنوم في مستشفيات كثيره في المدينه وجده وشهور في الرياض لماشافوا الدكاتره ان حالته مره صعبه زرعو له قلب بعد مده طويله من الانتظار وبعدها دخل في غيبوبه شهر ونص في هذه المده نقل جدي قريب من منزلنا وكل يوم تقريباً يجي ويسأل على ابوي هاه متى يجي من الرياض وكلنا استغربنا مره قلنا نزلت عليه المحبه اخيراً "وياما تحت السواهي دواهي" وفي هاذا الوقت امي متفقه مع ام خطيبي انه لجى ابوي من الرياض بالسلامه نسوي الخطبه وبعدها الزواج وخلاص متفقين ان زواجي وزواج اخوي في العطله انشاء الله ولسوا الحظ ان ابو خطيبي مأخذ عمتي زوجه ثانبه وساكنه بعيد عن زوجته الاولى ومجاب منها عيال وجدي وعماني مقررين انه يطلقون عمتي وانا مايجوزني لخطيبي الي متكلمين في وانا عمري 13 سنه ومن هذا الوقت والدنيا كلها عارفه اته انا له وهو لي وجدي يوم يسأل عن ابوي تراه ماهو محبه ينتظره يقوم من الغيبوبه عشان يقوله على القرار وابوي الله يخليه لي ويحفظه بار لبوه القاسي يحاول يفهمه بالطيب والهداوه لعله يغير رايه لكن الشايب مره ملزم انه يريح ويسعد بنته على حسابي والله لما اشوف الي يصير حولي اطق من القهر والغبن وابكي في الليل والناس نايمه ماقدر اقول شي عيب البنت تتكلم وامي المسكينه تحاول في عماني لعل وعسى يوافقون ويقنعون جدي بس ماخس من ذا الاذا يقولون لها وهي تبكي وترجاهم ليه تبغينى نطلق وحده ونزوج وحده وتخيلوا القاعه محجوزه واخوي يجهز بيته وما بقى على الزواج الا شهرين وانا حظرت جنابهم ما وافقوا على الزواج ولا بعد سوينا الخطبه ولا اخذنا المهر وابو العريس يستنى رد ابوي وببعد محاولات من اهل الخير ودعوات امي وبكاها وقهرا اقتنع الشايب شويه وقال لبوي الي عمره57 سنه هذ اول واخر مره تزوج بناتك على كيفك والحمدلله كتبوا كتابي وانا نايمه بلبس البيت الي يفشل من جد واتسمع في الصجه والمباركات واخواني يباركولي وانا عين مفتحه والثانيه نايمه والشعر الله لايوريكم والحمد لله اتجهزت وحجزت بسرعه كلشي والله انه من القهر امتلى وجهي حبوب وبقع بنيه ولما رحت عند الدكتوره خاصمتني قالتلي الحين جايه وباقي على زواجك اسبوع وبعد الجواز كأن عين حقد وحسد صابتني في اسبوع العسل جاتني الدوره بالام عمري ماجربتها وبعد 3 شهور من الزواج حلمت بأن بيتي مهجور وفيه غبار وفيه قطط بنيه منقطه بأسود وتركظ في الممرات وبعد الحلم على طول لحد يومي هاذا والدوره ما تنزل الا بحبوب وما حملت والله انه نفسي في الحمل مووت وانا الحين لي سنتين متزوجه ورحت للمستشى من سنه وانا ارجع وقالولي انتي وزوجك سليمين ما فيكم شي.......................[ترى هذا جزى بسيط من عمايل جدي ببوي واهلي]...............امانه الي يقرأها يقول رايه في الي صار لي.....