السلام عليكم ورحمة الله وبركاته
وانا اتصفح منتداي الحبيب خطرت في بالي فكره حلوه وحبيت تشاركوني فيها
فكرت اخذ كتاب من الكتب اللي تاخذها العروس يكتبون لها فيه صديقاتها لا تضحكون علي ما ادري وش يسمونه عموما هذا اللي ملبس قماش مخمل وحركات وعليه ورد من برا
وبعدين بالقلم الاحمر اللماع اكتب بعض الخواطر والابيات الحلوه اللي موجوده بالمنتدى في كذا موضوع زي موضوع المليون رد فيه كتابات مجنونه للجرح واحب البدو وهمس وجود وهواي عفيف وسراب الشوق وغيرهم وكذلك موضوع لو اعطاك الحبيب يده ماذا ستكتب له وقسم الخواطر الشعر مليء باكثر من ذلك وطبعا بحط بعض الصور الحلوه لاسرتي وبعض صور الزواج وصور زوجي بطريقه حلوه وناعمه
وبحطها في صندوق ملين بالورد المجفف والمعطر ومعاها قارورة عطر وهديه ثانيه افكر ميداليه منقوش عليها حروف اسمائنا انا وبناتي وفي الجهه الثانيه دعاء ان الله يحفظه لنا
وبعدين اغلفها واهدي زوجي حبيبي ابو بناتي
هاه اشرايكم
سامحوني واللي ما يبيني اخذ عباراته يقول والله ما اخذها لو احد اعترض شي من حقه