أحبك كثر مايسكن خفوقي بالغلا طاري
أحبك كثر ماينعش فؤادي عطرك وندك
أحبك كثر ماتنزف عروقي صادق أشعاري
أحبك كثر مايسعد خفوقي مزحك وجدك
أحبك كثر ماتقطف أنامل يّدك أزهاري
أحبك كثر ماهاجس قصيدي بالغلا شدك
أحبك كثر ماتشعل عزوفك قوة أصراري
أحبك كثر مايروى حنين الشوق من عدك
أحبك كثر ماتفضح عيوني خافي أسراري
أحبك كثر ماتقرا شعوري آه من قدك
أحبك كثر ماأستعذب بصمتك هاجس أفكاري
أحبك كثر ماتنزف أطعون القلب من صدك
أحبك كثر ماتنسج ملامح جرحي العاري
أحبك كثر مافيني خيال يهيم في ودك
أحبك كثر ماتعرف حبيبي آخر أخباري
أحبك كثر ماصنت بغيابك عهدي وعهدك
أحبك كثر ماتعزف تقاسيمك على أوتاري
أحبك كثر مايعني لي المضمون في ردك
أحبك كثر ماحبك ؟ أحبك وأنت بي داري
عطيتك بالغلا أسراري أذا ماخان بك سدك