عليكم السلام ورحمة الله وبركاته

سبحان الله

الله يغفر لها ويرحمها ويجعل قبرها روضة من رياض الجنه ويعوض اخوك وبنته خير منها يااارب

اخوي أبو باسل انا ما أنكر ان مصيبة أبو شوق كبيره خاصة في مثل هالنادره من الحريم

لكن يا اخوي انا عندي اعتراض بسيط على طريقته مدام الله انعم عليه بنعمة التدين والاستقامه وحفظ كتاب

الله فكيف يكون تفكيره وتصرفه كذا هذا من الاعتراض والتسخط على قضاء الله وقدره نسأل الله العافيه والرضى بالقضاء والقدر ,,, كيف يستمر على هالطريقه وهو انسان بالغ وعاقل ..!!!

لايا اخوي تتوقفون وتتركونه بهالشكل مو حل ,,, صحيح انه مصدوم وصدمته مو هينه لكن الحياة ما انتهت

والخير موجود في أمة محمد حتى قيام الساعه بنات الحلال والخيرات والدينات كثير

وماهو أقوى حب ولا أكبر صدمه من نبينا محمد عليه الصلاة والسلام يوم فقد خديجه رضي الله عنها

وسبحان الله ابدله الله بعائشه أحب نسائه اليه ... هذا أكبر مثال ان الانسان مايعترض ويقول مافيه خير بالدنيا ..لافيه خير وفيه حلول

وغير كذا عنده بنت حرام تبقى بعيده عنه راح يجي يوم وتكبر وتتعود على العيشه اللي هي عايشتها

والادهى والامر راح يضطر اللي مربيها يحجبها اذا عنده اولاد وراح تعيش بحاله نفسيه صعبه وانكسار

والاب تتغير فكرته ويصحى ويتذكر بنته ويآخذها وهي مو متعوده عليه ويتسبب في اصابتها بأكتئاب أكبر وحاله نفسيه أصعب لانه انتزعها من حياتها اللي هي متعوده عليها ..

بصراحه الوضع صعب جدا لابد من تغيير حياة اخوك غصباً عنه مو بكيفه لكن بالتذكير بكل هالاشياء

وكمان المفروض تنبهونه ان طريقته وحجزه لاغراض زوجته مايجوز له المفروض يتصدق فيها لها

والله يا اخوي بهالطريقه راح يتغير والمثل قال كثر الدق يفك اللحام ... آسفه على الاطاله لكن قصة أخوك هزتني

الله يفرج همه وييسر أمره ويشرح صدره ويهون عليه مصيبته يااارب

الله يرحمها ويصبره على فراقها