بسمة غروووب ..:: كـــ vip ــــبار الشخصيات ::..

اخواتى الغاليات
قبل البداء اود ان اقول لكل اخت تود التشقير المشايخ افتوى بجواز التشقير ولكن بشروط
واستحلفكم واستئمنكم عليها والتقيد بها


الشرط الاول:-

1_ان لاتتشبهى بالكافرات يعنى مثلا تقولى ابي حواجبي مثل سندى كروفد ووو

2_ان لايكون عليك مضره مثل حساسيه وتضرين نفسك

3_ان كنت تعلمين ان حواجبك سوف تسقط او تقص لا تفعليه ابدا

4_ان لايكون فيه تغيير لخلقة الله كطمس الحواجب كامله كما تفعله بعض النساء وترسم حواجبها بالكحل فقط
..............

اخواتى الكريمات

نظرا لكثرة طلبات معرفة تشقير الحواجب خطوه خطوه واسرار تميزها

هذا درس مع الشرح الكامل اللذي سوف يساعد غالبية الفتيات

تعليم تشقير الحواجب والاستغناء عن الذهاب للصالونات كل 3 الى 5 ايام

وانصح كل وحده انها تتعلم الطريقه ممكن يجي يوم ومافي احد بيقدر يوصلك للصالون

او تكونى مسافره ومافى احد عنده خبره

لذالك وفرى على نفسك وتعلمى افضلك

الادوات المطلوبه للتشقير

بسم الله
هذي العدة كاملة <- لاتخافون مو كلها حتستخدميها لكن فيه بدائل











أعواد أذان ( كبيرة وصغيرة ) فرش الشادو للصبغ ( أنا ماقد إستخدمتها لأني ما أقدر أفرط فيها بس إذا تقدرين تفرطين في فرشك إستخدميها )

أنا استعضت عنها بأعواد الأسنان أو أعواد الشيش طاووق .. وهي أفضل من أعواد الأذان لأن يكون رأسها حاد وترسم لك
الصبغة ع الحواجب بترتيب ..... أغطية الأدوية .. في البداية كنت استخدمها عشان أضبط القياس ( وهذي الطريقة اخذتها من وحدة بعدين بطلت أستخدمها لأن خلاص مع التمرس صرت
أعرف أقيس.. وغير كذا .. طريقة غير اقتصادية يعني ياتغسلينها كل مرررا أو إن يكون عندك أغطية كثير .. فأنا أستبدلتها بكاسات بلاستيك
أو فناجين القهوة البلاستيك حقت الكشتات تعرفونها .؟ اللي لونها بني .. هي أفضل عشان حجمها بس أنا استخدمت في التصوير كاسات البلوندر

.. البروكسيد .. صبغة كوليستون ( اللون بني شوكولاته .. وأشقر رمادي فاتح )
كنت أستخدم أكثر شيء اللون ( أسود بني ) لصبغ الحواجب بس إختفت فجأة قمت إستخدمت البني شوكولاته
بالنيابة .. وطلعت حلوووة .. وماتفرق معي كثير لأن حواجبي الشعر قريب من بعض أسود يعني تقدرون تقولون كثيفة لكن مش عريضة<- الله والوصف

المهم قصدي في الاخير انها يطلع اللون الغالب أسود نظراً لطبيعة حواجبي ولونها .. ويناسبني هالشيء لأن لون شعري أصلاً أسود
أما البنات اللي شعورهم ملونة أفضل لون لها هاللون واذا حواجبكم عادي بتطلع فانتاستك
وهذي نصيحة للبنات اللي حواجبهم عريضة .. إذا كنتي تشوفين حاجبك مرسوم ومرتب .. نصيحة من قلب صادق لاتفكرين
تشقرين ( أتكلم عن اللي عريضة مررررررا ) .. والله الحواجب العريضة اذا صارت مرتبة ومرسومة خلقة تكون رووعة

أنا حواجبي حلوووة ترى بس لأن زمان لعبت فيها بالجولان وعدمها فصارت تحتاج ترتيب بسيط .. وكمان هذي نصيحة .. ابعدو عن الجولان
والكنت سيئة مرررا مررا لأنها تزيد الشعررررررررررر بشكل مجنووون


