مثل حس المطر حبك
مثل جمره
بكفي نارها وقاد
مثل جرح ٍ
لبس فيني ثياب جداد
مثل حس المطر حبك
يجي فجأه بلا ميعاد
يجيني في سكون الليل
يجيني ويل
يجيني مثل نجم سهيل
عيونه تحضن عيوني
وقلبه صاير لي مهم
نعم مره
نعم ثنتين
نعم ألفين
نعم مليون
أحبك لو يصير الكون
حسود وعاذل مجنون
ليش لا تسأل؟
لأنك الأجمل
بعيني يا بعد عيني
نعم والله ،،، أبي حبك
ولكن بيننا حاجز
وخوف وبرد
وعالم همها دايم
تدوس الورد
يا مشغلني
وانا توي أعرفك تو
أنا ودي تشيل من عالمي
هـالـ ( لو )
تكون أقرب
من عروقي إلى عروقي
وتصبح ضحكة في شروقي
وكل اللي تبي بي سو
أنا روحك
أنا بوحك
أنا اللي في هواك أهيم
وابني عالي صروحك
أنا منك
وانا صدقك
وانا ظنك
وانا المكتوب في دنياك
يا قطرة ماء
أنا لي رأي في حبك
يقول إنك
لقلبي مزون
روت كل العطش فيني
نبت بأرضي ثمر حبك
شجر تين
وشجر ليمون
وصار الجمر في كفي
مواسم زهرها يكفي
ربيع وصيف
وريشه وسيف
نعم أهواك
نعم أهوااااااااااااااااااك