فزعتكم ياهل الخبرة - زوجــي و زوجتــي عالم الحياة الزوجية

التسجيل مجاناً
إتصل بنا

التسجيل مجاناً

زوجــي و زوجتــي عالم الحياة الزوجية المنتديات الزوجية عش الزوجية طريق السعادة الزوجية الحقيقة فزعتكم ياهل الخبرة

معالى الوزيرة ..:: جديد ::..

السلام عليكم ورحمة الله وبركاته

حابه اطرح لكم مشكلتي لعلي اجد لديكم حل اوتفسير لحالتي :
راح اتكلم بالعاميه حتى تكون ابلغ ويوصل الحكي بسهوله
انا خطيبي جلس فتره طويله ماكلمني بعد الملكة بحجة ان الفترة طويلة تقريبا 5 شهور بعدين اخذ رقمي وبدا يكلمني المهم الحين تقريبا لي شهر ونص مكالمتنا ماتطول اكثر من نص ساعة وكل سواليفة عن دوامه واحيانا يتكلم عن اصدقاءه ومويوميا يكلم مقل مره بالرسائل يمكن ماتوصل للآن 20 رساله عمري ماحسيت انه متلهف ولا مشتاق ولا حسيت باللي اسمعه من صديقاتي بإختصار ماعشت الاحلام الوردية احلامي كلها تبخرت من تملكت واذا سألته بعد ماينقطع عني يومين ولا ثلاث لارسايل ولا مكالمات < عسى المانع خير انشغل بالي عليك > يرد ويقول : لا بس انا مؤمن بالمثل اللي يقول ازدد غبا تزدد حبا قلت لو على الامثال فهي تقول بعد : البعيد عن العين بعيد عن القلب
المهم انا اسمي ساره نفس اسم اخته ودايم تسميه باسم ابو ساره ويوم تملك قالت له لا ماتخيلت زوجتك نفس اسمي ودي انك تسمي علي(تمزح )قال ولا يهمك من 2 راح اسمي المهم قال لي السالفة انا عصبت وقلت خير ان شاء الله و..... هو ميت ضحك وعديت السالفة قلت يمزح
بعدها بكم يوم تكلمنا عن الاسماء وهذا الاسم حلو وهذا لاو...... وقال اسم ساره حلو مره وغلطان اللي مايسميه وانا بسميه قلت كيف تسمي البنت ساره والام ساره قال :لا بعدين الام ماراح تكون ساره << يقصد من 2 انا طرطعت هنا قلت : ليش انت مومقتنع فيني <<<مع العلم انه شافني قبل بس ولا عملره علق لاعلى شكلي ولا شخصيتي ابد ابد
قال:لومومقتنع فيك كان مأخذتك ,,,قلت:انا مارضى بالكلام ذا واحنا لسى على البر اذا ببالك هالشيء فمن الحيناقولك انت عنداهلك وانا عند اهلي وماراح اكون على ذمتك وقتها قال : امزح يابنت الناس وماتوصل السالفة للطلاق قلت لا عندي توصل قال: اجل مع السلامه انتي الحين معصبة ومن بعدها وانا نفسيتي ززززززززززززفــــــــــت المشكله بعدهابيوم دق ورديت علية برسميه هو استغرب من رسميتي قال عندك احد قلت لا المشكله ماعتذر مابرر موقفة ولا شيء ............... انا من جد تعبانة شوروا علي تكفون انصحوني كيف اتعامل معه كيف اغير من اسلوبه وهل اللي صار عدي ولا لا وادعوالي ...... << مع العلم اني قتاة احلام الكثيرمن الشباب احيانا افكر واقول طحت بواحد ماقدر النعمة اللي عندة:crying:............ رجاء ابي ردود وتفاعل موتدخلون وتقرون بدون رد اوحل ترى مالي بعد الله الاانتم

همس العواطف ..:: عضو مميز ::..

,,معالي الوزيرة,,
,,أنا إللي أشوفه إنه يمزح معك و يحب ينرفزك,,
,,ترى الرجال كذا لما يعرف شي معين تتنرفزين منه و تكرهين طاريه,,
,,يعلق عليه و خاصة سالفة الزوجة الثانية,,
,,صار لي نفس الموقف من زوجي أيام الملكة و كل ماإلتقينا,,
,,قال لي نفس الكلام و أنا أطرطع منه و أقول له,,
,,إنت وبعدين معاك ماتبيني قول,,
,,يقول من قال إلا أموووووت فيك,,
,,بس الشرع حلل أربع وبعدها يضحك,,
,,و زعلت منه بجد و صرت أثقل عليه,,
,,و ما أقابله مثل قبل و لا أجلس معاه إلا بوجود ناس معي,,
,,وهو حس على نفسه و بطل حركاته لما شعر بإنه مصخها و إني ممكن أتركه,,
,,هذا كله صار و إحنا نحب بعض من أيام الطفولة,,
,,بس هذي طبيعة الرجال يا قلبي,,
,,كملي مشوارك في الطناش و الرسمية يمكن يتعدل حاله,,
,,ويبطل النرفزة إللي ماسكها,,
,,قلبي معك يالغلا و طمنيني عليك,,
,,أختك همس العواطف,,
,,تحياتي,,

توقيع

عـطـر 7ــساس ..:: عضو مميز ::..

