اخي القحطاني
للأسف اهله الي زوجوه الحين مايبون يتدخلون كم مره نخيتهم ولاحد عبرني
اختي قائدة قوات الحب ماعندي مشكله اعيش مع اولادي لكن هو ماابيه لان بعد كل هالشهور الطويلة جاي بكل جفاء وبرود كنه قاعد يم زميل له ولا كلمه حلوة قالها لي ولما مشى ارسل مسج يقول لك خاطر نروح شقه مفروشه نمارس الجنس!!! انا مو انسانه يمكن انا قوطي مستحيل يقول مشتاق او احبك يستخسر كلمه حلوة لي واسمعه يغرق زوجته بكل كلمات الحب والحنان
اختي اصايل المملكه تكلمت معاه يقول بعد تتشرطين؟ ترجعين بدون شروط مسوية نفسك مسكينه ومظلومه
اختي ملاك اهله سعو له بالزواج وزوجوه وفرحو بعرسه ورقصو والحين ماهمهم يعدل او حتى انه يجيب مصروف لعياله او حتى هجرانه لي وانا بشقه لحالي بالشهور محد سئل عني وعن عيالي!بعض الاقارب عقارب!!
اختي وردة فواحه اشكركي من كل قلبي
اميرةة بكلمتي ييحن ويشتاق!!!مافي امل اقولكك مستغني عني لان كنت انسانه بسيطه وغير متطلبه مهما عملت لايعجبه شيء وكل يعايرني ويقول خريجة ثانوي انتي!غبيه لان زوجته مو دارسه يبي يحطمني ويقهرني
اخوي عبد المحسن مشكور ويعطيك الف عافيه
اخي الوانتو ماقصرت يعطيك العافيه والله كريم
اختي فراشة برونزيه كلماتك اكثر من رائعه انها كالنسيم العليل الله يكتب الي فيه الخيربارك الله فيكي
اخواني اخواتي جزاكم الله خير كفيتو ووفيتو بس بسئلكم لو انه يبي يعدل يحطني انا واولادي ال 4بشقه صغيره فيها غرفتين فقط وزوجته الثانيه بفيلا؟؟؟؟

الأخوات والأخوان مـــــــــــــاقصرو معاك الله يعطيهم العافيه
وأسأل الله الواحد الأحد ان يعود اليك زوجك ويقدرك
ويحنن قلبه عليك وعلى أبنائك ..
وتقربي الى الله اكثر وادعي في جوف الليل واشكي لخالقك
لأنه الأعلم والأرحم بحالك
وطمنينا عن أحوالك غاليتي....

فيييلا ؟؟ّّ!!

اشترطي عليه ....مثلها ...
ولا اسدحي له عيالك ...هو والعروس ...وشوفي وش بيصير فيهم ؟؟!!
بس خايفه ...على عيالك ..يا انهم ينضرون ...او انهم يحبونها بعد !!

ومدامه ...طلبك في شقه مفروشه ...معناته حن بس قلبه قاسي ...وباقي فيه عزة نفس !!
يمكن انتي برضه ما تعطينه مجال للكلام الحلو ....
اش معنى يعرف يتكلم للجديده !!
اطلبي لك بيت ...مثلك مثلها ...او اعطيه اللي عندك اذا بتقدرين تصبرين ..عنهم

الله يعينك اختي ويصبر قلبك يارب

لاحول ولا قوة الابالله ماأدري انا احس ان فية شي غلط فية حاجة ماهي طبيعية وش ذا الحرمة الي جت فجأة قلبت كيان ذا الرجال؟؟؟!!!

قلبي يعورني عليك وربي

انا اقرا كلامك وحاسه فيك

بس لي طلب عيالك لو ايش ما يكون لا تتركينهم مع غيرك

اسألي مجرب

في يوم كانت امي بمكانك بس للأسف ما لقيت احد معانا ومع اخواني

ما لقيت احد يقولها خليك مع عيالك

كانوا الكل حواليها ولا احد منهم منتبه لي ولأخواني

تركتنا للعمه ولزوجها اللي هو ابوي

الله يسامحه

ليومك هذا ما راح انسى احاسيسنا انا واخواني كنت اتمنى اشوفها وهي بديره بعيده عننا

وبحكم اني اكبرهم كنت امهم وانا توني بسادس ابتدائي

كنت من الاوائل على المدرسه وللأسف عرفت الهواجيس طريقها لي وتدهورت بدراستي

صحيح ما عمري رسبت بس الاولى ما عاد عرفتها بحياتي

انا اكتب وربي مخنوقه بعبره

وكرهت كل ام تقول بتترك عيالها عشان حرمه ثانيه

بالطقاق لابوه لابو ستين .....

ايش هو كل حياتك

خلاص انتي عندك كنز حافظي عليه وراعيه ما حد راح يهمه كنزك غيرك

يا اختي هي العيشه مره وحده كم سنه باقي لك عشان تعيشين خلاص ما راح راح وعمره ما راح يجي احلى من ماضى لو كان ربي كاتبه لك

نصيحتي لك

لا تخلين حياتك وسعادتك رهن يديه

بيدك تسعدين نفسك وعيالك

شوفي الضحكه بعيونهم افرحي بشهاداتهم استانسي وانتي تاكلين بينهم هو آخر اهتماماتك

ان جا هلا وان راح مع الف الف الف سلامه

ما احد بيخسر مثله وكليه على ربك

يمهل ولا يهمل

بس انتي لا تدورينه ولا تطلبين منه شي

بس بيت يلمك انتي وعيالك

وحاولي اذا جا بيفتح موضوع

لا تنفعلين قولي له بكل هدوء انت ابوها وسمها

ولا راح اطلب منك شي غير بيت لي ولعيالي

ماابقى في العمر كثر اللي راح

ولو كان في عشرتنا خير كان من اول

الحين ما ابي منك شي

خليه يحس بالقهر انك استغنيتي عن حبه بحب اهم واروع

وربي اقولك لأني ما ابيك تصحين بيوم وتكتشفين ان احد من عيالك

حس ان عمره سرق منه بدون ذنب الا انانية والديه ثقي لو تركتيهم راح يكتبون مثل ما كتبت اليوم

الله يسامحك نزلتي دمعتي على الذكرى البايخه في حياتي