زوجــي و زوجتــي عالم الحياة الزوجية المنتديات العامة دليل همس القوافـي قصه حقيقيه لشاب قال له أبوه أمنتك بالله ماذا حدث لك اليوم العصر
ميمي التميمي ..:: مراقبة عــامه ::..

قصة حقيقية لشاب سأله والده أمنتك بالله ماذا حـدث لك اليوم العصر
دارت أحداث هذه القصة في عطلة الحج قبل سنتين في منطقة الشعيبه
وهي منطقه ساحليه بريه على شواطىء البحر الأحمر
تقع جنوب جده على طريق الليث،، وتعتبر منطقة تخييم >طلعات< للشباب والعوائل في اجازة الشتاء
المهم..يقول : كنا 5 من الشباب وصلنا الصباح و نصبنا خيمتنا على شاطئ البحر وكالعادة ذبحنا الذبيحة ووو الخ
أنا بصراحة وأعوذ بالله كنت الوحيد بينهم ما أصلي نهائيا يعني وقتها كان عمري 21 ولا أركعها
مع أن أبوي إمام مسجد و كنت أطيعه في كل شي يقوله ويامربه ألا الصلاة
وفي حياتي ماسمعتة يدعي على ماكان يقول غير الله يهديك ويصلحك بس
كان يقومني للصلاة أروح اخذ فره بالسياره وارجع بعد ما يخلصون
لأنه هو أول واحد يدخل المسجد وأخر واحد يطلع منه
عشان كذا مراح يفقدني
يعني كنت عاصي لدرجه مو طبيعيه،،،،
المهم بعد ما تغدينا جهزوا الشباب عدتهم يبغون ينزلون البحر يروحون رحلة غوص
وطبعا كان لازم واحد يجلس في الخيمة جلست أنا لأني مو قد كذا في الغوص
جلست لوحدي في الخيمة وكان جنبنا شباب،
أذن واحد منهم وطلعت برى
شفتهم يتجهزون للصلاة ،قلت تجنباً للإحراج خلني انزل للبحر
اخذ لي شوط سباحه،،
المهم لبست ونزلت للبحر .. مشيت مشيت الين جيت في منطقه حلوه للسباحه موعميقه مره ولا قريبه
سبحت وسبحت وسبحت ومنطقة الشعيبة معروفه بالأجراف
تعرفون الأجراف أكيد,,
المهم تعبت شوي وقلت خلني أنام على ظهري وأهمل جسمي على أساس أريح شوي وارجع،
سويت الحركة و جلست أطفو شوي وووفجأه حسيت أن واحد سحبني لتحت، ونزلت تحت المويه
حاولت أوقف على ارض البحر وادف نفسي فوق على بالي أن المسافة مترين تقريبا
اثاريني وأنا أسبح بعدت ونزلت في جرف وأنا ما ادري ،وطبيت في منطقه عمقها 5 أمتار تقريبا
حاولت اطلع حاولت وحاولت ماقدرت ،حسيت كأن فيه شخص فوقي وماسكتي مع راسي ويدفني لتحت
احاول بكل الطرق اللي تعلمتها في النادي ماقدرت اطلع
كنت في حاله ياشباب لا احسد عليها
كنت متلخبط واخبص في المويه حسيت أني ولاشي,
حسيت وقتها أني اضعف من الذباب
من منكم في يوم حس انه عاجز عن نفسه؟
بدأ النفس يضيع النفس مني بديت احس بالدم يحتقن في راسي
بالعربي بدأت احس بالموووووت,,,,,
بديت أتذكر أبوي وأمي وإخواني وأقاربي وأصحابي وعيال الحارة والعامل في البقاله
وكـــــل شخص مر علي بحياتي تذكرت كل شيء سويته وكلها في ثواني معدووده,,
وبعدها تذكرت نفسي,,,!!!
بديت اسأل نفسي: صليت؟لا, صمت؟لا, حجيت؟لا, تصدقت؟لالالالالالالالالالالالالا
أنت في طريقك لربك خلاص مفارق لدنياك مفارق لأصحابك كيف تبي تقابل ربك؟؟؟؟
وفجأة سمعت صوت أبوي وهو يناديني باسمي ويقول قوم صلي
تكرر الصوت بأذني ثلاث مرات بعدها سمعت صوته وهو يأذن
حسيت انه قريب بيجي يطلعني صرت أنادي عليه وأصيح
باسمه والمويه تدخل في فمي
أصيح وأصيح مامن مجيب..
حسيت بملوحة المويه في أعماق جسمي
وبدا النفس يتقطع,,
أيقنت بالهلاك,,حاولت انطق بالشهادة.. نطقت أشهـ.. أشهـ..
ولا اقدر أكملها كأن فيه يد قابضه على حلقي تمنعني من نطقها حسيت أن روحي خلاص بتطلع,,
وتوقفت عن الحركه,,
وهذ آخر شي كنت أتذكره,,
............................................. ..... .......
صحيت في الخيمه وكان عندي عسكري من خفر السواحل والشباب اللي جنبنا,,
أول ما صحيت ،قال لي العسكري: الحمد لله على السلامة، ومشى
سالت اللي عندي قلت منهو ذا ومتى جاء وكيف،،، قالوا ما ندري
جانا فجأه وطلعك وزي ما تشوف مشى فجأه!!!!
سألتهم قلت شفتوني وانا في المويه؟،، قالوا مع أننا كنا على الشاطي لأكن قسم بالله ماشفناك
ما درينا عنك الايوم جاء العسكري وطلعك من البحر,,
((مع العلم أن مركز خفر السواحل يبعد عن خيمتنا تقريبا حوالي 20 كيلو متر طريق بري))
يعني يبيله تقريبا ثلث ساعة عشان يوصل لنا اذا جاه بلاغ....
وحادثت الغرق صارت في دقائق معدوده
واللي جنبنا وهم اقرب ناس مني وقتها يحلفون انهم ما شافوني
كيف شافني العسكري وجاني؟؟؟وربي اللي خلقني ليومكم ذا ما اعرف كيف وصل لي..!!
......
ودق جوالي،، مسكته ألا وهو أبوي بدت الأمور تتلخبط عندي بدا التشويش قبل شوي سمعت صوته والحين يتصل؟؟
رديت عليه، كيفك وش أخبارك ،سألني قالي أنت بخير وكررها كذا مره،
طبعا ما ابي اعلمه عشان مايقلق سايست الأمور وقفلت..
قفلت من عنده و قمت صليت ركعتين في حياتي ماصليت مثلها
ركعيتين جلست اصليهم في نص ساعه
ركعتين صليتها من قلب صادق
وبكيت فيهم الين انبح صوتي
في نفس اليوم يوم رجعوا الشباب، قلتلهم أنا ماشي ،،
ورجعت للبيت
اول مارجعت كان ابوي موجود
اول ما فتحت الباب الا وهو في وجهي قال تعال ابيك
جيت معاه، قال امنتك بالله وش صار معاك اليوم العصر؟؟
تفاجأت واندهشت وتبلعمت ما قدرت اتكلم...
حسيت كأن عنده خبر!!
كرر السؤال مرتين...
المهم حكيت له بالتفصيل الممل
قال لي والله اني سامعك تناديني وانا ساجد السجود الثاني في آخر ركعه وكأنك في مصيبه
مابعدها مصيبه
انت تناديني بصياح واحس قلبي يبي يتقطع وانا اسمع صوتك وما دريت عن نفسي الا وانا ادعيلك بأعلى صوتي
والناس تسمع,,
وفجاه حسيت كأن واحد كب علي مويه بااااارده,
طلعت من المسجد بعد الصلاه واتصلت عليك على طول والحمد لله رديت
علي وحسيت اني ارتحت اكثر,,
لكن ياولدي الصلاة انت مفرط فيها وعلى بالك
الدنيا بتدوم لك ماتدري أن ربك يقدر يقلب حالك في ثواني
وهذا شي بسيط من اللي يقدر ربك يسويه فيك,,
لكن ربي كاتب لك عمر جديد......
عرفت أن اللي أنقذني من الموقف كان برحمة الله اول شي ثم دعوة ابوي لي,,
وهذه لمسه بسيطة من لمسات الموت لكي يرينا الخالق عز وجل أن الإنسان مهما بلغت قوته وبطشه
يصبح اضعف مخلوق أمام بطش الله وجبروته عز وجل
ومن يومها ماغابت عن بالي الصلاة ولله الحمد
ويا شباب عليكم بطاعة الخالق وطاعة الوالدين
صدقوني من بر والديه مراح يخيب ابد,,
برهم أساس سعادتك في الدنيا وتوفيقك
وحمايتك من الشرور بعد طاعة الله عز وجل

