عشان انا حره - زوجــي و زوجتــي عالم الحياة الزوجية

التسجيل مجاناً
إتصل بنا

التسجيل مجاناً

زوجــي و زوجتــي عالم الحياة الزوجية المنتديات الزوجية دليل الاسلامي في الحياة الزوجية عشان انا حره

ريشة صقر ..:: عضو مميز ::..

السلام عليكم ورحمة الله وبركاته

" أنا محجبة ليه ؟ "

أنا محجبة - بعد إيماني بأمر ربنا إن الحجاب فرض على كل مسلمة - علشان الأسباب التالية:

1 - عشان انا حرة … مو من حق احد يشوف مني اللي ما ابغاه يشوفو إلا بإرادتي … ومن حقي اختار مين اللي يشوف مني أجمل ما عندي .. واللي يشوف ويكون حقه وحلاله بلاله عن طيب خاطر.. لازم هو كمان يديني مشاعرو واللي باقي من عمرو عن طيب خاطر…

2 -عشان أنا غالية .. ماينفع أقلل من قيمة نفسي واخليها عرضة لكل العيون .. ويسير خروجي وانا كاشفه ضوء أخضر لكل من هب ودب يسرق مني ولو نظرة لأي جزء مو متغطي مني .. حتى لو ما كان قصدي … بس ما حقدر امنع… (كامل اعتذاري لغير المحجبات.. ولكن اللي حيوصل منك لضعيفي النفوس حتى لو ماكان قصدك.. وهذا اللي عشانو ربنا فرض الحجاب . عشان مايطمع اللي في قلبو مرض) … مع الأخذ في الاعتبار مو بس الشباب اللي بيعاكسو البنات في الشارع .. هذا يتضمن حتى الزبّال الله يكرمنا ويكرمو .. كلهم من الممكن انهم يشوفوكي … لا وكمان يمكن مااتعجبيهم ويدوروا وجههم

3 -عشان أنا باحترم نفسي .. وشايفة نفسي كبيرة وليها قدرها .. وماينفع أنزل سوق المنافسة في الأنوثة عشان أفوز في الآخر بنظرة شهوانية أو كلمة غزل رخيصة أو عرض صحوبية…

4 -عشان انا جمالي مو خارجي وبس.. ومن حقي ان اللي ييجي يتزوجني .. واللي حعطيه الباقي من عمري .. وكل مشاعري .. واقسم أحلامي وأفكاري .. .. .. مايختارني على مقاييس شكليه وبس .. أو يكون هذا العامل الأساسي في اختياره ليا … عشان كذا مو ضروري يشوفني في كامل زينتي وجمالي قبل ما يتزوجني . . الأهم انه يحب روحي ويعجب بشخصيتي .. ويرتاح معايا نفسياً.. ( في بنات بتأجل الحجاب لحد ما تتزوج.. على أساس انها تكون شبكت واحد وضمنتو .. مع إنو مافي حاجه مضمونه في الزمن.. واللي اختارها عشان جمالها .. ممكن بالرااااحه يتزوج عليها وحده أجمل منها.. لأنو أكيد في الأجمل منها يعني)

5 -عشان أنا بخاف على أخويا في الله اللي بيشوفني في الشغل أو في المواصلات أو في الشارع .. ويمكن يكون يبغى يتقرب من ربنا .. وبيجاهد نفسو عشان يغض بصره.. فما ارضى لنفسي اني اكون سبب في اني افتنه..

((هذا اكتر شي عجبني بصراحه لان في كثير من البنات يقولو مساله الحجاب حريه شخصيه بس هذي النقطه وضحت انه حريتك الشخصيه مفروضا ماتتعدى حريات الاخرين ))

6 -حتى الكفن تبع النساء.. فيه حجاب .. فاللي ما تلبسه وهي حيه بإرادتها طاعه الله.. تلبسه كذا كذا وهي رايحه لقبرها.. وطالما ربنا بيقول اننا نتستر حتى واحنا رايحين قبورنا وخلاص انتهى التكليف … ومااحد يشوفنا ثاني ولا احد يطمع فينا .. يعني مالها معنى اننا نمشي كاشفيين لكل العيون واحنا أحياء نرزق.. يسير الأولى اني اطيع ربنا بإرادتي وأقابله وهو راضي عني واخد أجري كامل.. ولاّ اني ماالبسه غير وانا جثه واقابل ربنا وهو غضبان عليا؟

والأسباب اللي فوق .. هي اللي فهمتني ليه ربنا فرض علينا الحجاب.. مو تعسير ولا تضييق .. الحجاب فعلا عزة وكرامة.. مايعرفها غير اللي داق طعم الستر..

ربنا يهدينا ويهدي بنات المسلمين