عبير بدري Guest

ابيات شعر قصيرة عن اليوم الوطني
البست شعري غترة وبشت وعقال وخليت تغريب المذاهب لغيري
في ساحتي للفكر مليون منهال وبحري بمكنوز المعرفة غزيري

* وهذا مهندس الكلمة الامير بدر بن عبد المحسن في احدى قصائده يقول للوطن:
عزنا الاسلام هو غاية فخرنا فيه سر وجودنا ونموت دونه
أرضنا ارض الذهب وانقى المذاهب والرجال اللي عهدهم يحفظونه

قصيدة عن الوطن
«صرخة» ذكرتك يوم واليوم مو عود لجل الوفا لراعيك موفي الوعايد
كني بوقت راح حاضر وموجود في يوم عشاة المجد.. عله هايد
وكن «المربع» توه اليوم مشيود جدران طين اطمام سقفه جرايد
قصر بنى للعدل والطيب والجود سوره ذرا للناس وفرشه وسايد

قصيدة شعر عن اليوم الوطني
الله الاول وعزك يا الوطن ثاني لأهل الجزيرة سلام وللملك طاعه
حنا جنود الحرس للقايد الباني رمحه.. ودرعه وكف الشيخ وذراعه
مثل السيوف البواتر وان جنى الجاني يضرب بها ارقاب من بالدار طماعه
من بان عبد العزيز وصبحنا باني ما عاد نقبل ضلام الليل لوساعه
في السلم يشهد لنا عمر الاوطاني وفي الحرب لارواحنا للموات بياعه

يقول الامير بدر بن عبد المحسن
أرفع الراس يا الحر القطام واكثر الحمد.. للي صانها
انت فالمجد لك راس السنام وعزة الناس من اوطانها
انت الاول اللي سل الحسام وقالوا الخيل من فرسانها
الفخر لك ولا تسمع كلام لا يهمك حكي عدوانها
ديرتك من عشقها ما يلام ويغضب الله على من خانها

قصيدة للأمير محمد الاحمد السديري
ياللي لكم في منبر المجد محراب نلتوه من عقب الكدر والمصايب
نلتوا رفيع المجد بسيوف وحراب وعدوانكم شافوا كثير الغلايب
بحزم ولطم فيه تقطيع الارقاب وعزم جلاميد الصخر منه ذايب
وحرب مرير فيه تقتيل الاشناب يقلب شعر راس الولد منه شايب
يشهد لهم بالطيب من وسط الاصلاب والحي واللي حد رعوج النصايب
صفوة هل العوجا مهدين الاصعاب تارد حياض الموت ورد الجلايب

ابيات الامير سعود بن بندر بن محمد رحمه الله
مشتاق لك يا كل ما في بلادي شوق الرياض للسيل وادي حنيفه
رغم الفراق وطول وقت البعادي حبك يزيد ولهفتي لك عنيفه
ولهان لك وله الحضر والبوادي لخضرة ربيع ضاحك الوجه ريفه
عطشان اشوفك مثل كل وادي ثراه ضامي للحيا عقب حيفه
يا نجد لك منزل بداخل فؤادي يشبه جبال طويق هاك المنيفه
يا ليت والله ديرتي في مرادي او ليت قلبي دايم يطيع كيفه

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

Powered by: vBulletin
 ©2000 - 2024, Enterprises Ltd.
المنتدى برعاية مميزون العرب للخدمات الرقمية
www.z777z.com
Adsense Management by Losha
( جميع مايكتب يعبر عن وجهة نظر كاتبه ولا يحمل وجهة نظر الموقع يعبر عن كاتبها فقط )
جميع الحقوق محفوظة زوجــي و زوجتــي عالم الحياة الزوجية
جميع الحقوق محفوظة زوجــي و زوجتــي عالم الحياة الزوجية