مضى عامين يايمه وجفني ماتهنى فنـوم
تـعاد قبالي ليالي سـود عجزنا مانسيناها

نتضاهر بصبـر لاكـن فداخلنا حزن وعلوم
ونقول للبشر انا نسيناها وطويـناها

ياليتني مت يـمه ولاشـفت حزنـك يـوم
ولاشفت في عينك دموع ابدا ماانساها

مواجـع ارتمـت فيني وقلبـي امتلى اسـهوم
بـعدذيك الليالي السود اللي بضلم عشناها



ومضى عاميـن يايمه وحزنك مانساني يـوم
وقلـبي فرجا سـاعه وسـاعه ماتهنـاها

هذا الجرح في قلبك تركني من الفرح محرروووم
حرام الضحك على شفاهي قبل مايـعانق شفاها

عساني يمه ماارحل من هذا العالم المشـئوم
قبل مااكحـل عيوني بليلة نصـر انتضرناها

واذا جاء الفـرج يمه وانا مـيت وانا مضــلوم
تعالي لقبري قولي لي ابسمـع ضحـكه مااحــلاها

ابـسمع حــلم تـمنيته يعانـقني فصحي ونوم
ابي عضامي تتهنى بعد ماضــاقت زوايــاها

ومـضى عامين يايمه وحزني فلحشى مكتــوم
وعايـش على رجــى هالعام تجي لحضه انتمناها

ومضى عامين يايمـــه وجفني ماتهنى فنوم
تعاد قبالي ليالي ســـود عجـزت احاول انــساها..؟