تكفون جاوبوني والله ضايعة - زوجــي و زوجتــي عالم الحياة الزوجية

سجينة احزاني ..:: فعال ::..

السلام عليكم كيفكم حبايبي ؟بااااك بعد غياب طويل
حبيت اتكلم معكم في موضوع شاغلني كثير وحارمني من النوم
في البداية اخبركم اني احب واعشق الاطفال جدا وماامل منهم واحب مظهر المراة الحامل
بس بخبركم بتجربتي مع الحمل : في حملي الاول الي حصل بعد مدة من الزواج وبعد علاج وتحطيم من الاطباء ولله الحمد قدرته فوق كل شي ولكن بعد شهرين من الحمل صارت لي مضاعفات ودخلت لغرفة العمليات وكانت حياتي وحياة الجنين في خطر ولكن الله من علي وتمم حملي اللهم لك الحمد والشكر
وبعدها بديت اخذ حبوب مانع ولكن لان معي الشقيقة منعوني منه لانه يسبب لي صداع نصفي وبحثت عن وسيلة ثانية وحذرتني الدكتورة بان لو حبيت احمل مرة ثانية ممكن تحصل لي نفس مضاعفات الحمل الاول وفعلا مااخذت مانع وبعد سنة بالضبط من ولادتي حملت وكان ولدي صغير وموظفه في مدرسة تبعد ساعة ونصف من بيتي وماعندي خادمة المهم لان عمليتي كانت لسه ماصار لها فترة تعبت كثير في حملي لدرجة انه مجرد حركةالبيبي تالمني واحتاج اروح للمستشفى من الالم لان عضلات بطني ضعيفة جدا جدا المهم ولدت بقيصرية بعد وجاتني بنوته وتعبت معها كثير لدرجة احس كبرت 10 سنوات كانت على طول تعبانه وقضيت نفاسي في المستشفيات
وكنت مفكرة ااجل موضوع الحمل مالايقل عن 5 سنوات وطبعا مااقدر اخذ مانع واللولب كل ماعزمت اركبة اتردد وكنا نستعمل الواقي بس
الان بنتي عمرها سنه ونص وتاخرت علي الدورة وسويت كل طريقه ممكن تنزلها اخذت اعشاب وتبخرت من تحت ومافي فايدة
المهم حللت وطلعت حامل وجلست ابكي في دورة المياة واتحسب على زوجي وطلعت من دورة المياه ووجهي اصفر كني مروعه
والى الان كل مايشوفني احد يسالني لية وجهك اصفر
المهم ظليت يومي كله ابكي واتخانق مع زوجي
خايفه على نفسي من عملية جديدة ماادري اطلع منها او لا وخايفه على اولادي
وخايفه على البيبي نفسة لاني في الشهر هذا مسوسة اشعة اكس ومسوية منظارين لمعدتي وقولوني بتخدير كامل ( شفتو اني كبرت 10 سنوات) واعالج ظهري صار عندي انحراف بفقرتين من ظهري
الحمدلله على كل حال
المهم رحت للدكتورة قالت المفروض الحمل له الان شهر ونص بس مع كذا موباين الا كيس صغير جدا
فطلبت منها تنزله قبل يتكون جنين ويصير حرام علي انزله بعدين
بس خفت ربي يعاقبني
والان انا افكر انه يمكن ربي غضب علي علشان كذا صار الحمل بس كيس
وحالتي لله حى نومي اصحى منه ابكي ولا اكل
كل هذا بسبب خوفي من رب العالمين يكون غضب علي لاني ماشكرت النعمة
ارشدوني وش اسوي
هل ممكن فعلا ربي غضب علي ؟
هل ممكن يتكون جنين ؟
بليييييييييييييييييييييييييييز جاوبوني ماعندي احد وامي كل ماحملت زعلت علي وماتكلمني ليه احمل وعيالي صغار؟

نجمةالفجر ..:: عضو مميز ::..

حبيبتي إن الله غفور وتواب لا تخافي وتوبي باب التوبة مفتوح دائما فيه حديث بما معناه إن العبد ليخطأ ثم يتوب ثم يخطأ ثم يتوب فإن الله يحب هذا العبد ما أذكر الحديث ولكني أتذكر المعنى
عزيزتي إعرفي إن هذا الحمل الله اللي كتبه لك ومو السبب زوجك وحتى لو سويتي الموانع كلها مرة وحدة والله مكتب الحمل بيكون الحمل فوضي أمرك لله وأدعيه واستغفري كثير فالإستغفار مفيد جدا لتفريج الكرب ولكل شئ
وكما قال تعالى (( عسى أن تحبوا شيئا وهو شر لكم وعسى أن تكرهوا شيئا وهو خير لكم ))
وأعلمي إن كل شئ الله يكتبه لنا مهما ساء في نظرنا فهو خير لنا من الله وإن لو الله كشف لنا الغيب لكنا اخترنا اللي الله كتبه لنا.
وتمناتي لك بالصحة والتوفيق.

توقيع

منور يالعنــــــــــــــــيف

لالالالا تنسوه عضو مشهوور

ههههه علشان تنبسط أكثر

البااارونه ..:: مشرفة دليل العام ::..