وبسم الله نبدأ الرسم


خذي قلم رسم أبيض ( كحل ) وأرسمي به .. بصراحة و من خلال تجربتي اللامنتهيه في هالمجال
مرررا مرررا ماحبيت اني الون الحاجب بقلم كحل بني بالشكل اللي ابغاه لأن مرررا مازبطت معايا
فإستخدمت هالحركة أفضل لي شخصياً .. لكن انتِ براحتك


المهم
عندك زي هذي الصورة ... بصراحة أنا تعلمت ارسم حواجبي قبل لااشوف هالطريقة
عشان كذا مافرقت معي كثير ولادققت فيها كثير .. وطريقتي في شرح هالطريقة ماحتكون عميقة
لأني مو فاكرتها بالضبط لكن هذي رؤووس اقلام .. وهي المهمة











رقم1 : من عند نهاية ألانف من تحت <- ماتعرف توصف .. بخط مستقيم تكون هذي بداية الحاجب حلوو .؟

رقم2:من نهاية الأنف وابتداء الحاجب بخط أفقي تكون نهاية الحاجب .. ( لاتخلين حواجبك طويلة مو حلو

رقم3: يعتمدونها الكوافيرات في الرسم في رسم كسرة الحاجب <- أحس ودكم تشوتوني ع الوصف .. كسرة الحاجب هي المكان اللي يكون مرتفع عنده
الحاجب وبعدين ينزل ... أنا ما أعتمدتها لأن حواجبي ماتحتاج الحمد لله مكسورة خلقة <- برى
وغير كذا مادخلت مزاجي .. المهم انتِ اذا ماتعرفين المكان اللي تكسرين حاجبك عنده قيسي بخط عمودي عند نهاية البؤبؤ بالخط الموازي
لها حطي نقطة الانكسار <- تحسون انكم داخلين حصة رياضيات


ارسمي حاجبك اعتماداً ع هالنقاط الرئيسية وأهم شيء إبتعدي عن تنحيف الحواجب .. عمره ماقد مرررت علي وحدة حاجبها خلقة خط
وكثير شفت بنات يشقرون الحاجب كله ويرسمون بقلم الحواجب خط ..؟ ليه طيب .؟!
أول شيء الحركة مووو شيء مررا مرررا .. غير كذا تعطيكِ شكل غير الشكل الطبيعي اللي الناس متعودة تشوفه .. وغيرة تعطيكِ

منظر قاسي بعيد عن الأنوثة والرقة .. الحواجب العريضة بترتيب أفضل رسمة ممكن تناسب وجهك .. انصحك فيها وابتعدي عن غيرها

بعد ماترسمينها بالشكل المطلوب .. تعالي أخلطي المُشقر

هذي العدة ..











البلوندر البروكسيد .. أعواد أذان صغيرة ( أحس الكبيرة تتعب مررا ) هذي أسررع وأرتب .. أغطية دواء أو كاسات بلاستيك

كمبتدءة استخدمي غطاء الدواء ... حطي في غطاء كمية من البلوندر اللي يكفيكِ لعند خط معين ( مثلاً 5 )..

وفي غطا ثاني حطي نفس المقدار من البروكسيد .. واخلطيهم .. المهم يطلع لك زي اللي فهالصورة .. مشقر بقوام كريمي حلوو.؟











قبل ماتبدأين حطي فازلين حول الحاجب انتبهي تنسين .. أو حطي اللي تبغين من الكريمات المرطبة العازلة .. مثل سودو كريم أو كيناكومب

وإبدأي شقري الحاجب ( فيه ناس وامكن الغالب من الناس تبدأ بالصبغ بعدين التشقير بس شخصياً ماناسبتني هالحركة ) فأبدأ بالمُشقر
أما أنتِ لكِ مطلق الحرية










حطية على حواف الرسمة اللي رسمتيها .. أنا اخترت لكم حاجب مرتب عشان يبان عليه الشغل

وبعدين تعالي أخلطي الصبغة ( أفضل لو تكونين مجهزتها كلها سواء ) .. والعدّة










صبغة كوليستون بني أسود أو بني شوكولا وبروكسيد .. فرشة شادو أو فرشة رسم عادية أو أعواد شيش طاوق أو أعواد أسنان
انتِ اختاري اللي يناسب مزاجك ..


