توّك حبيبي ع المنام و بدري
ودي أكمل هالمـــسا بـ اتــمّــه
تكفى عيوني ما أداني صبري
صبري يولع هالـخفوق بـ دمه
مدري أحس بغرغرة في صدري
ودي أطــفي هالولع في ضمه
مقدر أقاوم هالجمال المغري
بعثر قليبي من سكاكر فمه
تآجٍ على عرش الدلال العذري
منها الدلع ينثر و أنا بألمه
لبى شفاة من سحرها اهذري
سمّه تغلغل يا نسايم سمّــه
ما عاد ينفع في دهاي و مكري
ست المكر متربعه ع القمه
ما أظن عن كبر الغلا هي تدري
كبر المجــرّه سيدتي يا عمه
سود العيون بجفنها تستذري
لبيه لا أستحيا و تغطى بكمه
تدرون لا ضاعت شسوي بعمري ؟!
بس أتبعه عبق الورود أشمه
لك دفتري شعري و روحي و فكري
كل المشاعر في الهوى منظمه
في ذمتي يا ماردي السحري
أبغى أسولف طالبك بالذمه
جيش النعاس بنظرتك يا خمري
داهم رموشك في ثواني بـ همه
قالت : حبيبي أعتذر لك بـ أسري
ماما تنادي / وه لـبّـــى أمـــه
تكفين بدري يا عيوني أنتظري
قبل أن تنامي ودعيني بضمه
العرض العادي
