الله يكون بعونك يا خيتي
وربي يفرج همكـ ويسهل اموركـ على خير
استخيري الله وربي يكتب لك اللي فيه الخير بأذن الله تعالى

وان شاءلله باقي الاعضاء يفيدونكـ بكل خير


تحيــــــــــــآآتي /
ورد الحربي

عليكم السلام ورحمة الله وبركاته
هلا وغلا فيك حبيبتي وألف ألف مبرووووك الخطوبه الله يوفقك ويسعدك ويسخركم لبعض يآآآآرب
شوفي غلاي اللي أشوفه انو مافيها شيء لو كان مره عليك المكالمه ومره عليه لأنو قبل مايكون فيها خساير أو دفع فيها تعبير عن حب وشراكه بينكم ... وهذا وقتها مين يسبق مين يكون أكرم واجزل عطاء مين يحب اكثر فما فيها شيء لو انتي بادرتي أو شاركتي
خاصة ان البنت وضعها أهون بكثير من الرجال يعني الرجال لو افترضنا انه بخيل أو بمعنى أصح حريص هو بيحرص عشان ايش عشان يكون بيت واسره ومستقبل لكن البنت لما تحرص تلاقيها عشان تشتري ميك آب ماركه جديده لاب توب شركه معينه حاجه زي كذا ... اسمحيلي على هالمقدمه بس هذي حقيقه
فانتي لما تجي وتشوفي ان خطيبك أو زوجك مستقبلا مابيعطيك او تحسي انو بخل عليك أو أخذ منك
أبد لاتخلي هالشيء يأثر على علاقتكم ببعض مهما كان ... الحياة ياحبيبتي شراكه في كل شيء
واحنا يالحريم يتحتم علينا انا نصبر لأي ظرف يحصل انا بأصارحك بحاجه استشفيتها من كلامك واتمنى انو صراحتى ماتزعلك كونك استشرتي اللي جربوا ...
انتي تقولين انك طلبتيه 200 ريال ؟؟ بالعاده واللي احنا متعودين عليه ان الوحده لما تكون ببيت اهلها يعني لسى مملكه ماتتجرأ تطلب من خطيبها أي حاجه مهما كانت حاجتها لها ولو انه من حقها شرعاً لكن حياءها وكرامتها تمنعها ... فعلى هالأساس يمكن ان تصرف خطيبك انبنى على هالشيء يعني ممكن يكون يوم شافك تطلبينه صار تفكيره مثل بعض الشباب اللي يقول لاتعطيها وجه اذا صارت كل شوي تطلب عشان ماتمشي كلمتها عليك لاتلبي كل طلباتها فتجلس لك بالمرصاد ومن هالكلام ...
يعني شوفي ياحبيبة قلبي الحكايه مو كره ولا شيء وأكبر دليل انو عطاك اكثر من طلبك بالعكس ماشاء الله باين عليه طيب ويعشق الارض اللي تمشين عليها لكن زي ماقلت لك حركة رجال يبغى يكون له شخصيه على زوجته وهذا شيء من حقه ... انا عارفه انو ممكن يكون كلامي قاسي بالنسبه لك لكن والله العظيم اني أعطيك هالنصيحه من تجارب عشتها ولا اتمنى اي بنت مقبله على الزواج تحس بأي احساس يكدر خاطرها ,,, اتمنى ياغلاي تجربي لفتره انك تبادرين وماتطلبين وشوفي كيف بيكون وضعه لو تغير فمعناته كلامي صحيح ولو بقى على وضعه فعاد لكل حادث حديث ..

وآسفه عالإطاله والله يوفقك ويسخره لك ياااارب

يااحياااااتي مشكوووووريييين الله يسسسسعدكم بجد دعووااتكم تريح ربي يريحكم ويعطيكم اللين يرضيييكم يآآآآرب ..

الله يسسسسعدك يااميرة كلامك ريييحني
بس يااقلبي يااميرة احنا عندنا عررف او تقليد أنه البنت اذا ملكت خلااص تصير كل حاجة على زوجها يرسلها مصروف كل شهر ويشتريلها هدايا وبالمناسبات يشتريلها هو على حسابة وهالشئ اخواني سووه قبل مااطلبه منه
وانا والله مو مادية لاتفهمون غلط انا والله قدرت ظرووفه لأبعد حد لدرجة انه الشبكة ماجاابلي ماجاب الا دبلة وعذرته لاني أشتري رجال وبنفس ليلة الشبكة تنازلتله عن خمسة آلاف من المهر بالله يبخل علي بميتيين مو حراااام ؟؟!!!!

بصراحة اكثر من كذا تنازل مافيه ..بس ارجع واقوول هو على قده وانا شاارية رجال وبأشوف آآخرتها معاه ..

يالييييييييت اشوووف ردود اكثر ..واش رايكم بتصرفاته ماابي اظلمه انا ...

ويسعد قلبك ياغلاي
أبد يالغاليه ما أقول عليك ماديه لكن انا حكمت من تجارب عايشتها
و مادام انو هذي عادات عندكم فما أقدر أقول شيء لأن العادات في معظم الأوقات تحكم
اما بالنسبه انو حتى الشبكه ماجابلك وانتي رضيتي تقديرا لظروفه وكمان تنازلتي له عن بعض مهرك فكثر الله خيرك عنجد ماقصرتي اذا هذا اللي حصل ...
واذا كان على هذا كله ومافيه تقدير منه فمالك الا تتكلمي معاه وبكل جديه وحزم بدون تجريح او انفعال وتتفاهمي معاه على انو هالوضع مايصير وانو مقصر واذا بقي على هالوضع فالحياه راح تكون صعبه والسعاده راح تكون معدومه بينكم لأن مو من المعقول انك بعدما تتزوجينه راح ترجعين لأهلك وتطلبين منهم انهم يصرفوا عليك
هذا واجبه هو وهو ملزوم فيك وبالنفقه عليك بدون تكلف وفهميه انك الحين زوجته ومن الواجب انو يصرف عليك حتى لوما طلبتي لكن تقديرا لظروفه انتي ساكته لكن اللي حصل انو فهم الوضع غلط
وبعدما تفهميه كل هالاشياء اتركيه فتره ولاتكلميه ولو سألك ليه ماتكلميني قولي ابغى ابعد عنك شوي
عشان تفكر بهدوء في وضعنا وبعد كل هذا شفتي تغيير كان بها ونعمت ماتغير أو صار للأسوأ لاقدر الله
فالأفضل لك انك تفكرين زين مادمتي لسى عالبر
وصلي الإستخاره أكثر من مره وان شاء الله ربي راح يقدر لك الخير
الله ييسر امورك ويريح بالك ياااارب