Abdullah Riyadh ..:: جديد ::..

السلام عليكم

صراحه دخلت المنتدى و شفت تفاعل الناس مع بعض و مساعداتهم لبعض
قلت يمكن تساعدوني
طبعا عمري 21 سنه
و ابي اتزوج لكن الوالده رافضه و الوالد موافق
طبعا ادري الكل يقول اصبر حتى تتوظف لكن ماتفرق معي
لان ابوي الله يطول بعمره بيصرف علي انا و زوجتي و عندنا شقق بسكن بوحده منها
و ادرس جامعه و الحمدلله ماشي فيها و بحاول اقنع الوالده بالموضوع
مشكلتي الثانيه انه مين بتوافق تاخذني وانا ماتوظفت
الحمدلله ماينقصني غير الوظيفه بس ولا فيه شي يعيبني بالعكس ماشي بدراستي و ما ادخن و جسمي رياضي و عضلات يعني كل بنت ترغب بمواصفات زوجها كذا
لكن متعقد من الوظيفه مع ان الوالد بيصرف علينا لين اتوظف و الحمدلله حالتنا الماديه ممتازه
اتمنى تفيدوني كيف اقنع الوالده و كيف اتجاوز عائق الوظيفه ؟
و للبنات تقبلين الزواج من شخص يصرف عليه ابوه ؟
و شكرا لكم

الـــ،،،ــــااهر ..:: المشرف الـعـام ::..

وعليكم السلام ورحمة الله وبركاته

عزيزي سيتم نقل موضوعك الي القسم المناسب
؛°`°؛¤ّ,¸ دليل المقبلين على الزواج °؛¤ّ,¸¸,ّ


لي تعليق لاحد الاخوان بنفس مشكلتك تقريبآ


المشاركة الأصلية كتبت بواسطة الـــ،،،ــــااهر اقتباس :



مرحبآ بك بين اخوانك وربعك و بيتك الثاني وهنا مكان او متنفس ممكن تطرح ما يطري ببالك عزيزي الزواج موضوعه بالفعل مهم ولاكن بوقف معك بنقطه هل انت مستعد؟ بغض النظر عن الناس الاقارب وجهات النظر المختلفه من اللي حوالينك

اذا كنت مستعد

هل يتوفر لك التالي

دخل ثابت سكن استقرار تحمل المسئولية وخصوصآ وانك بعمر 21 وخصوصآ انك مازلت طالب لا اقصد التقليل من شأنك الزواج قبل كل شي مسئولية خلك من غيرك بعمرك ممكن عندهم متطلبات مو متوفره عندك انت شاب ولازم تتزوج ولاكن هل هو الوقت المناسب للزواج نصيحة الوالدة او خالك لشغلات هم يشوفونها انت ماتشوفها الزوجة ممكن بمسئولية الزواج تخليك ماتكمل دراستك بحكم الدخل الثابت بحكم عدم الاستقرار و عدم الانسجام ممكن ما تتخرج بسبب زواجك ويبقى وضعك التعليمي متجمد فكر معي الزوجة تحتاج للمصاريف نفقه السكن و المؤن تحتاج مصاريف لو قدر رب العالمين جاك مولود من بداية زواجك هل بأمكانك تقول ببقي على نفس مستواي التعليمي و انا مسئول عن شخصين انا قائدهم عزيزي البعض اجل زواجه فيما بعد سن 30 و 35 لايستطيع تحمل المسئولية وخاصة في الوقت الحاضر يحتاج تكون نفسك ويحتاج تستقل في سكن خاص ونفقه ومصروف ودخل ثابت شهري و انت بسن 21 تحتاج زوجة تكون تقريبآ اصغر منك 4 سنوات على اقل تقدير البنت بطبيعتها تكبر اسرع من الرجال وبهذا السن بتكون مرع صغيره ومن بيرضى يزوج بنته بهذا العمر ومن يرضى يزوج بنته لرجال مايشتغل او ماله دخل ثابت لتأمين حياة بنته و احتياجاتها ممكن الوالدة ماتبي تقولك شغلات زي كذا علشان ماتكدر خاطرك لها نظره واكبر منك بيوم اعلم منك بسنه و الكبار عندهم حكمة خذها من هالباب انا اعتقد انه على الاقل بعد تخرجك وراجع افكارك من جميع النواحي قبل تجزم وتعقد النيه هذا رأيي و غيري له وجهة نظر الله يوفقك ونسمع اخبار عن تخرجك وزواجك عزيزي .

