حارت بي اضنوني وسط عتمة الليل
وازريت الاقي من رواها اجابـه !!
وامضيت تايه في هوا الذل والويـل
واركاب فكري ناخت مـن الذيابـه
ضيقه بصدري ما لهـا أي تأويـل
وحروف شعري في قصيدي تشابـه
ترطم بي ابخوتي على وادي وسيل
وتشيلنـي ليـن ارتمـي بالسحابـه
غديت مثل اللـي يسـج المراسيـل
ولا يجيبـه مـن يشـوف الكتابـه
انا افكـر كيـف عشـت بمهازيـل
وردي ذبل والحـظ ولّـت ركابـه
من بعد ضحك واُنس وضو القناديـل
صارت حياتي مثل بيتٍ ن خرابـه
جتني مصايب حطمت حيلتي حيـل
وخذيت من حظي خدايـع سرابـه
صرخت لين اهتز سـاس التماثيـل
والروح تزفر مـن همـوم وكآبـه
ما غير اكفكف بالدمـوع المناديـل
والقلـب ذل ومـات بـأول شبابـه
اترجـم جروحـي بشعر ومـوايـل
واعزف على عروقي بقوس الربابه
تعبت اشيل الحمل واحـط واشيـل
وازريت اصوب مير مابه اصابـه
اسهر وادون ما بفكري مع سهيـل
واغفي وقلبي غارق ن في عذابـه
اموت واعرف وش تخبي المقابيـل
والليل مظلم ما كشف لـي حجابـه
لكن على الله تنجلـي عتمـة الليـل
واعرف سبايب ضيقتـي والإجابـه
رااااااقت لي :msn-c8f54a4780:
العرض العادي
