بسم الله الرحمن الرحيم
المرأه هي عضو مهم في المجتمع ....وهي مكمله لدور الرجل دائما..... وهي شي لايستغنى عنه ابد
ولكن .....بترك اللغه العربيه بترك الكلام يطلع بدون تنسيق لانهم يقولون الكلام الي يطلع من القلب
ويكون تلقائيا يدخل بسرعه لقلوب الناس.....سمعت مثل متداول بين المجتمع السعودي خاصه
وهو ان المرأه (الحرمه حديث وسوا)
يمكن البعض مافهم المثل وهو معناه ان الحرمه بحديثها وسوالفها واسلوبها في الكلام
مع الناس عامه
اهذا بالنسبه لجزء (المراه حديث)
اما بالنسبه للجزء سوا
يعني بسناعتها بقومتها بخفه نفسها في اي مكان البعض نقول عنهم نفسها خفيفه
تساعد تشارك في سناعه مثل مايقولون
وبعضهم حطني تلقاني ماعندها سالفه ابد
اذا حطوا اكل كلت
وشربت بدون مايكون لها اي تفاعل في اي مكان
بصراحه المثل اثر فيني كثير
فكرت فيه مره واثنين وثلاثه
اذا الجمال ماكن مقياس
يعني ان المراه تملك زوجها بكلامها وسناعتها
طيب فيه ناس سنعه وازين مافيها كلامها لكن نلقى انها
ولاشي عند زوجها
تعطيه أحلى الكلام
يرجع من دوامه سفرته من كل مالذ وطاب
تسهر الليل وتسال كثير تدور اشياء جديده
عشان مايحس بالملل في الاكل من كثره اعاده الاكلات لكن انها تلاقي تعامل من زوجها
ابرد من البروده نفسها
<<<<<<منقهره مره
وزياده تكون ولله الحمد مهتمه في نفسها تلبس
وتتزين
لدرجه انها لما تطل على الناس
الناس تسال
سوال احرجها اكثر من انه اسعدها
(بالله وش يقول زوجك لين شافك مقبله عليه)
تسكت
ايه والله تسكت وتخنقها عبرتها ليش الناس تلاحظ وزوجها مايلاحظ
مع انها ماتقصر معه بانواع الملابس
مع مراعتها للبس الي يناسب جسمها حتى مايكون فيه ملاحظات من زوجها
لكن الرد دائما من الزوج
الامبالاه
يعني يشوف الزين والكلام والمعامله
وزياده على كل هذا
لما تلقى زوجها جالس مروق
جابت القهوه وقهوته وقابلته بابتسامه
وجلست تسولف معه
قالها ( اقول بلا كثره قرقره وبربره تراك قلبتي راسي|)
بالله وش بيكون رد الزوجه الي بمكانها
اذا انت زوجي ماتسمعني .....تحس فيني ......تبادلني......تخليني احس باهتمام لو بسيط منك
اجل من الي بيحس
من بيسمعني
هي تحبه وتموت على تراب رجليه
فلايمكن تلجا لغيره يسمعها بتقولون تصبر
صبرت سنه ثنتين ثلاث اربع خمس عشر
مافاد التعامل مثل ماهو
انا دايم اسمع ان الشخص مايحس بقيمه الي عنده ليم يفقده
لازم تفقد الحرمه زوجها عشان يعرف قيمتها
قدرها .....سوااايها ...فعايلها الي تشرف
اذا ماحست الزوجه بانها كل شي عند زوجها
حتى ابسط حقوقها
انها اذا كانت متضايقه وجاها يسال
وش فيك حتى بنفس مافيها ذره اهتمام كل الحكايه لقافه يبي يعرف
هي من حسن نيه تعلمه يمكن احيانا تكون ظروف لاهلها
لاسمح الله واحد من اهلها يكون في مشكله معينه
وهي بطيبه قلبها
تحكي بصدق
وتقول الي بخاطرها وتتفاجا
انه بعدين يعايرها بأي شي يعرفه عن أهلها
اذا الحرمه ماحكت لزوجها اجل لمين تحكي
مو هو اقرب انسان لها ماهو هو النصف الثاني وشريك الحياه
شريك الحياه بالاسم بس لكن بالفعل لا لا لا.......
الي قلته واقع كثيرات عايشات
يمكن مو ملكات جمال لكنهم الحمد لله حلوات
وملكوا اللسان الحلو والسناعه كلها في شغل وطبخ وغيره
لدرجه توصل انها لو تصير مشكله في البيت الزوج
يرفع يده يقول ماعرف تصرفي
وهو رجال قال ماعرف لكن هي عشانها بنت حمايل وحطوا عليها ميه خط
تصرفت التصرف الي لازم رجال يتصرف فيه
اجل وين قوامه الرجل
والا قوامه الرجل في الي يبي بس
الي وصفته حال كثيرين عايشين صابرين ويمكن الي فيهم اكثر من هذا بس
فيهم ان ازواجهم اخطائهم اكثر لكنها تبي تستر عليه لانها
لو حكت عن الي فيه بيضيعون عياله وبيطح من عيون عياله
كثيرين عايشين اعظم واكثر خايفين
من كلمه مطلقه
لانها اكيده في داخلها الزوج لما يحب يسوي المستحيل
وهو اكيد مايحب ولما تساله يقول الى احبك
طيب الفعل يبرر غير الكلام من اصدق
اتمنى ماكون طولت عليكم المثل اعجبني لكن حسيته مهوب واقعي
كثيرات مافيهم سناعه وسوالف
واغلى مايكون عند رجالهم
لسبب واحد
الحب دفان العيوب
:sa7l. (190):
اجل البقيه
الي هم صدق
حديث وسوا
لكنهم ماصاروا عند ازواجهم شي كبير ومهم وقدروه
من يقدره
العالم الخارجي
اهميتهم اقل من اهميه راي الزوج
بعد الي قريتوه
هل فعلا المرأه حديث سوا؟؟؟؟؟؟؟
اتمنى تفاعلكم
تقبلوا تقديري
اختكم ::عطيت لحد مانتهيت
العرض العادي