عاااادي لاتزعليين ولا شي حبيبتي

هم كذا الرجال

انا بعد زيك مخطووبه ومايصدق يلقى شي اكرهه يقوم ينرفزني

والله اغلبهم كذا حتى اخوي مع زوجته

انتي لاتبينين قدامه انك زعلاانه بالعكس عادي

واذا على سالفة الاسمااء ههههههههههه نفس قصتي

يقولي بسمي بنتي على اسم امي

تخيلي وامه اسمها شريفه هههههههههههههههه ياحسرتي عليك ياشريفه خخخخخخخخخخ

الله يسعدك ويتمملك على خييير

توقيع

يَدري { إنّ أسْبآب ضعْفِي " نَظرته " . .
يَدري { إنّي مآ أقأومْ . . " ضَحكتَه " . ~
يَدري { إنّ الْروُح ،. مآ تِغلى عَليه !.!
{لَو دَعآها } ،، جَت تلَبي ‘ دعْوتَه ‘

♡ sαяσиα كبار الشخصيات

هلابك يالوزيره..

ماشاء الله عليك بس من هلسوالف طالبه الطلاق..
اجل..مع الايام بكره ومع كثرة المشاكل والعيال....وش بتسوين..
بتروحين تخلعينه...

اكبر غلط..تقارنين بين زوجك..وبين ازواج صاحباتك..
صدقيني كذا راااح تعانييين كثير..مع نفسك..وتخلينه يعاني معاك..
انتي تقبليه مثل ما هو وخليك مقتنعه..
ان كل انساان موجود ع هالدنياا..له شخصيه تميزه..
سواء بخفة دمه او ثقالة طينته..
طريقته بالكلام..او غيره..
ياما كثيرين يقولون كلام حب..ومو صادقين بس يعبون وقت فراااغ..
ومو شرط تعيشين احلام ورديه..
المهم انك تثقين بحبه لك...

صديقاتك ممكن عايشين احلام ورديه..لكن متأكده انهم مبسوطين كلهم..
يعني ما يعانون من مشاكل..
محد خالي ومحد مرتااح..

اشوف زوجك من كلامك طيب..وهذا اسلوبه ..وعفويته..بالعكس مرح..
ولافي كلامه اللي ذكره اي شي يزعل..
هو مهتم بس يمكن ما يفهم للبنات..وكيف يرااضي..
لا تستعجلين عليه..
و يمكن انتي حسااااااااسه بزياده..وزعوولهـ
واكيييد تتابعين افلام رومانسيه..
لا يأثر عليك شي..
جااريه...
وتقبليه مثل ما هو..بترتاحين وبيرتااح..

والله يتمم فرحك على خير..

يعافيك ربي

توقيع

قد تكون للعالم شخصا ما..وقد تكون لشخص ما كل العالم

معالى الوزيرة ..:: جديد ::..

مشكوووره للـي ردوا علي وتفاعلوا
بس انا اللي مخليني اعيش بدوامه التفكير والقلق انه ماعممممرررره حسسني باهميته بمعنى انه ماحسسني انه شاريني ومختارني انا مأقارن بيني وبين الافلام انا مقهوره من اشياء كثثيييييييره المفروض نتفق عليها وماصار مثلا عن مواصفات اللي طالبها في شريكة حياته والمواصفات اللي انا ابيها وعن ايش يحب وايش يكره وعن خططنا المستقبلية مثل انجاب طفل اول سنه او لا ......بمعنى ماحسسنيان حياتنا تكون مشتركه احلامنا وخططنا وحده ومن ناحية زميلاتي هم اللي يجوني ينصوني بيقولك كذا وكذا وانتي ردي بكذا ..... استانسي ترى هالفتره ماتتكررر ... ولا اللي تسألني ماحبيتيه؟!! و.....
طيب على اي اساس احبه انا اللي ابيه منكم نصاااااااااااااااااااااااااااااااااائــــــــ ـــح ودعواااااااااااااات بالتوفيق مابي مشاهدات توصل للعدد الفلاني بدون فايدة ماراح يضر الوحدة لودخلت ونصحت او دخلت ودعت لي بدعوه حلوه ترى الدنيا دواره انا اليوم محتاره ومحتاجتكم بكره اي وحدة منكم راح تكون مكاني وانا مثل الخوات بهالمنتدى ولا!!!!!!!!!!!!!

الخبرة, ياهل, فزعتكم

الموضوع التالي

قد يُعجبك ايضاً

جيتكم كلي شوق ياهل الذوق تكفوون نبغى فزعتكم ياهل الخبره .. تكفووون .....ياهل الخبرة ساعدوني في التعامل مع زوجي ابي فزعتكم يا اهل الخبرة بخصوص الاجهاض

Adsense Management by Losha

( جميع مايكتب يعبر عن وجهة نظر كاتبه ولا يحمل وجهة نظر الموقع يعبر عن كاتبها فقط )