كثييييييييير من الأمهات تشتكي من أولادها و أنا إن شاء الله بعطيكم بعض النصائح الهامة لتعليم النظافة :

بالنسبة للأولاد :
1- لما يرجعوا من المدرسة يعلقوا ملابسهم و يرفعوا شنطهم و جزمهم في الدولاب .
2- حطي سلة ملابس في الغرف يحطوا ملابسهم الوسخة فيها . و سلة صغيرة للشراريب . ( عشان ترتاحي من عزل الملابس ).
3- حطي سلال زبالة في كل غرفة حتى يرموا فيها الأوساخ .( لأن الأطفال يتكاسلوا يروحوا للمطبخ حتى يرموا الأوساخ )
4- خلي الصالة المكان الي يجلسوا فيه دايماً ( يعني لا تحطي تلفزيون في غرفهم حتى ما ينحاس كل البيت ).
5- خلي دايماً سفرة صغيرة في الصالة ( تجي دائرية أو مربعة من جلد ) وعوديهم ياكلوا دايماً عليها الكيك و الحلويات و الحليب حتى كوب الموية يشربونه عليها ( عشان ما تتوزع المواعين في كل مكان ) .
6- الألعاب لا تعرضينهم أبداً لين يفهموا كيف يرتبونهم . حطيهم في كراتين أ و شنط مدرسيه قديمة و أعطيهم لعبة وحدة يلعبون فيها في الصالة حقتهم و إذا خلصوا منها يرجعونها مكانها .
7- في الصباح خليهم يرتبوا أسرتهم و بيجاماتهم إذا نظيفة يرفعها و إذا وسخة يحطها في سلة الملابس .
و إذا رجعوا من المدرسة يرفعوا ملابسهم و إلا يحطوها في سلة الملابس و الشراريب .
7- في الحمام دربيهم إنهم ما يوسخونه و راقبهم ( يعني فتشي وراهم )إذا وسخ علميهم كيف يشغلون السيفون و ما يكبون موية على الأرض و إذا فرش أسنانه يرجع المعجون و الفرشة مكانهم و يغسل المغسلة من أثر المعجون و الصابون .
8 - و أهم شيء التشجيع و خلي هناك منافسة مين يحافظ على ترتيب أغراضه ( ملابسه - كتبه - جزمة - ألعابه ) و نظافة غرفته .
أتمنى إني ساعدت بعض الأمهات . و يارب إنك تحفظهم لأهلهم و تبارك فيهم يارب .
منقوووول