اولـ قصصهـ :-

خلونا نبدأ يا شباب من اليوم خلونا نبدأ يا صبايا

كلنا عندنا أحلام كلنا عندنا طموحات ونبغاها تتحقق

واحد حلمه تعدي الاختبارت على خير وينجح فيها

واحد حلمه ربنا يشفيه أو يشفي أبوه من المرض اللي فيه

واحد حلمه يشتري سيارة أو اي حاجة معينة

واحد حلمه يبطل من التدخين او حتى من المخدرات والبنات

واحد حلمه انه يسافر ويلف الدنيا

وحده حلمها تدخل الكليه اللي تتمناها

وحده حلمها ربنا يهديها ويستر عليها من الشباب

وحده حلمها تتزوج رجل صالح أو حتى تتزوج حبيبها

كلنا عندنا أحلام وما بتتحقق

عارفين ليش ما بتتحقق؟
لأننا بعيدين عن ربنا

خلونا نقرب من ربنا شوية

ما اقول نسير مطوعين خلونا نقرب من ربنا

خلونا نرجع لربنا

الأغاني تجيب الهم والاكتئاب هذي الأيام كثرت العلاقات بين الشباب والبنات

هذا يحب هذه... وهذه تحب هذا...

يمكن يكون يحبو بعض من جد ويكون قصدهم ونيتهم الزواج ما أظلمهم

لكن أيام كتيرة يجي الفراق وما يسير نصيب

تلاقي المفارقين ايش يسووا ؟ ؟

يلجئوا للأغاني ويهيموا في اجوائها ويعيشوا زي الأفلام في جو حزن وكئيب ودموع ...

اشتأتلك واشتأت لكل حاجة فييييك.. وبحن لك

أنا حبعد عنك وأنا وياك ألبي حتحمل تعبي في بعدك الله يعينني ..

الأماكن كلها مشتاقة لك حتى ضحكتي لك فيها شي

الأغاني هده الأيام كلها هم و فراق ما تزيد همك غير هم

محا تملأ عيونك غير دمووووع وتخلي الدنيا سودا كئيبة

اسألوني انا مجرب

ما فكرت أنك تلجأ او تلجأي للقرآن ؟ ؟

اسمعوا واقرأو قرآن

صدقوني راح تحسوا برآآآحه و طمأنينة

وامكن سبحان الله ربنا يرجعكم لبعض تاني ويجمعكم في زواج

ولآ وقت الآختبآرآت ..

فجأة لقينا الشباب والبنات كلهم ساروا يدعوا ويصلوا ويروحوا الحرم

نزل الدين فجأة وبطلنا نسمع أغاني ما يسير نسمع اغاني بعدين ربنا ما يوفقنا

وبعد ما نستلم النتيجة نرجع لحالنا الأولاني

ليش؟ ؟
يعني ما نذكر ربنا غير في وقت الشدة ؟

خلونا نستمر وإنشاءالله ربنا يوفقنا في حياتنا كلها .. مو بس في الامتحانات ..

خلونا من اليوم نبدأ بداية جديدة نبدأ صفحة جديدة

مع ربنا

عشان تتحقق أحلامنا ...

عشان نحقق طموحنا ...

عشان ننعم بحياة سعيدة مطمئنة

عشان تدخل الراحة في حياتنا الكئيبة

عشان يهدينا ربنا ويكون راضي علينا ..

عشان ندخل الجنة

مشاريعنا من اليوم :

1- أول خطوة متى آخر مرة قرينا قرآن ؟؟

توجه لأقرب مصحف وأحضنه و بوسه وأسأل ربك أنه يجعله قرة عينك واقرأ سورة قصيرة منه .

2- الصلاة .. الصلاة .. كل حاجة سويها إلا صلاتك لا تتهاون فيها أهم شي الصلاة

خلونا شباب وبنات فلة نطلع نروح نجي نستمتع نلعب لكن وقت الصلاة نترك كل شي ونصلي ...

3- كل ما حسيت أن فيه مؤثر ممكن يجرّك للمعاصي استغفر ربك وقول استغفر الله

4- اذا حسيت في أغنية جديدة ضاربة ونفسك تسمعها ايش تسوي ؟ ؟

اول قول استغفر الله... واذا حسيت انك مرررررة تبغى تسمعها ومنتآ قادر

استبدلها بشي تاني .. استبدلها بالقرآن .. بكلام الله العظيم

بدل ما تسمع اغنية .. قوم اقرأ سورة من القرآن او اسمع مقطع من القرآن من جوالك

5- نزل في جوالك برنامج القرآن .. اقرأ منو لمن تكون فاضي وقبل ما تنام صدقني راح تجس براحة عجيبة

