السلام عليكم
رمضان مبارك

بعد ما ولدت ابني الثاني قررت اسوي مباعدة لأن الفترة بينه وبين اخوه الاول وايد قريبين من بعض فخفت يتكرر الوضع واحمل واتمشكل لأني توني فبدية العشرينات والحياة ان شاء الله قدامي بوحي للعيال وحشرتهم.. أن الحين حاسه نفسي مخنوقه ومضغوطه ودايما صداع من صياحهم وحنتهم!!
وقفت عندي الدورة 4 أشهر فكانت فترة مباعدة طبيعية وكنت واااااايد مستانسة عند زوجي وهم هو كان مرتاااح وكانت اروع فتره وكان دايما ياخذني نشتري ملابس داخليه جديدة عشان ألبسله واتكشخله..
المشكله هي انه لاالشهر الماضي جاتني الدوره وفاليوم الرابع منها رحت المستشفى وعطوني حبوب منع حمل ودايما اخذها في نفس الوقت الحمدلله ما نسيت او تباطئت عن اخذ الحبه كل ليله في نفس الساعه..
ومن لما خذيتها الدم ما وقف استمر بكميات بسيطه بس المهم انه ينزل مني دم رحت المستشفى وما خبروني شي بس قالت لي الدكتوره استمرلا ع حبوب منع الحمل و وصفت لي حبوب ثانية توقف الدم بس ماااااااااا وقف و الحين من يومين جتني الدورة مرة ثانية مال هاشهر!!!
يعني زوجي صارله شهر ونص ما لمسني ولا امتعته ولا امتعني
خايفه هالشي أثر على حبه لي ويصير يحب زوجته الأوليه أكثر مني لأنها يستمتع معها
شو رأيكم ؟؟
بيذبل حبنا بسبة وضعي ؟
بصراحه صايرة وايد اتحسس وازعل واغار خايفه اخسره ما اعرف متى بيوقف الدم ومتضاااايقه لأنها هي قادرة تلبيله حاجته الجنسية وانا لاااا