الطفشان ..:: جديد ::..

السلام عليكم ورحمة الله وبركاته
كل عام والجميع بخير وعافيه وتقبل الله الصيام والقيام
اعضاء المنتدى الكرام اخواتي العضوات
تحيه طيبه للجميع
اخواني المنتدى هذا منتدى رائع بما تعنيه الكلمه من معنى
ومن زمان وانا ادخل اتصفح واطلع بدون اي مشاركه
واليوم اخو في الله من منطقة الجنوب 000الباحه ديرت البراد والجو الحلو وحياكم الي بيصيف ترانا بالخدمه
اخوكم ابو حسن
اخواني عندي مشكله ربما هي لاتعتبر مشكله ولكن انا متزوج من زوجتين الاولى ام عيالي الله يخليها لهم وزوجه ثانيه الله يخليها ليه
وتراني احب كل الزوجتين ولم افرق بينهم بشي بالي بيدي اما ميلان القلب فهو من عند ربي ليس ليه دخل فيه
اما الزوجه الثانيه بكل صراحه اخذه قلبي وتوها صغيره وعمرها 26 سنه وانا رجال عمري 47 سنه
ومتقاعد وعندي موسسات واشغال لحد راسي ولا افضي الا نادر
والمشكله في زوجتي الثانيه هي تحبني وتعرف حبي لها انه بجنون
موفر لها كل شي الحب الرومنسيه الدلع وغيره وغيره ودايم اسمح لها تنام عند امها ودايم تطلبني هالشي و99%
اوافق على طلباتها ولكن
ياخواني اذا اني رفضة اي طلب لها قامت الدنيا ولاقعدت 00تصر لازم تعرف ليش رفضة هالطلب وتجيب
وتطول السالفه لين يرتفع معايه الضغط والقالون وتخليني اعصب بالغصب واذا عصبت انا اجيب ننوب كلام
ومشاكل قديمه واعلمها انها اخطت بحقي وقصرت بدون شعور 000000 هنا هي تجلس تبكي
ويصير الخطاء مني 00وهي السبب عاد هنا انا احترق وهي تجلس تبكي وتزود عصبيتي اكثر واكثر
وكم مره صارت هالمشكله وراضيتها
والمشكله الثانيه 00اذا اختها قالت اجلسي عندنا بنلعب بنضحك بنستانس اتصلت عليه واذا قلت لا
نفس الكلام الي فوق نكد وهواش 000وهي تختار كلماتها وقت الغضب وانا اذا زعلت مااعرف اختار احوس الدنياء
من الحماقه الزايده واطلع انا المخطي بالنهايه وهي تقول كلمات واذا عدتها عليها تتنكر منها
ومستحيل تعترف انها مخطيه
المشكله الثالثه 00اختها الكبيره الكلمه لها الاولى والاخيره وتتددخل في كل امرها واي كلام بيني وبين زوجتي
لازم الكبيره تتطلعع عليه وجميع مشاكلي انا وزوجتي عند اختها واذا سويت شي لها برضه لازم واحيانن اطبخ عنها او اغسل المواعين تعلم اختها واختها تنشره وهي ماتدري
ويوصلني الكلام وانا احترق وزوجتي نوب اقول طيبه زياده ونوب اقول خبله ونوب اقول عناديه وبقوه ولاتصدق في اختها حتى لو واجهتها اطلع انا الغلطان 000
وقلت لها بعد الزواج لان قبل الزواج ماقدرت اكلمها وقلت ليه عليك طلبات
البس ماحب الزوجه تطلع ببنطال
احب اللبس الساتر
احب الزوجه تغطي وجها لطلعت من بيتها
احب الزوجه الي ماتطلع اسراري زينه او شينه
احب الزوجه الي تتفنن بالطبخ

ولم تنفذ من الي قلته شي
ولافكرت بالي يزعلني والي يرضيني اهم شي تكشخ
عاد بالبنطال والعبايه اسلاميه
واذا قلت ليش تلبسي تتحجج انها بنت وانها تحب تلبس واحسها انها تزايد البنالت بلبسها فقط
وتزايد خواتها
اما الطبخ ماتهتم فيه ابد ولا تعرف حتى ملح قدر غداها نوب زايد ونوب ناقص
وكل همها متى تطلع لاهالها فقط

انا طولت بالحكي ولكن ابي مشورة اهل الخبره

النرجيسيه ..:: جديد ::..

بصرااحه بدون زعل بتكلم بكل وضوح
اولا عمرها 26 اتوقع مو طفله مو صغيره انسانه المفروض تكون مقدره ماذا تعني حياه زوجيه بكل معانيها
تصرفاتهاااا مادل ع انها قد المسؤليه ابدا ابدا
اولااااااااااااا تفشي اسراركم اكبر غلط هاذا اكبر مشكله ضايقتني منها الله يهديهاا بس المفروض تخبرهااا ان هالشي مايصير اذا جت ع شغلاتبسيطه تهون بكره تتعود وتهدم البيت باسلوبها هاذا وغير كذا فرضا ولنقل فرضااااااا ان وصل بعض الكلام مثلا انك تلعها تساعدها بعض اشغال البيت لام العيال بالله هاذا مرح يضايقها ياليت تخاف ربك وتعدل بينهم
وبنسبه لانها تنام عند اهلها خليك مرتب لها جدول وامشو عليه مثلا كل خميس وجمعه تنام عندهم وانت تنام عند الاولى بكذا تكون ارضيت الطرفين
اذا ماعجبها هل الحل فاللله يكون بعونك
وحرمه وماتعرف تطبخ فبصراحه ليش تزوجت من الاساس
الزواج مو نوم وفراش وطلعات مااادري ولله شنو الحل بضبط ولكن تصرفاتها تدل ماهي قد المسؤاليه انا مااخفيك انا تزوجت وعمري 19سنه فقط وعند بنت ولكن الحمدلله قايمه بواجاباتي ع اكمل وجهه العمر ماله علاقه صارحها والشده مع الزوجه بعض الاحيان تكون افضل من الرخاء الزايد لاتبين حبك بتلعب عليك
عذرا ع الاطاله والله يوفقك ويسير الامور بينكم

