العفري ..:: جديد ::..

بسم الله الرحمن الرحيم

أخواني وأخواتي ............. أمر بمشكله انا اشوفها غريبه وماعمري سمعت ان احد مر فيها أتمنىىىىىىىىى من الجميع مشاركتي بحلول وآراء .. لاني بجد تعباااااااااااااانه نفسيا وجسديا من هالمشكله ...... امانه محد يبخل علي بحل ...

سالفتي :

انا صارلي متزوجه اقل من شهر .. طبعا زوجي متزوج وعنده طفيلن .. شافني نظره شرعيه وجلس شهرين بعد النظره ثم اتصل في اهلي وقال انه مستعد للزواج ويبيني ... صارت مشاكل من قبل زوجته الاولى واهلها وتهديد ووعيد وووو الخ .. وكل مابي انسحب من هالزواج يرسل احد من اهله انه يبيني وشاريني ومتمسك فيني .. كملنا الاجراءات وملكنا وفترة الملكه كان مره هادي وما يحب يسولف كثير ولا يقول كلام حلو مثل اللي يصير بين كل زوجين يعني كأني أخته مو زوجته ... ولما أساله ليش يقول انا أحب التطبيق مباشره يعني رومنسيتي عمليه .. آمنت بالله وقلت يالله هذا طبعه ... صار تهديد من قبل اهل زوجته .. كلمته وطلبت الانفصال ورفض وابدى تمسك فيني .. وقلت بنفسي حرام ابيع واحد شاريني.. تزوجنا وليلة الدخله من اول ما دخلنا الفندق فتح التلفزيون وقام يتابع ولا كأن العروس جنبه يسولف بس سوالف احسها غبيه وكان واحد من خوياه ... كملنا ليلتنا طبيعيه

في الصباحيه سحب علي ولا قام الا قريب العصر .. قلت بنفسي يالله يابنت الرجال تعبان ..

جلس معي شوي ثم ( ...) لكن بدون حنيه او رفق ..... وطلع وراح لاهله

بعد كم يوم رحنا للبيت وعلى طول كرف وشغل وتنظيف ماكني عروس .. بلعتها وماقلت شي ........ كلمه حلوه مافيه نظره حنان مافيه ............

حتى بالفراش مافيه رومنسيه ولا مقدمات للجماع ........ اذا تقربت منه ومسكت يدينه او مسحت على شعره يسحب نفسه مني ويقول أمرحي ( يعني نامي ) حاولت مره ومرتين لكن في كل مره يفشلني ... كسر بنفسي اشيا ءحلوه .. صرت اخاف منه .. اتمنى ظمه حلوه او قبله حنان بسسسسسسسسسسس مافيه

عيونه 24 ساعه تلفزيون وافلام قنوات رقص واغاني ..

أحب انوه أني الحمدلله ما ينقصني شي ... حلوه ونظيفه ومرتبه ومحافظه على اناقتي ...

اقول له كل ماتقرب منك خطوه تبعد عشر يرد علي بقولة تونا متقاربين (طبعا يقصد الجماع )
..تعبت معه مدري وش اسوي اذا سويت اجواء رومنسيه بالغرفه يقول قومي طفي شموعك هذي

خمس ايام بس جلسها معي ثم راح لزوجته وجابها ... في المبيت يعدل بس اذا يومي اغلب وقته عندها وانا طول النهار والليل لحالي ويعلم الله ماشكيت ولا عاتبت ولا فتحت فمي بكلمه .. كاتمه همي بقلبي .. واذا كان عندها والله العظيم اني ما اتصل عليه ولا ارسل ولا شي عشان مايقول انتي نكديه او او او

كان يقولي انه مو مرتاح مع زوجته وانها نكديه ومافيه بينهم حب او تفاهم وبينهم نفور ...

اي تصرف منه ما يعجبني قسم بالله ما اعاتبه عليه ولا ابين زعلي ...


والحين سافر يقول عنده عمل برا السعوديه لمدة اسبوعين .... ولا يتصل ولا يسأل

اللي قاهرني انه ما حسسني اني عروس ولا عشت ايام حلوه مثل باقي البنات المتزوجات .. مدري وش ذنبي ..!!!


