السلام عليكم ورحمة الله وبركاته
الزمان أفقـــدنا جوهــر الحب الحقيقي
وضاعت الآمال وفُقــدت التضحيـــه والحب الطـــاهر ....
ولو أن كلماتي فيها نوعاً من القســوه على الجنس الناعم
شعور شعرت به فأحببت أن أترجمه هنا
؟ البراقع واللثام وموضة الثوب المخصّر ؟
أسأليني في حياتي ليه أحبك وآتكبّر
أسأليني وأسأليني وأسأليني لو بغيتي
قولي : ليه أني أحبك .. وآتشكى وآتصبّـر
هقوتك ما خالطتها شك يومك بي هقيتي
البداوه ساس راسي والعرب تالي تحضر
بايعك دامك رخصتي قيمتي يومك شريتي
أدري أني ما خسرتك بس قلبي بك تحسر
يوم جيتك بالغـلا والحب الأول ما رضيتي
كيف راسي دلة ٍ معها حليب ٍ لا مبستـر
يوم وقتك بالمطاعم وسط كودو أنطويتي
البراقع واللثـام وموضـة الثوب المخصّر
ذكّـريني ذكّـريني غير هذا وش نويتـي
الشدو والخدّ نفس اللون والشعر المشقّر
والجمـال اللي يقال أنّه طبيعي مالقيتي
يا عرب قل الأدب .. والعالم التالي تطوّر
علميني علميني من زمــانك وش خذيتي
وين حب الأولين .. أهل النعامه والمشهّـر
وينـه اللي يقلب الساحه إلا منّك سريتي
وين قيس و وين ليلى والشجاع الحر عنتر
روّحو والحب باقي في خفوقي لو دريتي
عادتي والله ما أزعل .. لو زعلتي ماتذمّـر
أدري أنك فاهمتني فاهمتني لو نسيتي
لو خفوقي قد تكسّر .. ياقصيدي لا تكسّر
أعلم أنك ما هدمتي لو هدمتي ما بنيتي
من يدوس بقاع رجله فيضة الذل يتطهّـر
قيمتك زيرو على يسراي والله ما أعتليتي
أطلع الرجـم الطويل .. أليا طلعته ماتحــدّر
مالتفتّ خلاف ظهـري لو زهمتي وأنتخيتي
قدّر المولى أنتفارق والقدر شي ٍ مقـدّر
ما خسرتك يوم أبيعك لأنك أصل ٍ ما هويتي
منقول
العرض العادي
