السلام عليكم ورحمة الله وبركاته
------------------------

من جد ناوي تسافر يا بعد عمري


من جد ناوي على روحي تعنيها


تكسر بخاطر حبيبك و أنت ما تدري


فرقاك يا صاحبي ما أحب طاريها


لا لا تسافر ترى مليت من صبري


دنياي لا طرت عنها وش بقى فيها


يا مشغل البال بعدك شاغل فكري


و أحلامنا اللي بنينا وش تاليها


شبيت ظلعي حطب ما ينطفي جمري


فرقاك نار و غيرك ما يطفيها


تكفى طلبتك تشوف الحل من بدري


ولا أنت قصدك تبي الفرقا و ناويها


وش غيّرك يا حبيبي ناوي هجري


وش فيك حتى عهودك صرت ناسيها


خلك معي لا تسافر ضايق صدري


سوالف البعد تكفى لا تطريها