دمتم بود ومحبه

اخوك الـ،،،ــااهر
ولي عودة

توقيع

المشرف العام
::
أبدع في مواضيعك .. وأحسِن في ردودك .. وقدم كل مالديك ..
ولا يغرك فهمك .. ولا يهينك جهلك .. ولا تنتظر شكر أحد ..
بل اشكر الله على هذه النعمة .. ولله الحمد والشكر ..
::
المسؤولين على المنتدى يحاولون بقدر المستطاع الرد على الجميع والمساعده
وتذكر بأن هناك غيرك من الأعضاء ..
وعدم ردنا على موضوعك ليس تجاهل ..
::
انسحابك أو بقاءك لن يؤثر على أحد .. فكن سند نفسك دائماً ..
::
المنتدى للجميع فتصرف كصاحب المنتدى وليس كضيف ثقيل ..
::
لا تقدم المساعدة وأنت تنتظر مقابل لذلك .. الدعاء الصادق يغنيك ..
::
عدد مواضيعك ومشاركاتك ليس هو الدليل على نجاحك ..
بل مواضيعك المتميزة و أخلاقك الرفيعه ..
::
قبل أن تعمل أي شيء تذكر أن الله عز وجل يراك ..
::
أبو دحيم ..:: جديد ::..

بسم الله الرحمن الرحيم
نسأل الله لك التوفيق والسداد ..
عزيزي الطالب الزواج طموح الكثير من الشباب خصوصا في سن مبكرة ( فوران الشباب ) لكن الكثير العائق الاساسي عندهم هو المال في الغالب وسكن خاص ... وغيرها .. ( العمر ليس بعائق ) ..
لكن من كان في خدمة اهله ( أمه وأخوته ) ومسؤل عنهم في غياب الاب هو بلا شك قادر على مسؤلية الزواج وكذلك من يتوفر لديه سكن خاص ( شقة حسب ماذكرت ) فهذه من المحفزات إيضا
ومن ناحية الصرفية فأنا اقترح أن تبحث عن وظيفة تمشي حالك في الزواج ( هذا افضل لك وللزوجة واهلها ) وتكون مناسبة مع دوام الجامعة ولا مانع من مساندة الوالد في حال النقص المادي , ويكون الحصول على الشهادة الجامعية موضوع جوهري لايمكن التنازل عنه وتبحث عن ذات (الدين والخلق) والجمال .. ولكن رأي الام لابد أن يأخذ بعين الإعتبار انظر ماهي وجهة نظرها ان اقنعتك والا فحاول اقناعها بلطف ( هذه امك ) .. واستخر رب العالمين مرارا وتكرارا .. ( فإذا عزمت فتوكل على الله )

عن عبد الله بن مسعود قال : قال لنا رسول الله صلى الله عليه وسلم { يا معشر الشباب ، من استطاع منكم الباءة فليتزوج فإنه أغض للبصر ، وأحصن للفرج ، ومن لم يستطع فعليه بالصوم فإنه له وجاء }
الباءة ‏:
‏ القدرة على تكاليف الزواج ‏
- YouTube

والله اعلم وبالله التوفيق

мαηηαя ..:: مشرفه دليل العام ::..

عندنا كثير تزوجو بدون وظيفة لكن للاسف الاعتماد على الاهل خلهم متساهلين


يعني لاقدم وظيفة ولا شي اعجبة الوضع ..دور لك وظيفة من العصرية يعني لو راتبها 2000


المهم ماتتعود على ابوك ..الله يوفقك

توقيع
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

Powered by: vBulletin
 ©2000 - 2024, Enterprises Ltd.
المنتدى برعاية مميزون العرب للخدمات الرقمية
www.z777z.com
Adsense Management by Losha
( جميع مايكتب يعبر عن وجهة نظر كاتبه ولا يحمل وجهة نظر الموقع يعبر عن كاتبها فقط )
جميع الحقوق محفوظة زوجــي و زوجتــي عالم الحياة الزوجية
جميع الحقوق محفوظة زوجــي و زوجتــي عالم الحياة الزوجية