وهذي مشكلتي مختصره لاحد يبخل علي برأي او مشوره

تقبلوووو فائق احترامي :138:

الايناس ..:: كـــ vip ــــبار الشخصيات ::..

اعتذر عن ابداء رأيي لاني شايفه انه حضرتك اللي دخلت هالاجواء بنفسك
ورضيتي تكوني زوجه ثانيه او بالاحرى طريقه لتأديب الزوجه الاولى
اعتذر لاسلوبي واعتذر بشده كمان
ينقل لقسم المشكله الزوجيه
يعافيك

توقيع
:220:بحبكم موووووووووووووت

العفري ..:: جديد ::..

هذا نصيبي وربي كاتبه لي اني اكون زوجه ثانيه .

يعني ربي كاتبه لي قبل انولد .............. معقول الشخص يقدر يختار ويقرر وش بيكون قدره ؟؟

الايناس ..:: كـــ vip ــــبار الشخصيات ::..

العفري
مابعرف الله يفتحها عليك يارب
بس على قولتك نصيب
الله يعينك
تحيتي

توقيع
:220:بحبكم موووووووووووووت

اميره بكلمتي ..:: مشرفة دليل للنقاش و السؤال و الجواب ::..

السلام عليكم
هلابك اختي العفرى ...
طبعا حبيبتي هذا نصيبك وقدرك ....والمكتوب ما منه مهروب على قوله اهل الباديه !!

يا عمري ..
الرجال واضح ان اسلوبه كذا ...عفش او دفش !!
بعض الرجال كذا ما عنده اسلوب راقي !!
وطبعا مو بيده ...هذي نتايج اسلوب التربيه اللي ترباها ...
ومن يوم عرفك وهو معاك كذا ...
ما كان وتغير لا ...
هذا طبعه ...
فانتي لا تزعلي واهدي وفكري برواق ...
انتي ذكرتي سبب مشكلته مع زوجته انو مافي تفاهم ...ونكديه ...لا تكرري الغلطه..
وحاولي تلغي القنوات ....خرابة البيوت من بيتك ..يمكن هيه السبب ..
والرجال مسونجيه يحبون ....يشوفون حريم ...وهذي فطره ...الله يزرع بقلوبهم تقوى الله

انتي عوديه ....على الكلمه الحلوه ....وافهمي ان هذا طبعه ولازم تغيريه ...وراح تتعبي ..كثير

عووديه كل يوم كل دقيقه حتى يصير الوضع عنده عاادي ...وطبيعي ...
ارسلي له رسايل المحبه واي شي بنفسك ....بس مو فترة وجوده مع الاولى انتبهي !!
لانه بيفهمها ...غيره وحركات حريم ..وانتي ما شاء الله عليك فاهمه

وانتي لا تفكري في باقي البنات ...لان ظروفهم غير ...وازواجهم غير فكري في المشكله اللي عندك ...
وحاولي حلها ...ولا تيأسي ..

والله بيلين وبيتغير معاااك ...
واسأليه انت تحبني ؟؟!!
واذا جاوبك قلي ابغى اسمعها كل يوم ....واشرحي له حاجتنا للكلام الحلو ...مثل حاجه السمكه للماء ...خخخخ حلو المثل ...
وان شاء الله يتغير ...
واذا ما تغير ....
ارجعي لنا ...ونفيدك بالجديد ..المتجدد ..
والبنات ما بيقصرون بيساعدونك ...
اذا جاء ...لا تفهمين سفره غلط !!
يمكن فعلا عنده شغل ...اعذريه ..
واسمعي باقي كلام البنات ....واختاري منه اللي بيساعدك وسويه
وربي يوفقك ويسعدك في الدارين

توقيع
التعامل معي كالتعامل مع المتفجرات ...الغلطه الاولى هي الاخيره :crutch:
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

Powered by: vBulletin
 ©2000 - 2022, Enterprises Ltd.
المنتدى برعاية مميزون العرب للخدمات الرقمية
www.z777z.com
Adsense Management by Losha
( جميع مايكتب يعبر عن وجهة نظر كاتبه ولا يحمل وجهة نظر الموقع يعبر عن كاتبها فقط )
جميع الحقوق محفوظة زوجــي و زوجتــي عالم الحياة الزوجية
جميع الحقوق محفوظة زوجــي و زوجتــي عالم الحياة الزوجية