السلام عليكم ورحمة الله وبركاته
اخواتي العزيزات ارجو منكم الرد على قصتي وابغى رايكم فيها انا جدا محتارة مدري ايش اسوي وقصتي هي :::
انا متزوجة لي 8 سنوات زوجي مايصلي دايما احاول اقنعه بالصلاة وانها سبب لراحته النفسية ورزقه بس السنة الاولى مستحي مني يصلي بس قدامي لكن هذي السنوات مايبغى مع العلم اني دايما احثه عليها واكتشفت السنة اللي فاتت انه كمان مايصوم كشفته صدفة كان يروح للحمام اللي اخر البيت عشان يدخن وكنت اشم الريحة واسكت ماني مصدقة لما دخلت على فجاة وانفجع مني اني شفته وبعدها فقدت ثقتي فيه ولما شافني بكيت لما شفته قالي انا عمري ماصمت كنت اخرج برى البيت وافطر وادخن (مااقوول الا حسبي الله ونعم الوكيل ) وانا المسكينة كنت دايما على الفطور احضر له اشهى الاكل والشوربة اللي يحبها واصحيه المغرب وكان ياكل وينام بدون صلاة كنت دايما اقووول بكرة يصحى بكرة يتعدل بكرة يصلي لكن الصيام فقدت املي فيه لانه على قولته حلفلي انه مايقدر يصوم على فكرة هو ياخذ علاج التوتر والقلق اسمه سيبراليكس ويقولي انه يحس بضيقه لما يصوم ويتوتر وانا حاسة انه يكذب علي والله مدري بس شكله عشان مايقدر يسيب الدخان المهم نكمل القصة يعني مايصلي ولايصوم وجووووواله اه اه من جواله اللي كل مافتحه الاقي رسايل غرامية من بنت ومسميها محبوبتي حاط لها حافظة لوحدها المهم بكيت واعترفلي انه تركها له سنة ومسح الرسايل قدامي وانا كنت الاحظ انه مايكلم زي اول بس المشكلة انه مهتم بجواله ياويلي لو امسكه يعني شكله فيه بلاوي وهو اعترفلي ان البنت اللي كان يكلمها كان بيساعدها امها متوفية وابوها مشلول وهي صايعة تطلع مع اولاد وهو بيساعدها وينصحها المهم انا القصة ماهمتني اهم شي انه كلم بنات والاحظ عليه عيونه طويلة كانوا اخواتي يقولون (اعوذبالله من زوجك مايشيل عيونه لاتعدينا )مو من الرجال العاقلين اللي لادخلوا يتنحنحون المهم مرررة لقيت في بيتي ورى المغسلة مويه صحة كبيرة فيها مويه لكن لما شميتها ريحة خل رحت وريتها زوجي كان جالس بالصالة قال يمكن موية منتهيه طليت بتاريخ الانتاج شهر 8 واحنا كنا شهر 10 مو معقول عاد راح كبها مع الطاقة ورماها انا شكيت في الموضوع لما قلت لاختي قالت يمكن خمر
عاد هو قبل ثلاث سنين انجلد كان يقولي عشان تضارب مع عسكري بس اختي قالتلي انه انجلد عشان لقوه طالع من استراحة فيها بنات ومعاه خمر بالسيارة
مومعقول انا عقلي مو راضي يدخل كل هالمعلومات عنه ماحسبه وسخ لهذي الدرجة المهم انا كثيييير افكر اني انفصل عنه كثيير بس كنت افكر بعيالي حرااام والله ماحد راح يهتم فيهم الا انا بس انا افكر لو انفصل عنه ماراح اخذهم امي وابوية تعبانين وكبار بالسن وعيالي فيهم شقااااوة والله ماني عااارفة ونسيت اقولكم هو كان مايغتسل بعد الجنابة كان يجيني مرتين بدون اغتسال لانه ماكان يصلي وكنت انصحه كثيييير لانه يعتبر نجس المهم الله يسعدكم ابغى رايكم انا مترددة كثير لانه يحب اولاده ويوفر لهم كل شي ومدلعني يعني كمبيوتر وجوااال اخر موديل وتمشيات وهو من النوع اللي ماياكل كثييير يعني مايخليني اطبخ وكل اجازة لازم يسفرني ولما يشوفني طفشانه يطلعني من البيت ويمشيني من غير المطاعم ....
نسيت اقولكم شي امس كنت ابروح بيت اهلي بس تراجعت والمشكله انه هو يبغى يقضي بس انا قلت خليني احسن انا اروح اقضي عشان في اشياء مايعرفها زي صبغة الاكل والاغراض الثانيه مع العلم اني كنت بعض الاحيان انا اقضي وهو يستنى بالسيارة يقول تعبان واحيانا هو المهم لما طلبته اني اقضي للبيت تدروون ايش رد علي قالي(انتي بس بتحومين وتتسربتين زي امك السربوته)ايش رايكم بس بالكلام انا قعدت ابكي ومنقهرة عليه وكنت ابتصل على اخويه واقول له تخيلوا شحنت ابكلمه وتراجعت لاخر لحظة فكرت بالطلاق وعيالي ولما قلته ليش تتكلم على امي قال انتي عصبتيني خلاص اكتبي بورقة الاغراض وانا اجيبها ,,المهم هذي الكلمة ماراح انساها من القهرترى امي مرررة طيبة معاه وهو يحبها بس ماني دارية ليش يقول كذا....
انا محتارة بين مرة عصبي ومرة طيب من غير المعاصي ..يا اني اجلس في بيتي واربي عيالي واظل انصحه يمكن يصحى من ذنوبه او اروح عند اهلي وارتاح من الشكوك ويمكن ربي يعوضني ....ماادري والله ابغى رايكم بصراااحة ياليت القى احد يكون استشاري بهذي الامور عشان يدلني ويعلمني ايش اسوي او كيف انصح زووجي واخليه يصلي ويصوم وهل صحيح العلاج اللي ياخذه يؤثر على مزاجه يعني يعصب كثييير مايخليه يصوم على قوله ؟؟؟
معليش اذا طولت عليكم في الكلام ....بس انا كثثثيييييييييير محتارة وانا مشكلتي اني ع نياتي واصدق كل شي ومرررررة طيوبة وحبوبة (هذا كلام اخواتي والناس عني ومابغى ازعل احد او اضايق احد )
شكرا لقراءتكم رسالتي ,,,,
(( لااله الا انت سبحانك اني كنت من الظالمين ))