نورك كما نور القمر في دجى الليل
وانــا اتـلـذذ كــل ماشـفـت نــورك
لبيه ياللي ماخـذن مـن حـلا الخيـل
تعال خلك بيـت ,, والقلـب سـورك
ياللـي غرامـك جـاريٍ يشبـه النيـل
في وسط قلب اللي يموت بغـرورك
قــم قهـونـي يالعنـبـوها فنـاجـيـل
فاحت دلال القلـب لحظـة حضـورك
نسيـت لاجلـك لابسـات الخلاخـيـل
قلبـي سفينـه فـي مراسـي بحـورك
وان سلهمت ذيك العيون المضاليل
اصيـر حبـر ضايـع فــي سـطـورك
لبي لثامك يوم بهذلت لك جيل
يبـغـون تقلـيـدك ولاهــم بـطــورك
في مشيتك في رزتك في المواويـل
مـاتـو قـهـر ماطبـقـو ربـــع دورك
صارو مثل ذيك النجـوم المشاعيـل
مـثـل المـرايـا عـاكـسـاتٍ لـنــورك