هيه يالي اغراك الليل واغـراك النديـم
هيه يالي هزك الشوق والمسرى ضيـاع
وقفي بين الخطـأ والصـراط المستقيـم
وقفي بين التراحيـب وكفـوف الـوداع
سولفي مثل المشاريه في صوت الحشيـم
واسكتي مثل الشفايـف لاطـاح القنـاع
واضحكي مثل النواويير في روضة خريم
واغربي مثل المزاجات في غرب الرفاع
وابعدي مثل المتاهات فـي حلـم اليتيـم
واقربي بين السوالف وكتفـي والـذراع
وانظري لي نظرة الشوق للشـي القديـم
واغرقي بالدمع الازرق مضاليل وسـاع
واصبري مثل المسافات في صبر الحليم
واسمعي صوت الهوى يوم فليت الشراع
يوم صرتي عود ريحان ورضاي النسيم
واصبري يانجمة الصبح مال الصبح داع
قد طلبت الله وانا بين زمـزم والحطيـم
شوفتك ياغلا سميـه لاصرتـي ربـاع
العيـون تجـوع تجـوع والله العظيـم
والعشى في عيونك السود وعيوني جياع
ان عطيتـي مايـرد الكريـم الا الئيـم
وان بخلتي قلت تكفينـي والدنيـا متـاع
اقبلي يامثل التباشير في وجـه الكريـم
وارحلي مثل التعازي على موت الشجاع
.
.
.