ريشه خضراء ..:: فعال ::..

استلم يالطفشان هذا الزواج الثاني
بعدين عندي ملاحظه قاااااااهرتني< مالي دخل !
تقول الاولى الله يخليها لعيالها والثانيه الله يخليها ليه !
طيب بالله عليك جاوب كنت تعامل زوجتك الاولى زي الثانيه مثل غسل المواعين وتساعدها فالبيت
والله العظيم اني حنيت على زوجتك الاوله ربي يسعدها ويوفقها دنيا وآخره الله يوعوضها خير
وبالنسبه لحرمتك الثانيه ادع لها بالهدايه وخف عليها من الدلع
ترى الورع اذا تدلع واجد يخرب اجل كيف الكبار
أستغفر الله العظيم وأتوب إليه

توقيع
:142:
لآ إله إلا أنت سبحانك إني كنت من الظالمين
ماسه 5 قراط ..:: مميزه و فعاله ::..

والله انا مع الأخت ريشه خضراء كل يحبيبي من ما تهوى ربي يعوض زوجتك الأولى خير الدنيا والأخره ويجعل كل لحضاتها سعاده وربي يعطيك على قد نيتك انت تزوجت من اجل الجنس فخد مبحث عنه الجنس اما حسن الخلق والعشره كان عند الطيبه الأولى وانت جاي تبيه الحين من التانيه الله منك يا رجال تبون كل شي وكانكم انبياء على الأرض للأسف لا يوجد عندي اي تاسف على حالك وكما تدين تدان

احساس عالي ..:: عضو مميز ::..

اخوي الطفشان

مبروك الزواج

بارك الله لكما وبارك عليكما وجمع بينكما بخير

بالبداية لي تعليق بسيط : صراحه وبدون زعل كلامك فيه تناقضات حتى اسمك متناقض مع وضعك الاجتماعي والمادي هههههههههههه

والسؤال هذا ممكن يصدر من شاب اول مره يتزوج هههههههههههه هذا شي

والشي الثاني كيف قدرت تتعامل مع الزوجه الاولى ؟؟؟؟ اذا قدرت تجاوب على السؤال هذا فهو جواب سؤالك وطبقه على الثانيه من باب العدل

حسب كلامك انك عادل بجميع الامور ماعاد الي بالقلب فقط مع اني ماشفت عدل حتى بكلامك ارجع لكلام الاخوات اعلاه

نرجع لسؤالك وبعتبر انك جاد بالسؤال : انا اشوف مشكلتك بسيطه جداً وحلها مافيه اسهل منه ابد ابد

الجواب اتركها عند اهلها ولاتسأل عنها وارجع لزوجتك الاولى وعيش حياتك وحاول قد ماتقدر انها تدري انك مبلط عند الاولى ومستانس جداً جداً

واذا اتصلت وقالت تعال خذني قل وبكل هدوء وبدون نرفزه او عصبيه : والله انا مشتهي طبخ البيت وام فلان مسويته اليوم خليكي عند اهلكي وكلميني بكرا

وكل ما اتصلت قلها شي من الاشياء الي هي مقصره فيها

وبالنهاية اما انها تتعدل ولا اتركها عند اهلها وانت خليك عند ام العيال (قديمك نديمك) الله يخليها لك ولعيالها ويخليها لعين ترجيها

هذي الطريقه تخليها تفكر وتشعل الغيره عندها وشوي شوي تنتبه لنفسها .. والله يهديها لك وبعدين 26 سنه مو صغيره احسها شافت نفسها عليك ههههه
اما اذا قلت ما اقدر استغني عنها ومدري وشو ومسوي فيها حبيييييب
الله يعينك خليك تحت رحمتها هي واختها الكبيره

وعلى قولتهم الي يبي الدح مايقول آآآآآآآآآآآآآآآآآآآآح

بالتوفيق ياااارب ,,,

توقيع
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

Powered by: vBulletin
 ©2000 - 2024, Enterprises Ltd.
المنتدى برعاية مميزون العرب للخدمات الرقمية
www.z777z.com
Adsense Management by Losha
( جميع مايكتب يعبر عن وجهة نظر كاتبه ولا يحمل وجهة نظر الموقع يعبر عن كاتبها فقط )
جميع الحقوق محفوظة زوجــي و زوجتــي عالم الحياة الزوجية
جميع الحقوق محفوظة زوجــي و زوجتــي عالم الحياة الزوجية