منقوووووووووول

توقيع
صوت العاطفة ..:: برونزي ::..

قصة معبرة والله يصلح حال الشبااب والله اول ماانسأل عنها هي الصلاة فهل من معتبر من هذي القصه!!!,,يعطيك ألف عاافيه ميمي لاتحرمنا من إبدااعك,,,ونسيت اقولك يسعدني اكون اول وحده ترد على موضوعك احم احم مين قدي هههه

ميمي التميمي ..:: مراقبة عــامه ::..

هلا ومليون غلا بك غاليتي أسعدني مرورك نورتي وشرفتي

وأنا أحبك في الله .

توقيع
الحصنيه ..:: كـــ vip ــــبار الشخصيات ::..

يابعدى قلبي ياخيتي الله يجزاك خير على هالقصه المؤثره

فعلا الواحد يعيش بغفله وهو لاهي والموت قريب منه وهو مو حاس ..الا اذا تداركته رحمة ربي ...

الله يعطيك العافيه ميمي ...

توقيع


يآحي ياقيوم انصر اخوآننآ في " سوريآ "
نصصر عزيز مقتدر وثبت اقدامهم ياقوي ياجبار

لاتنسون الدعاء لهم الله يجزاكم خير
ميمي التميمي ..:: مراقبة عــامه ::..

هلا وغلا بك ياقلبي أنتي حصونه وينك فقدتك ياغلاي .
مرورك شرف لي ومصدر فخر حبيبتي .

توقيع
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

Powered by: vBulletin
 ©2000 - 2024, Enterprises Ltd.
المنتدى برعاية مميزون العرب للخدمات الرقمية
www.z777z.com
Adsense Management by Losha
( جميع مايكتب يعبر عن وجهة نظر كاتبه ولا يحمل وجهة نظر الموقع يعبر عن كاتبها فقط )
جميع الحقوق محفوظة زوجــي و زوجتــي عالم الحياة الزوجية
جميع الحقوق محفوظة زوجــي و زوجتــي عالم الحياة الزوجية