*مسويه يعنني* ..:: جديد ::..

السلام عليكم ورحمة الله وبركاته
كيفكم ان شاء الله بخير؟!

حبيت اخذ مشورتكم في مشكلة اختي وانا بتكلم على لسانها
انا لي ثلاث سنين متزوجه وعندي طفل عمره سنه (وماعندي شغاله)
وطبعا ثلاث شهور الاولى كان زوجي مررره مدلعني( مشاء الله تبارك الله) يعني يطلعني مطاعم اسواق
وكان كل ماله يخف لحد بعد سنه انشغل مرره لانه يشتغل بالنهار وعنده عمل ثاني بالعصر وكان بالليل يطلع استراحات وصرت ماشوفه الا وقت النوم والغذاء بس حتى العشاء يتعشى في الاستراحات يعني بيتي صار كنه فندق بالنسبه له ..
حتى اذا قلت له اجلس يجلس شوي ويطلع وانا بقوووه طفشانه من جلست البيت ولاتقولون لي البسي له وتضبطي لاني دايم البس له بس مافيه فايده البس واكشخ بس يجلس شوي معي ثم يطلع لدرجه صرت اتحسف اني البس له وهو مايجلس ابد حتى الحين صرت مالبس مثل قبل اغلب وقتي ببجامه وشعري ماستشوره لانه خشن ومن النوع ال ييتساقط بقوووه فاتحسف استشوره وهو مايجلس عندي ووجهي مره شلته بالشمع وطلع حبووب عشان كذا صرت اجلس وبدون اي ميك اب يعني من كثر ماانا حريصه على اني اتضبط له ضريت نفسي شعري تعب من الصبغات وكثرت الاستشوار ووجهي كله حبوب من المكياج ومن كثر مااشيله وهو ولا معبر ولا حاس فيني
بالنهايه انا حابه تعلموني كيف اتعامل معه وبأي اسلوب اخليه ينجذب للبيت ويخفف طلعات

الخاطر ..:: جديد ::..

وآخر الطلعات بعدين بيمل ومصيره لك
واغلبيت الشباب الجدد على الزواج نفس المنوال
لاكن مالك إلا الصبر دام ماجاء منه بلاوي
وانشاء الله سلوكياته زينه
والله الموفق

شهده ..:: جديد ::..

خليها تصبر والا دور لها شغل لا يصير الرجل محور حياتها

خليها تشترك بنادي بجمعيه متطوعة اي شي يشغل وقت فراغها تتعلم مهارة جديدة تاخذ دورات

محمديه ..:: عضو مميز ::..

خليها تقوي علاقتها بربهاوتكثرمن الاستغفاروقراءةسوره البقره
كثيرانحلت مشاكلهم مع الاستغفار
الله يصلح مابينهم

*مسويه يعنني* ..:: جديد ::..

الله يجزاكم الف خييير
شاكره لكم تواصلكم

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

Powered by: vBulletin
 ©2000 - 2024, Enterprises Ltd.
المنتدى برعاية مميزون العرب للخدمات الرقمية
www.z777z.com
Adsense Management by Losha
( جميع مايكتب يعبر عن وجهة نظر كاتبه ولا يحمل وجهة نظر الموقع يعبر عن كاتبها فقط )
جميع الحقوق محفوظة زوجــي و زوجتــي عالم الحياة الزوجية
جميع الحقوق محفوظة زوجــي و زوجتــي عالم الحياة الزوجية