حطي مقدار من الصبغة وحطي عليها بروكسيد وحركيها الين تتأكدين انها تجانست وصار قوامها كريمي .. اذا حسيتي انك محتاجة
زيادة بروكسيد زيدي لكن .. لاتكثرين ..











(((((( هاذي نفس اللي يسونها في صالون حناناللي بالسد شايفتهم شوف العين)))))

وأرسمي حاجبك من الداخل بهالشكل











.. وتأكدي إنك سديتي كل الفراغات الموجودة بين الشعر وحطي كمية كافية
يعني لاتقللين ولا تكثرين ....

وبعدين أتركيها نصف ساعة تقريباً .. أنا أخليها الوقت اللي أحب أحيان ساعة إلا
وبعدين خذي إسفنجة وامسحيها وغسليها بعد المسح بماء بارد


وتعالي خذي الصبغة الاشقر رمادي فاتح أو بني شوكولا ( هالخطوة خطوة إخفاء اللون الأصفر أو البرتقالي ) واعواد اذان عريضة












وهي مهمة جداً جداً عندي .. يعني اذا ماعندك استعداد تخفين الشعر المُشقّر لاتشقرين

الصبغة الأشقر دلتني عليها أختي الغالية وحبيبة قلبي وانا كنت قبل استخدم بني شوكولا

المرة الاخيرة اللي شقرت فيها استخدمت هاللون لأول مرره .. حلوو بصراحة وناسبني .. لكن لأكون صريحة

البني شوكولا ناسبني أكثر
و برضو اختي قالت لي قالت لي حطيها بدون بروكسيد وسويت نفس كلامها .. لكن بالعادة أحط بروكسيد ع البني شوكو

المهم حطي الصبفة على الشعر اللي شقرتيه بعود الأذان العريض .. عشان يتوزع معاكِ بسسسرعة لأن السرعة فهالخطوة مهمة
لأن لو تاخرتي راح ياخذ حاجبك لون احنا مانبغاة











وبعد مايكتمل التوزيع ابدأي إحسبي .. اذا الصبغة بني شوكولا .. عدي ..
1 2 3 وامسحي

اذا اشقر رمادي عدي 1 2 3 4 5 6 7 8 9 10 وامسحي

وراعي انك تمسحين باسفنجة مبللة عشان ماينخبص وجهك ...

و ع البررركة عليكِ حواجب مرتبة وحلووووة والأهم باينة ناتشورال ( طبيعية )











همسة : تأكدي حبيبتي أنكِ إذا انتزعتي شعرة من حاجبك فأنتِ تنتزعين نفسك من رحمة الله
وتحرمين نفسك نعيم الجنان لتلقي بجسدك في سعير النيران .. فلاتدعي شعرة صغيرة تجعلك
أمام الله وخلقهِ إنسانة حقيرة

وحشتني الذكريات ..:: مراقبة عــامه ::..

يعطيكــ العافيه وجزاك الله الف خير

توقيع
يارب اهدني ثم اهدني ثم اهدني ثم خذني اليك روحا طاهره
فراشه فوشيا ..:: عضو مميز ::..

مشكورره يالغلا فكره موضوع رائع تحتاج له اغلب الفراشات

خلص حنانك!! ..:: جديد ::..

مشكوره حبيبتي على الموضوع الحلو

جنووون انثى ..:: جديد ::..

مشكوره موضوع حلو

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

Powered by: vBulletin
 ©2000 - 2024, Enterprises Ltd.
المنتدى برعاية مميزون العرب للخدمات الرقمية
www.z777z.com
Adsense Management by Losha
( جميع مايكتب يعبر عن وجهة نظر كاتبه ولا يحمل وجهة نظر الموقع يعبر عن كاتبها فقط )
جميع الحقوق محفوظة زوجــي و زوجتــي عالم الحياة الزوجية
جميع الحقوق محفوظة زوجــي و زوجتــي عالم الحياة الزوجية