حبيبتي الله اعلم بحالك وهوارحم الراحمين
ولا اضن انك سويت اللي
سويته من دلع او بطر والعياذ بالله
لاكن المرض والتعب الي فكي هو السبب
وامك ماتزعل عليك الا لنها ترحمك و ماتبغ لك التعب
والله ارحم بنا من امهاتنا ااطلبيه الرحمه
وانه يرشدك للطريق الصحيح

توقيع

أغ ـــانيج ..:: كبار الاداريين ::..

اذكري الله يالغلا وتعوذي من الشيطان وثقي انه ما بيجيك من بطنك عدو

ولله حكمه ورحمه باي امر يقدره عليك سواء حمل او اسقاط او حتى اجهاض قدره لك

انا والله ما فهمت انتي نزلتيه ولا باقي

اذا كنتي باقي استخيري الله وربي بيدلك على الصح

واذا كنت نزلتيه استغفري الله وربي عارف انك ما نزلتيه دلع ولا تحديد نسل ولا اعتراض

بقولك سالفه وربي حقيقيه صايره مع امي شخصيا

قبل حوالي 32 سنه كانت امي مسويه عملية كلى يعني استأصلوا كليه كامله بطنها مشقوق من النص من قدام ومثلها من ورا يعني الجنب كامل وكانو مانعينها من الحمل نهائيا بالذات انها بالجراحات القديمه مو مثل الحين

المهم ما اخذت شهرين بعد العمليه الا وهي حامل

صار لها زي ما صار لك وطلب ابوي اجهاض الجنين وراح جدي مخصوص للطبيب المختص عشان يقنعون الطبيب بالاجهاض

امي فديت رجولها حنووووونه جدا ما كان في بالها انها تجهض لكن مع اصرار ابويوجدي استسلمت للأمر الواقع

الدكتور اللي سوالها العمليه اقنعهم انو الخطوره رغم وجودها الا انها ممكن تكون محدوده الى حد ما

وقال انا بتابعها شخصيا وباستمرار ولو شفنا اي خطوره انا بنفسي راح اجهضه

فما تدرون يمكن يكون هذا الجنين خيرة عيالها والوحيد اللي بيرجع لها في يوم من الايام طبعا الدكتور سعودي وفيه خير كثير الله يجزاه الجنه

تركت الجنين وتابعت الحمل مع الدكتور وحلفت بالله انه ايسر ولاده من سبعة اطفال وايسر تربيه واقسم لك انها عايشه معاه ببيته وكأن مافيه بهالدنيا الا امي

يشوف الرضا بوجهها كلنا تزوجنا ورحنا بنات واولاد وهو الوحيد اللي قام بها وبر بها اكثر مننا جميع

ووالله الذي لا اله الا هو انه اب لنا جميعا يسأل عننا ويجمعنا ويفرح عيالنا وكتب الله له وصار مؤذن في مسجد الحي

فلا تزعلين من مشيئة الله سواء اكملتي حملك او لا

فالاقدار بيد رب الاقدار

اعذريني عالاطاله

توقيع

الحب دعاااااء

فمن يحمل في قلبه حبا لي ...

فليذكرني بدعوه ,,

يعلم الله كم احتاجها :111:

سامحوني على الغياب

ظروفي لا تسمح لي بدخول المنتدى هذه الفتره

وسامحوني ان طاال هذا الغياب ولم اعد

مايفرقنا غير الموت.. ..:: مشرفه دليل العام ::..

حبيبتي الله يكون بعونك ويسهل أمرك بس هذا كله مكتوب لك وهذا قدرك ياالغلا زوجك وحتى الجنين مالهم ذنب..
والله اعرف نساء يحملون حتى وهم ياخذون مانع هذي رزقه من رب العالميين لاتنزليه يمكن يكون اصلح اولادك..
الله يكتب لك اللي فيه الخير يارب..

توقيع

ربي لاتذرني فرداً وانت خير الوارثين,,رب هب لي من لدنك ولياً وجعله ربي رضيا,, رب هب لي من لدنك ذريه صالحه طيبة إنك سميع الدعاء يارب يارب يارب هو عليك هين يارب خلقتني من قبل ولم أك شيئ فاأرزقني,, يارب إذا اردت شي فإنك تقول له كن فيكون يارب ارزقني وكل محرووم عاااااااجل غير آآآآجل..

لا إله إلا أنت سبحانك إني كنت من الظالمين..

اللهم صلي وسلم على محمد عليه أفضل الصلاة واتم التسليم..

والله, تكفون, جاوبوني, ضايعة

الموضوع التالي

قد يُعجبك ايضاً

والله والله اني محتاجه احد يرد عليا ويريحني في موضوعي والله اني ابكي من الكتر التفكير تعبت ردو علىا تكفون تكفون ابي مساعدتكم ضروري والله لدعي للي تردلي والله تعبت من هالنصابين ؟؟؟؟ تكفون اللي بالشرقيه وعندهم نصايح لي تكفون يا اهل الخير ساعدوني والله تعبت تكفون جاوبوني يا أهل الخبرة عاجلاً

Adsense Management by Losha

( جميع مايكتب يعبر عن وجهة نظر كاتبه ولا يحمل وجهة نظر الموقع يعبر عن كاتبها فقط )