السلام عليكم ورحمة الله وبركاته
اتمنى انكم تساعدوني في حل مشكلتي هذي مع زوجي
رغم اني احبه بجنووون بس ماعرفت اتعامل معاه
الحين صرلي سنة متزوجة عمري 20 وهو اكبر مني بـ7 سنوات المهم
مشكلتي ان زوجي كســــــــووول ومره باااارد
ومن اول ايام زواجنا لحد هالأيام يكره يطلع من البيت
بس دواااام ويرجع اكل ونوم فقط !
ملززق معايا في البيت
في البداية كنت استحي اقوله يلا نطلع نتمشى برى انتظر تجي منه بس شفت مررره مافي فايدة ولاهو خاطر على باله بالمرة
بعدين صرت اطلبه دايم يتعذرلي بأعذار واهية مره يقول السيارة مافيها بنزين وماعندي فلوس انتظري لحد الراتب
ومره يقول انا تعباان مافيني خليها مره ثانية ,, ومره الجو بايخ اليوم مايصلح ومن هالكلام
ومره كنت بنفجر من البيت مليت لدرجة فظيعة صرت اتحايله بالكلام الحلو مابقيت كلمة حلوة الاقلتها عشان نطلع انا وهو برى
ماخلاني اكثر من ربع ساعة وكانت الطلعة مرررة بايخة قاعد يثير غيرتي يسمعني كلام عن البنات وما البنات وانا عارفة انه مجرد استفزاز لاني مشيت الي براسي .!ّ
طيب ليش كذا مو معقول هالكسل بصراحة والمشكلة مايكون كسله الا اذا انا طلبته يعني لو اي احد من اخوانه قال نطلع برى يقول يلا تجهزي يعني يكون هو مع اخوانه والشباب وانا مع البنات حريم اخوانه
طيب انا ابغى معاه هو مع زوجي فهمته بس مافي فايده
وطلعات الحريم تحووم كبدي عاد انتوا عارفين السلايف خاصة
لاسواليف ولا هرج صاحي ما انبسسط ابد
وكل ما اقوله زهقت يروح يجيب لي شي يسليني في البيت
مره جاب لي بلاستيشن ومره شطرنج ومره يلعب معايا ورق كل ماقلتله زهقانه وابطلع
يحاول يسليني ويلعب معاي
ولا يطلعني لييييش ياترى مااااني فاهمة .......!!
شسوي بنظركم ..!
خاصة انو انا الحين على وشك ولادة ومازلت متفائلة اقول انشالله اذا جبت النونو يتغير ويطلعنا سوى
رغم انو كل الي حولي يقولوا عكس هالشي
بلييييييييييز انتظر ردوووودكم :blushing:
العرض العادي
