مداوية الجراح ..:: جديد ::..

السلام عليكم ورحمة الله وبركاااته ..
هلا اخواني واخواتي في الله ..

تكفووون ابي منكم مساعده باللي تقدرون طبعا الموضوع مو خاص فيني
خاص باختي الله يهديها .. ويهدي الجميع يارب ..

اختي عمرها 21 سنه تزوجت لها سته شهور والحين زوجها مرجعها بيت اهلي

كان عذره ان اختي تكلم صديقتها لدرجه ان تمووووووت فيها على قولتهم يحبون بعض

والله العلاقه ذي من ايام المدرسه وهي الى الان مع هذي البنت ويوم نكلم البنت اتركي اختي

في حالها البنت تقول اختكم اللي تلاحقني مو انا وطبعا البنت قدام اختي تسوي نفسها تحبها

وامي تعبت معها الله يهديها قالت يمكن بعد الزواج يتغير كل شي وتحب زوجها وتترك صديقتها

وبالعكس صارت اختي تكلم صديقتها بزياده كل اللي يصيرها مع زوجها تعلم صديقتها حتى تقوم اخر الليل

تقوم وتكلمها علما ان صديقتها متزوجه من قبل بس زوجها مايعطيها اي اهميه يكون دايم برا بالشغل

وهي البنت تحس ان هي وحيده اختي اللي دايم معها والله تعبنا وحنا نحل هالموضوع

زوج اختي شك ان اختي تكلم واحد لانها تطول معها بالساعات بالمكالمه ويوم سمع انها بنت تطمن

بس انزعج من المكالمات واخذ منها الجوال تمت تصيح تقول طلقني ومدري شو والحين زوجها حطها

عند امي وقال مابغى ترجع الا هي متغيره والجوال ماابي معها واختي تقول ماني راجعه عنده

وتقول اختي لامي الله يحفظها ان زوجها مررررره يحب الجنس

واختي كارهه العيشه معه تقول يضربني وقت الجماع وهي تقول ليش تضربني قال مداعبه

ويقولها ليش ماتعرفين شي قالت انا شو عرفني يبغاها تعرف كل شي

وتقول اختي ساعات اني ماابغى انام معه يغصبها يقول ليش انا دافع لج مهر

اختي تقول كرهت العيشه معه زوجها من كلامها انه شهواني بزياده

وبس اتمنى تساااعدوني بحل الحين هي معلقه زوجها لايتصل عليها ولا هي تتصل عليه

وامي محتاره كل مااسال اختي كيف تقول ماابغى ارجع له

واحاول اقنعها ماهي راضيه بس لكل مشكله لازم يكون في حل

اتمنى القى الحل عندكم لان تعب رااااسي من التفكير ابغى حل يرجعون لبعض

ولا تقولون ان اختي تترك صديقتها لان تعبنا وحنا نقولها مستحيل تتركها

تقول ان صديقتها حياتها وبتقولون نكلم صديقتها ..

صديقتها ماتسمع الكلام بس علمووووووني وش الحل

واسفه ع الاطلاااله

افيديوني الله يجزاكم الجنه ,,

اميره بكلمتي ..:: مشرفة دليل للنقاش و السؤال و الجواب ::..

الحل اني مو عارفه طبيعة علاقتك اختك بصديقتها هل هو مجرد كلام ام ان هناك تعلق اخر غير سوي لاسمح الله هنا تكون المشكله !!

اذا كان مجرد كلام فاضي فالايام الجايه راح تشغلها وزوجها اذا كان ذكي راح ينسيها صديقتها واللي خلفوها
بس اكيد زوجها ما عرف كيف يتعامل معها ..
والحل هو ان يتغير الرجل في تعامله وتصرفاته و يكلمه احد من اهلك بان البنت تهرب من قسوتك الى لطف وحنان هذه الصديقه واصبح الموضوع عناد
بالنسبه لاختك امك لازم تفهمها اش معنى زواج ومسؤليه
الرجال يكون في بداية زواجه شهواني
ويحب الجنس فلازم احتك تتأقلم مع هذا الوضع
ولازم الزوج احد ينصحه ويكلمه عشان يتفهم طبيعة البنت وعدم تخويفها
ولك مودتي

توقيع
التعامل معي كالتعامل مع المتفجرات ...الغلطه الاولى هي الاخيره :crutch:
مداوية الجراح ..:: جديد ::..

مشكووره اختي اميرة بكلمتي

الله يجزاج الجنه

ذيـــــ نجد ـــــب ..:: كـــ vip ــــبار الشخصيات ::..

اختي امير ه ماااااقصرت
اهم شي نوع العلاقه الي بين اختك وصديقتهاااا
وبعدين احد عااقل يكلم زوجهااا ويفهمه الوضع

وقبل ماتكلمون زوجهااا كلموهااا هييييييي
بعض البنااات اليومين ذولي زودهاااا مع خويااااتهم تقعد اتكلمهاا بسااااعات وتهتم فيهاااا
ويااااقلبي وياااحياتي والله اني احب ياااروحي كل الكلام هذا مااايسمعه الزوج
من الطبيعيييييييي جدا" انه يولع وينقهر
بسسس مو بطريقه هاااذي بتفاااااااااهم
لا وبعض البناات تلقينهاا امساافره ولا طااالعه مع زوجهااا وكل اشوي تقول يااااليت افلانه حبيبتي معي
ليييييييييه والزوج الي جمبك اخشبه مااله احسااااااااس يعني
معليش اختي تكلمت من واااااااااااااااااااقع حقيقيييييييييي

ولاكن حل المشكله بيد اختك قبل زوجهاااااااا
وبعده احد اخواااانك يكلم زوجهااا ويفهمه الامور ممكن يكون جااااااااهل اشيا كثيرهااااااااا

واسئل الله لهم الهدااااااااايه والتوفيق

♡ sαяσиα كبار الشخصيات

واالله كلامي من كلامهم..
لاني شكيت من كلامك بالعلاقه اللي بين اختك وصديقتها..
اذا صديقتها صدق..راح تساعدها مو تتخلى عنها..؟؟
شلون تقول هي اللي تطاردني...؟؟

غريبه بصراحه..
وزوجها..غلطان يرجعها البيت عشان هالموضوع..
واضح انهم لسى صغار على الزواج..واالمسؤوليه..
ويبيلهم احد يفهمهم ان الدنيا فيها اهم واكبر من هالحكي...

و غلطان يقولها دافع فيك مهر ..؟؟
كانه يحسسها انه مشتريها..عشان يقضي حاجته..
وما االومها لو تضايقت..العشره تجي بالتفاهم والحب واالاحترام..
لو بالفلوس..وش كثرهم بالشوارع..؟؟
ومسيار..
لكن مو لدرجة انها تطلب الطلاق..!!

خلوها ترتاح كم يوم..
وعقلوها..
وعقلوه هو بعد..


الله يصلح لكم الحال

توقيع
قد تكون للعالم شخصا ما..وقد تكون لشخص ما كل العالم
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

Powered by: vBulletin
 ©2000 - 2024, Enterprises Ltd.
المنتدى برعاية مميزون العرب للخدمات الرقمية
www.z777z.com
Adsense Management by Losha
( جميع مايكتب يعبر عن وجهة نظر كاتبه ولا يحمل وجهة نظر الموقع يعبر عن كاتبها فقط )
جميع الحقوق محفوظة زوجــي و زوجتــي عالم الحياة الزوجية
جميع الحقوق محفوظة زوجــي و زوجتــي عالم الحياة الزوجية