6- وإنت دحين On line .. نزل كم مقطع او سورة من القرآن وحطها بجوالك واسمعها كل ما تحس انك بترجع تسمع اغنية

7- من اليوم... ما اقول احذف كل الاغاني في جهازك او جوالك لكن كل يوم احذف اغنية.. كل يوم احذف مقطع فيديو يوم احذف صورة وسخة الين ما يبقى شي في جوالك

8- لمن تكون قاعد تتفرج تلفزيون ومافي شي حلو تروح على مزيكا وميلودي طبعا جرب انك تدور على قناة المجد او اقرأ سمع فيها سورة او اسمع محاضرة صدقوني مواضيع حلوه

- للشباب ما اقول ارمو الأشرطة والسيديهات اللي في سياراتكم .. لكن مثلا اول ما تخرج لجامعتك او عملك في الصباح.. لا تشغل اغاني.. واذا مررررة ما تقدر تسوق بدون اغاني خفف شوية مثلا اذا انت رايح للجامعة.. لا تشغل المسجل من اول ما تركب السيارة.. قول لنفسك مثلا لمن أوصل عند الحمرا أو حي النسيم اشغل المسجل... وهكذا الين ما تتعود انك تخفف...

10-اول ما تركب السيارة اقرأ المعوذات والأذكار وحصن نفسك

11- للبنات قت ما تكوني فاضية وقاعدة عالنت وتكوني مشغلة نانسي عجرم وألا افريل لافين قفلي الاغاني شويه مو لازم تقعدي على النت تسمعي اغاني جربي تقراي في امور دينك

جرب بتدخل في النت على مواقع دينيه او منتديات

ما نفتح ايميلنا لاقي ايميلات كتيرة منها الوسخة ومنها الدينية بنفتح الوسخة واللي مكتوب جنبها 18+ على طوووووول وبنحذف الدينية

خلونا من اليوم انا شاب وأدري انه صعبة انه ما نفتح الايميلات هذه بعضها امكن تكون نكت وسخة او صور كرتون وسخة وبعضها تكون اشياء خفيفة.. اوكي افتحوها مو مشكلة لكن لا ترجعوا تعملوا لها فوروورد وتنشروها

14- الرسايل الوسخة في ايميلاتناخلونا كل يوم نحذف منها فيلم كل يوم نحذف منها ايميل .

15- الشباب والبنات اللي في جدة ومكة والطائف .. حددوا يوم في الشهر تجتمع فيه الشلة وبدل ما تروحو الكوفي والكباين.. روحو الحرم مع بعض ..

16-الأستغفار شي عجييييييب لو أقول من هنا لبكرهـ ماوفيت حقهـ أنصحكم فيهـ والتسبيح .. قولو لا حول ولا قوة إلا بالله

17- لما ينزل الراتب والمكافأة . خصص جزء منها واتصدق بيه كل شهر

8- ابدأو صلو السنة... كلها ركعتين بعد المغرب وبعد العشا وركعتين قبل الفجر.. صلو الوتر... صلوا قيام الليل وادعو ربكم لأنه ربنا ينزل في التلت الأخير من الليل يقول ادعوني استجب لكم

19- ادعوا واستغفروا ربكم في الاوقات والاماكن التي يستجاب فيها الدعاء

أبواب الخير كتيييييييرة يا شباب وكلنا عارفينها...
القيامة قريييبة... صدقوني القيامة قريبة
البراكين والزلازل اللي في المدينة اكبر برهان
من علامات القيامة الكبرى... خروج نار من ارض الحجاز,, اللي هي البراكين
من علامات القيامة... قتل الخنازير.. وشوفو انفلونزا الخنازير كيف منتشرة
خلونا نرجع لربنا
عشان تتحقق أحلامنا ونفوز بالجنة

في نهاية الحملة:
كل الشباب والبنات... خلونا نبدأ مع بعض

ما نبى نكون مطوعين.. لكن نبى نكون قريبين من ربنا

نبغى نكون شباب وبنات فلة... لكن قريبين من ربنا

صحيح نلبس ماركات.. لكن نتصدق على الفقراء

صحيح نسمع أغاني.. لكن حنخفف منها ونسمع ونقرأ قرآن

صحيح نروح كفيهات... لكن بنروح الحرم كمان

صحيح بنركب جيت سكي.. لكن وقت ما يأدن نقوم نصلي

صحيح نشرب معسل... لكن انشاءالله نبطل

صحيح نتفرج تلفزيون.. لكن وقت الأذان نقفل الصوت

صحيح نروح مولات.. لكن ما نرقم بنات

صحيح بنضيع وقت عالنت... لكن بنسوي شي مفيد

صحيح بنعمل ذنوب... لكن نرجع نستغفر ربنا

صحيح احنا مو مطوعين... لكن قريبين من ربنا